Keltar og keltnesk áhrif.

Fór á afar fróðlegt fræðsluerindi sem Þorvaldur Friðriksson fréttamaður hjá RUV flutti um Kelta og keltnesk áhrif á Íslandi.   Var það stutt kvöldnámskeið á vegum Fræðslunets Suðurlands á Selfossi.

Það er í raun merkilegt hve enn í dag er mikil lokun á þessa umræði  og lítil fróðleiksfýsn virtra fræðimanna um  þessi áhrif á Íslandi.  Allt bendir til mikilla áhrifa.  Þó ekki væri nema beinar erfðarannsóknir  sem benda til yfir 63%  genaskyldleika íslenskra kvenna til Bretlandseyja eða Kelta.

Þorvaldur hefur mikið stúderað mannanöfn, staðarheiti, bæjarheiti og örnefni í íslensku landslagi.  Hann nefndi fjölda dæma   og gat bent á skyldleika   úr gelísku eða írsku.

Hér á Íslandi notum við fjölda orða sem hvorki finnast í dönsku, norsku eða sænsku.  Samt eru málin talin náskyld.

Dæmi um orð sem ekki þekkjast á norðurlandamálum.

Gemlingur -   geml þýðir vetur á gelísku   (gemlingur er veturgömul kind)

Skyr - þýðir ostur á gelísku.

Plokk (fiskur) -  þýðir kássa á gelísku

Hann gat um mörg stórbýli  á Íslandi sem heita Saurbær.     Taldi mjög ólíklegt að þau væru kennd við saur.
Saur -  þýðir stór á gelísku.

Súg -  þýðir alda á gelísku.     Útræði var aldrei þar sem  bærinn Súgandafjörður er í dag.  Úthafs aldan kom þar beint að landi sem hentað ekki árabátum nákvæmlega á þeim stað.

Glíma -  þýðir bardagi á írsku, en þekkist ekki á norðurlandamálum.

Mörg fleiri dæmi nefndi hann í erindi sínu sem var mjög fróðlegt. 
Einnig kom hann inná hve keltnesk áhrif voru víða fyrir daga Júlíusar Sesars.    Eftir urðu þau á nokkrum eyjum hér í okkar heimshluta.

Fyrir utan að vera rauðhærður sjálfur velti ég því stundum fyrir mér hvers vegna breskur húmor fellur betur að mínum smekk en sá skandinavíski.    Satt best að segja tengi ég ekki alltaf við  grín nágranna okkar þó þeir séu eflaust fjarskyldir frændur.

Athugasemdir

[Sævar Óli Helgason, 23.3.2012 kl. 01:40]

Ég vil benda þér á að lesa bókina "Landnámið fyrir landnám" eftir Árna Óla... Útg. 1979... Semog mörg önnur skrif hans en hann talaði á svipuðu nótunum... Sérstaklega um byggðina í kringum Hellu, hve gelísk hún í raun og veru var...

Það virðist hinsvegar vera talsvert tabú þetta með uppruna okkar eða aldur byggðar í landinu...

Einsog sannaðist fyrir greyið konuna (fornleifafræðinginn) sem gróf upp í Herjólfsdal, langhús frá 690-750... Hún hefur aldrei fengið vinnu við forleifarannsóknir aftur...

[P.Valdimar Guðjónsson, 26.3.2012 kl. 21:55]

   Einhversstaðar á leiðinni  urðu okkar "kære nordiske vender"  öðrum æðri.        

Keltarnir eru vissulega þarna lengra í burtu  en á langri leið sem spannar kannski 1150 til  1350 ár munar náttúrlega engu í tíma og fjarlægð.   Þá meina ég hvað varðar skyldleika  og tengingu við forfeður.   

Á þessa tengingu var greinilega klippt fyrir margt löngu.  Hún lögð í þagnargildi.     Eitthvað hefur trúlega gengið á sem undanfari þess.  Hvað svo sem það var.         

En þetta er algjör óþarfi að láta svona enn í dag.  Sem speglast í áhugaleysi íslensks fræðasamfélags  og allt að því þöggun.

Ég segi þetta ekki vegna minna álits á skandinavískum frændum okkar, frænkum  og forfeðrum.- Og margvíslegum leyfum eftir þeirra búsetu hér. Tek það fram.