Meira en að segja það.

Afskaplega var þetta greindarlega mælt hjá Guðfríði Lilju.  Hitti Össur sjálfan sem eflaust dreymdi um hraðsiglingu inn í náðarfaðminn hjá ESB. 

Þegar hann sér að slíkt gengur ekki upp fyrir kosningar  er önnur skýring  búin til.

 


mbl.is Össur: Gæði umfram hraða
Tilkynna um óviðeigandi tengingu við frétt

Keltar og keltnesk áhrif.

Fór á afar fróðlegt fræðsluerindi sem Þorvaldur Friðriksson fréttamaður hjá RUV flutti um Kelta og keltnesk áhrif á Íslandi.   Var það stutt kvöldnámskeið á vegum Fræðslunets Suðurlands á Selfossi.

Það er í raun merkilegt hve enn í dag er mikil lokun á þessa umræði  og lítil fróðleiksfýsn virtra fræðimanna um  þessi áhrif á Íslandi.  Allt bendir til mikilla áhrifa.  Þó ekki væri nema beinar erfðarannsóknir  sem benda til yfir 63%  genaskyldleika íslenskra kvenna til Bretlandseyja eða Kelta.

Þorvaldur hefur mikið stúderað mannanöfn, staðarheiti, bæjarheiti og örnefni í íslensku landslagi.  Hann nefndi fjölda dæma   og gat bent á skyldleika   úr gelísku eða írsku.

Hér á Íslandi notum við fjölda orða sem hvorki finnast í dönsku, norsku eða sænsku.  Samt eru málin talin náskyld.

Dæmi um orð sem ekki þekkjast á norðurlandamálum.

Gemlingur -   geml þýðir vetur á gelísku   (gemlingur er veturgömul kind)

Skyr - þýðir ostur á gelísku.

Plokk (fiskur) -  þýðir kássa á gelísku

Hann gat um mörg stórbýli  á Íslandi sem heita Saurbær.     Taldi mjög ólíklegt að þau væru kennd við saur.
Saur -  þýðir stór á gelísku.

Súg -  þýðir alda á gelísku.     Útræði var aldrei þar sem  bærinn Súgandafjörður er í dag.  Úthafs aldan kom þar beint að landi sem hentað ekki árabátum nákvæmlega á þeim stað.

Glíma -  þýðir bardagi á írsku, en þekkist ekki á norðurlandamálum.

Mörg fleiri dæmi nefndi hann í erindi sínu sem var mjög fróðlegt. 
Einnig kom hann inná hve keltnesk áhrif voru víða fyrir daga Júlíusar Sesars.    Eftir urðu þau á nokkrum eyjum hér í okkar heimshluta.

Fyrir utan að vera rauðhærður sjálfur velti ég því stundum fyrir mér hvers vegna breskur húmor fellur betur að mínum smekk en sá skandinavíski.    Satt best að segja tengi ég ekki alltaf við  grín nágranna okkar þó þeir séu eflaust fjarskyldir frændur.


Þvingunarúrræði.

Það er vissulega lýðræði.   

En stundum virkar það hjá ESB þannig að þið skuluð bara halda áfram að greiða atkvæði þangað til þið segið já.

Ef þið segið nei og hafið meiningu  eitthvað sem er á skjön við ákvörðun stærstu aðildarríkjanna.   Þá verðið þið bara sett út í horn.   "Áhrifaminni".  Jahá.


mbl.is Írar myndu missa áhrif innan ESB
Tilkynna um óviðeigandi tengingu við frétt

Evran var pólitísk aðgerð.Ekki hagfræðileg.

Athyglisvert viðtal við Jón Daníelsson hagfræðing í Silfri-Egils.    Hann þarf ekki málalengingar til að skýra mál sitt.

Jón skýrði vel hve gjaldeyrishöftin virka lamandi á alla upprisu efnahagslífsins til frambúðar.  Ég var þeirrar skoðunar að taka skellinn strax.    Leyfa óþolinmóðu fé útlendinga að fara út.      Það hefði enn dýpkað gengisfellinguna.     En staðan væri allt önnur í dag.  Og gjaldeyrishöftum hefði verið hægt að aflétta mun fyrr.    Engin ástæða er samt til örvæntingar um krónuna að mínu mati.   Hún mun að sjálfsögðu styrkjast ef ykist hér fjárfesting og umsvif.  Nú er talað líkt og hún sé föst þar sem hún er núna.

Jón þurfti ekki mörg orð til að lýsa vandræðum með Evruna. Þar var byggt á gölluðu móteli í upphafi að hans mati.  Hann taldi að verið væri að bæði refsa og að bjarga Grikkjum til að setja fordæmi fyrir ítölsk stjórnvöld. Svo þau færu ekki sömu leið.  Þá er Evru-dæmið allt fyrst í vanda.  Einfaldlega vegna þess að ekki er hægt að "bjarga" og afskrifa skuldir Ítala á sama hátt.   Stærðarmunurinn er slíkur.

 


Þá er að ausa fé í meiri áróður.

Við erum nú aðilar að  EES.  Það jafngildir á bilinu 70-80% aðild að ESB.

Íslendingar vita því giska vel hvað felst í fullri aðild að Evrópusambandinu.   En Evrópustofan slær eflaust í klárinn og eys fjármagni í  "fræðslu".     Fjármagni sem annars er lítið af í venjulegum fjölmiðlum okkar Ísa-lands.

Með aðild væru Íslendingar að festa í sessi gallana.  Þar stendur hnífurinn i kúnni og á því verður engin breyting.   Það á við um sjávarútveg og landbúnað.   Opna þyrfti fiskveiðilögsöguna fyrir aðgangi erlendra aðila hjá eyþjóð þar sem tók 1100 ár að ná að nýta hlunnindi sín og auðlind með fullum rétti. ESB veitir þar engan afslátt síðast þegar fréttist.   Málið mun aðeins snúast um tímalengd á undanþágum.


mbl.is Evrópuþingið styður aðild Íslands að ESB
Tilkynna um óviðeigandi tengingu við frétt

Náttúrulífsþættir og Attenborough.

Enn á ný eru komnir í íslenska ríkissjónvarpið nýjir náttúrulífsþættir frá meistara Richard Attenborough.

Ég hef áður hrósað honum hérna. Maðurinn er hreint ótrúlegur fræðari.Allt á mannamáli og lið hans allt jafn flinkir fagmenn á sínu sviði. Nú er verið að sína þætti um lífsbaráttuna á norðurslóðum. Frábært efni.

Eins sakna ég þó. Attenboroughs sjálfs. Það er íslenskur þulur,ágætur í sínu fagi, en svona gera menn bara ekki.


Koma þessi ummæli í Fréttablaðið?

Ég stórefa það.    Hentar ekki Pravda (stórasannleiks)  þess fjölmiðils.

Svona fer  umræðan fram. Um ESB og fleira.  Þegar forsvarsmenn sumra íslenskar fjölmiðla þóttust hafa náð allt að fullkomnun  (þegar timi flokksblaðanna var nýliðinn)    var hæðst að "gamla" tímanum.       Nú erum við í sömu sporum.    Aðeins valdar fréttir sem henta málstaðnum rata í hina ýmsu miðla nútímans.

Umræðan er ekki hótinu skárri en hún var á tímum kalda stríðsins.

Glöggt er gests augað og allt það.   Þarna talar öldungur sem greinilega hefur vit á  hlutunum.


mbl.is Ísland þarf ekki að kasta krónunni
Tilkynna um óviðeigandi tengingu við frétt

Hin margbrotnu tungumál.

Ég var sjálfur í máladeild í menntaskóla fyrir 30 og eitthvað árum síðan. Þá var gert hálfgert grín að slíku og talað um að maður væri þá staddur á "flugfreyjusviði".
Þetta hefur að ég held breyst. Að kunna skil á nokkrum tungumálum er góð undirstaða undir margt. Hef aldrei séð eftir því. Enda hálfgerður skussi í stærðfræði og raungreinum.

Tungumálin hafa hinsvegar alltaf legið vel fyrir mér. Slíkt er eins og margt annað misjafnt milli einstaklinga. Samt hafa tölur á löngum tímabilum orðið mínar ær og kýr ,nánar tiltekið númer tvö fyrir utan þessar hefðbundnu. Aðallega sem gjaldkeri og setum í sveitarstjórnum. En aðrir voru svo snjallir að finna upp reiknivélar og tölvur svo allt er mögulegt í dag.

Fram á síðustu ár var "greind" að stórum hluta skilgreind útfrá færni í stærðfræði. Kannski ekki snobbað fyrir slíku, en allt að því. Nú vita menn betur. Lesblindir hafa svo dæmi sem tekið aðrar og stundum mun betri náðargáfur en annað fólk.

Engin færni er yfir aðra hafin. En á öllum sviðum eru til snillingar. Líka í að tala tungum.


mbl.is Talar 18 tungumál
Tilkynna um óviðeigandi tengingu við frétt

Hellisheiðin

Færi er gott um allt land í dag 10.febrúar 2012,enda verið rigning um allt land síðustu daga. Við að skoða vefmyndavélar sýnist mér í augnablikinu snjór einna mestur á Hellisheiði syðri. Fyrir utan kannski hæstu fjallvegi á Vestfjörðum.

Sýnir okkur hvers vegna Hellisheiðin getur verið mikill farartálmi á annars snjóléttu svæði hér syðra. 


Léttvæg stjórnun.

Ekki það að allt sé fengið með menntun.

En.

Ef ég læt byggja hús fyrir mig verð ég að ráða lærðan byggingameistara.   Ef bíllinn bilar stórt fer ég til löggilts bifvélavirkja. Ef þarf að mála er rætt við málningameistara.

Til skamms tíma...  Ef þarf að ráða æðsta mann í forsvar fyrir lífeyrissjóð. ; Hver sem er.

Það er alltof mikið rangt að braska og verja hluta af dýrmætum launum hinna vinnandi stétta í hrein og klár fjárhættuspil.  Launum sem aflað var með svita og basli oft á tíðum.    Ég vorkenni síður þeim sem eiga nánast gulltryggð lífeyrisréttindi vel á pari við vinnulaun sín út á markaðnum.  Og það eru vel að merkja fleiri en Ráðherrar og Alþingismenn.

Og í lokin aftur að menntun.   Á hana er treyst.  Sumir voru nógu þaulmenntaðir sem sukkuðu á gróðæristímanum.    Í bönkum og víðar. Hvað finnst þeim sem sáu um að mennta þá og uppfræða  í rándýrum skólum.   Brást ekki líka eitthvað þar?  Eða er kannski uppeldi á heimilum orðið það dapurt að hreinlega þurfi að kenna siðferði jafnhliða?

Jú alltaf talað um að axla ábyrgð.  Æ fleiri missa trúna á að það verði nokkurn tímann.  En ég velti fyrir mér hvenær einhver viðurkennir að hafa gert eitthvað rangt.   Það myndi tappa heilmikilli reiði af mörgum þegnum þessa lands.  Þá er frá mínum sjónarhól ekki sáluhjálparatriði að löng refsing fylgdi.

 


mbl.is Kúlulánin komu á óvart
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband