Hafa í hendi sér.

Hluta þessa geta íbúðalánasjóður og bankarnir stýrt.   Viða er enn ónotað húsnæði síðan í stóru Bólu hinni síðari.  Í nágrenni við mig (Árborg)  standa heilu blokkirnar hálf og altómar.  Svo sérkennilegt sem það er vantar samt leiguhúsnæði.  Eins er komið i höfuðborginni.  Íslendingar eru því í bærilegri stöðu að hafa taumhald á bólu þessari. 

Sjóðir og bankar.  Byrjið að slaka út. 

Húsnæðismarkaðurinn helsta ógnin

Klassaleikur hjá bestu liðum heims.

Ísland - Spánn.  Að slepptu svekkelsi yfir úrslitum var þetta frábær leikur.  Allt besta í boði sem snýr að nútíma handbolta.   Þrátt fyrir endanleg úrslit þurftu Spánverjar heldur betur að hafa fyrir sigrinum. Hann tók örugglega á leikmenn. 

Danski þjálfarinn örugglega okkur þakklátur fyrir það.  Þeir stefna nefnilega á úrslitin og telja verður Spánverja þeirra líklegustu mótherja í úrslitaorustunni.

 það segir margt um stöðu islensks handbolta að mæta liði Austurríkismanna með íslenskum þjálfara.  Einnig að innan tíðar gætu þeir hugsanlega orðið þrír á næsta stórmóti.  Þ.e. Þegar Guðmundur er tekinn við stjórnvöl danska landsliðsins.

Aron: Fannst við eiga séns

Nú þarf að grípa í tauma.

Þegar vetrarsólin lækkar sig í neðstu stöðu og skuggarnir lengja sig útí svart myrkur gerist það.  Aðventan kemur með upplífgun í skammdegi, skraut í bæ og borg ásamt ljósum sem lífga sálaryl hjá landanum.     Þá berast fréttir af brunum.   Annir hjá slökkviliðum og þegar jól og áramót kæta geð guma aukast annir slökkviliðs enn , og því miður verða stundum hræðileg slys.     Of oft hreinlega útfrá kertalogum, sem annaðhvort gleymast eða eru á afar slæmum stöðum.

Tryggingafélögin hljóta að hafa áhyggjur, en hvers vegna sést það hvergi í fjölmiðlum?     Árangur hefur náðst með sláandi  myndskeiðum og fræðslu gegn umferðarslysum.   

 Á aðventu og um jól/áramót  þarf að halda úti stöðugri fræðslu og aðvörunum til almennings.  Þetta gengur ekki.  

Ég veit að sjálfsögðu ekki alltaf um eldsupptök.  Þau geta að stundum verið óviðráðanleg.  En fjöldi bruna í íbúðarhúsum um þetta leiti árs getur ekki verið tilviljun.

Slapp ólétt út úr brennandi íbúð

Keltar frændur okkar.

Keltar og keltnesk áhrif.

Það er í raun merkilegt hve enn í dag er mikil lokun á  umræðu  og
lítil fróðleiksfýsn virtra fræðimanna um  keltnesk áhrif á Íslandi. Fræðasamfélagið setur hreinlega á sig eyrnatappana og leppinn fyrir augun. Ótalmargt styður  samt þetta.   Þó ekki væri nema beinar erfðarannsóknir 
sem benda til yfir 63%  genaskyldleika íslenskra kvenna til
Bretlandseyja eða Kelta.

Landnám á Íslandi hófst löngu fyrir 870. Þetta eru lokaniðurstöður
umfangsmikillar rannsóknar Páls Theodórssonar eðlisfræðings við
Raunvísindastofnun Háskóla Íslands.

Páll ber saman fjölda rannsókna og aldursgreiningar sem hann segir að
sýni óvéfengjanlega að landnám hafi hafist löngu fyrir 870 eða lágmark 100
til 200 árum fyrr. Páll hefur um árabil unnið að þróun aðferða til
aldursgreiningar kolefnis sem geta skilað um tvöfalt meiri nákvæmni en
áður. Nýjustu rannsóknir í Færeyjum sýna t.d. að landnám þar hófst á
árunum 400 til 500 eftir Krist en ekki um 820 eins og talið hefur verið.
 Hann fullyrðir að í ljósi þeirra sé mikilvægt  að
endurskoða sögu landnáms á Íslandi.    Hefur varla heyrst hósti né stuna um þessa fróðlegu rannsókn sem kynnt var sl. sumar.

Þorvaldur Friðriksson fréttamaður
hjá RUV flutti nokkur fróðleg erindi um Kelta og keltnesk áhrif á Íslandi hjá Fræðslunetinu..    Þorvaldur hefur m.a. stúderað mannanöfn, staðarheiti, bæjarheiti og
örnefni í íslensku landslagi.  Hann nefndi fjölda  dæma   og gat bent á
skyldleika   úr gelísku eða írsku.

 

Hér á Íslandi notum við fjölda orða sem hvorki finnast í dönsku, norsku
eða sænsku.  Samt eru málin talin náskyld. Vissulega skyld, en fráleitt jafnmikið og hin.    

Dæmi um orð sem ekki þekkjast á norðurlandamálum.

Gemlingur -   geml þýðir vetur á gelísku   (gemlingur er veturgömul
kind)

Skyr - þýðir ostur á gelísku.

Plokk (fiskur) -  þýðir kássa á gelísku

Hann gat um nokkur stórbýli  á Íslandi sem heita Saurbær.     Taldi mjög
ólíklegt að þau væru kennd við saur.
Saur -  þýðir stór á gelísku.

Súg -  þýðir alda á gelísku.   (Súgandafjörður)

Glíma -  þýðir bardagi á írsku, en þekkist ekki á norðurlandamálum.


Á þessa tengingu var greinilega klippt fyrir margt löngu.  Hún lögð í
þagnargildi.     En þetta er algjör óþarfi að láta svona enn í dag.  Sem speglast í
áhugaleysi íslensks fræðasamfélags (aðallega fornleifarannsókna)  og allt að því þöggun.

Einhversstaðar á leiðinni  urðu okkar "kære nordiske vender"  öðrum æðri.
Ég segi þetta ekki vegna minna álits á skandinavískum frændum okkar,
frænkum  og forfeðrum.- Og margvíslegum leyfum eftir þeirra búsetu hér.
Tek það fram.


Kímnigáfa tel ég víst að sé hluti arfgerðar þjóða. Fyrir utan að vera rauðhærður sjálfur velti ég því stundum fyrir mér
hvers vegna breskur húmor fellur margfalt betur að mínum smekk en sá
skandinavíski.    Satt best að segja tengi ég ekki alltaf við  grín
nágranna okkar þó þeir séu eflaust fjarskyldir frændur. 

 

Að lokum eitt.  Sagnaritun var þróaðri meðal Kelta en þeirra norrænu.   Eigum við kannski  þessum skyldleika  að þakka okkar  mestu metnaðarhnoss?   Á ég þar við handritin.

 

Valdimar Guðjónsson.

(Birt í Sunnlenska Fréttablaðinu 18. desember 2013)

Össur og lax.

Ég er ekki oft sammála Össuri Skarphéðinssyni í pólitíkinni.  Held að hann sé miklu betri vísindamaður. Enda virtur sem slíkur.   Sérfræðingur í líffræði laxfiska með "kynlífið" sem sérgrein ef ég man rétt.

Hef ekki lesið jólabók Össurar " Ár drekans" en heyrt og séð vel látið af henni enda maðurinn fínn stílisti með sérkennileg orðtök ávallt á takteinum.  Gæti trúað að bestu hæfileika Össurar mætti flokka í þessari röð;  1.vísindamaður, 2. blaðamaður, 3. stjórnmálamaður.

Hjó eftir frétt á Vísi sem unnin er uppúr bókinni. Hún greinir frá hrossakaupum síðustu stjórnarflokka.  Þar var grautað saman ESB umsókn og framgang þeirra viðræðna fyrir Samfó, gegn því að þeir sömu segðu nei við mögulegum virkjanakostum í hinni margvirkjuðu Þjórsá.    

Össur var ekki sammála um að grauta þessu saman. Það vakti hinsvegar athygli mína til viðbótar að Össur gaf ekkert fyrir laxarök Orra Vigfússonar.   Þar er ég viss um að bjó þekking hans að baki og Össur vitnaði einnig til Veiðmálastofnunar og vissi sem var að þar lá enn meiri þekking og rannsóknir.

 

Álver og Bless.

Þetta er óneitanlega neyðarlegt   Forstjórinn sem segir að ekkert verði af álveri í Helguvík við núverandi aðstæður heitir Bless.!

Ekki útlit fyrir að álver rísi í Helguvík

Útvarp stjórnarandstaða.

Trúlega hafa fleiri en ég þ.e. hlustendur RÚV, tekið eftir stefnubreytingu hjá Óðinsvéum (þ.e. Fréttastofu).

Nú er fyrstu fréttir frá stjórnendum þessa lands sagðar frá hugrenningatengslum stjórnarandstöðu. Að sjálfsögðu Samfylkingar. Stöku sinnum Vinstri- grænna.

Þetta er breyting. Af einhverjum ástæðum gerðist hún þegar þessi ríkisstjórn tók við stjórnartaumum.  Síðustu vikur hefur hvað eftir annað fyrsta frétt verið ummæli og fullyrðingar stjórnarandstæðinga.

Efast ekki um að íslenskar stjórnarandstöður allra tíma fagni þessu.   Þarf ekki í öllum tilvikum að vera slæmt.    

En kratahópurinn þarf að hífa sig yfir sina hlutdrægu nálgun.  Ella heldur trúverðugleikinn áfram að bíða hnekki.

Þá minnast starfsmenn á traust til RÚV og vísa í skoðanakannanir.     ( Hóst )  ...hvað er annað  i boði.?

Tillaga um desemberuppbót felld

Nýta peninginn.

Íslendingar eru með eitt af dýrustu grunnskólakerfum per nemenda.    Fjárveitingar voru stórauknar þegar sveitarfélögin tóku yfir málaflokkinn fyrir rúmum tveimur áratugum.

Gott mál. Það er ekkert sérlega umdeilanlegt.  Við viljum gera vel við börnin okkar.  Verum bara stolt af því.

Samt komum við ekki vel útúr Pisa könnun.

Tökum það jákvæða út. Við leggjum " bunch of money" í verkefnið.   Misstum okkur reyndar í að gera fáránlega dýrt skólahúsnæði á tímabili.   Erum vonandi hætt þeirri vitleysu. 

 Verkefnið er að bæta kennsluaðferðir.  Sé ekkert flóknara við dæmið,þ.e. ef við viljum bæta okkur.

Spreyttu þig á PISA-könnuninni

Er læknaskorturinn bundinn mest við Lansa?

Ég velti fyrir mér, eða öllu heldur ég hef hvergi séð nákvæma skilgreiningu á meintum læknaskorti. 

Hann er staðreynd, það er ljóst og er alvarlegt mál. En greinilega mjög misjafn milli fagreina.   Sá viðtal við yfirlækni leitarstöðvarinnar.  Hann tók sem dæmi að nóg væri af menntuðum kvensjúkdómalæknum.  Þar væri hægt að fá tíma nánast samdægurs.    Svo er um fleiri sérhæfð svið sem betur fer.  Allavega virðist nokkuð auðvelt að fá tíma með skikkanlegri  bið hjá flestum sérfræðingum.  En ekki öllum vissulega. T.d vöntum á sérhæfðum krabbameinslæknum. Sem er alvarlegt

Frá mínum sjónarhól virðist læknaskorturinn snúa beint að  ríkinu.   En ekki hægt að alhæfa yfir línuna sem virðist stundum gert.

 

Árangur tekinn að láni í þoli og þreki

Moggi í eina öld.

Morgunblaðið er nýorðið 100 ára.    Það er hár aldur á dagblaði. Einsdæmi
hérlendis og einnig fátítt erlendis að einkarekinn fjölmiðill starfi jafn
lengi.Það er full ástæða til að óska öllu Morgunblaðsfólki til hamingju
með aldarafmæli blaðsins.

Verður að viðurkennast að maður er alltaf stoltur að hafa unnið örlítið
fyrir blaðið á árum áður og kynnst nokkrum stjórnendum, blaðamönnum og
ritstjórum.  Fyrst fyrir tæpum 30 árum.   Sá góði vinnuandi og faglegu
efnistök sem þar ríktu voru þroskandi og gáfu manni góða innsýn í störf
blaðamanna.

Á margan hátt skiluðu þessi vönduðu vinnubrögð sér í gæðum frétta og allri
umfjöllun um menningu og þjóðlíf.  Að auki hefur alltaf verið mikil
varðstaða um vandað íslenskt mál á blaðinu.   Sem dæmi því tengt man ég eftir að
eitt sinn sýndi Styrmir ritstjóri okkur til fróðleiks dæmi um auglýsingar
sem var hafnað þann daginn til birtingar. Aðallega út af allskyns ambögum
í texta og slettna sem ættaðar voru frá engilsöxum.   Smeykur um að
slaknað hafi á því síðustu ár í fjölmiðlaflórunni.

Blaðið bar enda höfuð og herðar yfir önnur dagblöð lengstum sína aldaræfi
í stærð og síðufjölda.  Morgunblaðið stóð vel, það seldist vel og gat því
veitt lesendum góða þjónustu.   Blaðið var því vandað og vinsælt  á eigin
á eigin verðleikum, en lengstum ekki vegna þess að eigendur dældu þar inn
peningum í reksturinn.     Slíkt er síðari tíma uppfinning. Fundið upp í
aðdraganda stóru bólu hinnar síðari.   Feðgar stofnuðu ókeypis dagblað til
höfuðs  Morgunlaðinu  klyfjaðir lánsfé sem stóð uppúr öllum vösum og dældu
í hið stóra start Fréttablaðsins.   Á flestum sviðum var lánsfjármagn þá
líkt og flot í steypu.  flæddi útum allt. Eins og að var stefnt skekti það
og skók gamla Moggann.   Reksturinn varð erfiður og nýir eigendur tóku
við.

Í dag er annar ritstjórinn umdeildur en gæði blaðsins  eru fín. Ólíkt
öðrum miðlum eru þar enn fjöldi starfsmanna meðmikla reynslu sem skilar
sér.  Einnig hefur verið ráðið hæfleikafólk.

Á stundum er blaðið haft fyrir fáránlega rangri sök aðallega frá fólki sem er slegið pólitískri blindu.
Þver ofan í hald margra  má rekja í aðdraganda Hruns greinarflokka í títtnefndu blaði um ofvöxt
bankakerfis og erlendar sem innlendar aðvaranir um efnahagsmál  sem fengu gott pláss í blaðinu. Hitt er annað  að á vissan hátt settu eigendur Fréttablaðsins  slæmt fordæmi.  Þeir felldu eldveggi milli eigenda og starfsmanna.  Af  þessu  eru allir fjölmiðlar á vissan hátt brendir enn í dag.

En  eitt efni fer oftast framjá mér.  Finnst það
ofmetið.Í hvaða dagblaði sem nefnist.  Það eru forystugreinar.  Höfða ekki til mín, yfirleitt.

 

Birt í Sunnlenska Fréttablaðinu 12.nóv. 2013.