Sundafrekið okkar.

Við biðum stressuð. Það var svona órói í okkur. Sundmótið var stærra en það varð nokkru sinni í Sundhöll Selfoss. Keppendur urðu ríflega 400 milljónir. Hugsið ykkur? Hver toppar það? ég bara spyr. Enginn, í samanburði við það afreksfólk sem er meðal okkar í dag. Þó allt það fólk sé vissulega frábært. Og jafnvel þó við færum aftur til helstu afreksmanna allra tíma. Þátttakan jafngildir svona ríflega heildaríbúafjölda Norður -Ameríku og nokkrum aðeins fámennari þjóðum til viðbótar, saman kominn til keppni. Pælið í því. Við erum haldin enn meiri streitu við rásmarkið. Erum útí. Þurfum ekki að stinga okkur, en þetta fer þannig fram að allir synda svona frekar óskipulega stressaðir í allar áttir.

Loks er hleypt af. Marþonið í New York bliknar í samanburði. Um hreint ótrúlegan árangur ykkar sem slysist til að lesa þetta, þarf ekki meira að segja. Þið voruð frábær ! Aldrei misstuð þið sjónar á rásmarkinu. Öll tókuð þið þátt í þessu móti. Öll höfðuð þið sigur þegar ykkar keppni fór fram. Þetta var tvísýnt í alla staði. Fjölmargir tóku framúr okkur. En við drógum alla uppi aftur. Og sigruðum, hvílík gleði. Ekki halda að nokkur drýldinn íþróttamaður geti nokkurn tímann grobbað sig af meira afreki. Við erum öll sigurvegarar og lag Queen  We are the champions er nú stundum spilað af mun minna tilefni.

Ekkert er samt sjálfgefið í heimi hér. Ekki einu sinni svona sund er við þeyttum á sínum tíma. Nútíma læknisfræði getur hinsvegar í sumum tilfellum, aðstoðað við sundið og alla leið í mark. Sem er frábært. Það er göfugt að veita hjálp, sé það mögulegt.

En svo ég tali í smá alvöru þá munum við þetta ekki glöggt. Við vorum ansi smá. Aðeins öðruvísi vaxin líka. Höfðum hala eða hálfgerðan sporð til að sveifla og auka hraðann þarna í den. Yrðum samt betri manneskjur ef við hugleiddum þennan sigur betur. Keppnin var óvægin og þessum sigri getum við einfaldlega þakkað tilvist okkar hér . Hvorki meira né minna.

Endamarkið var eggið góða og þangað náðum við. Staðfestingin á því er einföld. Jafnvel þó þetta væri allt frekar óskipulagt að sjá. Hvernig má það vera? Jú, þetta er einfalt að sanna. Annars værum við ekki hér.

(Birtist í Sunnlenska Fréttablaðinu mars 2015)

Fordæmi.

Fordæmi í stjórnun er vanmetið.

Það var ekki Skagfirðingurinn sem hætti þessum viðræðum. Hann heitir Össur Skarphéðinsson.

Ábyrgðamaður upphafs alls þessa heitir Steingrímur J. Sigfússon.   Honum snéri Samfylking 360 gráður fyrir ráðherra stól.   Sem klauf flokk hans í herðar niður.

Á sínum tima voru engar forsendur úrslita kosninga fyrir að hefja aðlögunarviðræður.  Enn síður eftir siðustu kosningar.

Sem leiðir okkur aftur að fordæmum.  Þjóðin var ekki spurð í upphafi þessarar sérstæðu vegferðar.   Því skyldi hún spurð nú?

  Stjórvöld á hverjum tíma eiga hinsvegar að koma hreint fram. Þetta er liður í því.

Um framtíð veit enginn.

En öll vandræðin kringum þetta  mál eru tilkomin vegna arfaslaks umboðs kjósenda í upphafi.  Allar aðildar þjóðir hefðu lent í sömu vandræðum hefði vilji þeirra ekki verið skýr.Hann var aldrei skýr né eindreginn hér.

Boðað til mótmæla á Austurvelli

Fréttamat þann daginn á RÚV.

Það var athyglisvert að daginn sem þessir sorglegu atburðir áttu sér stað hjá frændþjóð okkar og  fyrrum höfuðborg, Kaupmannahöfn.  -   Þá var þetta ekki talið mjög markvert hjá fréttamönnum RÚV á vakt þann daginn.    

Hvað var stærra ?   Jú fyrsta frétt voru vangaveltur og spekúlasjónir Evu Joly.

Mjög sérkennilegt fréttamat svo ekki sé nú meira sagt.

„Samfélaginu er mjög brugðið“

Getur verið að sé stilla?

(Birt í Sunnlenska Fréttablaðinu feb.2015)

Íslendingar eru í óeirð þessa dagana. Það er eitthvað að. Hlutirnir leggja sig ekki eins og þeir eiga að sér. Eitthvað fellur ekki rétt. Mynstur hefur verið brotið
upp. Vetrarveður eru fúl, vindasöm og válynd, líkt og í gamla daga, það
vantar ekki. Samt er einhver undirliggjandi stilla. Þetta getur ekki
átt að vera svona.

Það er einhver skringilegur, svona líkt og ... einhver stöðugleiki.
Getur það verið? Ekki á Íslandi, Höfum enga trú á því. Þá
værum við hugsanlega orðin skrýtin. Er þetta svikalogn?

Svona hugsa margir þessa dagana. En m.a.s stjórnarandstaðan hefur
misst það útúr sér einhversstaðar að hér sé stöðugleiki og lág
verðbólga. Þá hlýtur það að vera rétt.

Ég hef þá kenningu að þetta sé ástæða hinar undirliggjandi óútskýrða
stillu- óeirð sem er að fara með svo marga. Lága verðbólgan, góðar
gjaldeyristekjur og stöðugleiki. Söngurinn "allt er svo miklu betra í
útlöndum" hljómar nú líkt og illa stilltur gítar í augnablikinu. Þá er ég vel að
merkja að taka ríkasta land í heimi útfyrir sviga.
Margir leggja nefnilega fyrrgreindan ríka Noreg og heiminn að
jöfnu. Það er nú víst ekki alveg sannleikanum samkvæmt. Jafnvel þó
samgleðjast megi þeim fjölmörgu Íslendingum sem hafa það fínt þar.

Gitarinn er illa stilltur vegna þess við fáum ekkert alltof góðar fréttir
erlendis frá. Hin efnahagslega ólíku þjóðríki Evrópu eru föst á stóru
flugmóðurskipi. Kompás þess er stilltur eftir stöðunni í bólinu hjà
langstærsta efnahagsveldinu, sem heitir Þýskaland. Gallinn er sá að
mörg önnur ríki lifa ekki í sama veruleika inni sínu eigin
efnahagskerfi. Að vera farþegi þarna hlýtur stundum að vera óþægileg
tilfinning. Segir margt að nágrannar okkar hér Norðulöndum hafa engan áhuga á að taka upp Evru utan Finna.

Að aðalatriðinu. Nú er lag . Vegna þess að verðbólga er engin. Vegna
stöðugleikans er hægt að gera kjarasamninga sem bæta kjör. Sem dæmi
þá var vöruðu sumir spekingar við síðustu samningum. Þeir þóttu ganga of langt,
hætta yrði af verðbólguskoti. Ekkert var fjær sanni.

Það þýðir þó ekki hægt sé að gera hvað sem er. Verum ekki gullfiskar. Fræðin, í þessu tilviki
hagfræðin hefur sín lögmál. En kaupmáttur skiptir meira máli en upphæðir.
Mörgum stórfyrirtækjum er samt engin vorkun að hækka laun án þess að ausa
þeim útí verðlagið. Slíkar eru hagnaðartölurnar á sumum bæjum. Verra er með minni
fyrirtækin. Sem dæmi; Lítið t.d. píparafyrirtæki hækkar ekki laun sinna starfsmanna
um, segjum 25%, án þess að hækka gjaldskrána. Sem síðan fer útí verðlag.

Sem leiðir til þeirrar niðurstöðu að ríkisvaldið gæti þurft að koma þarna
inn og liðka fyrir. Hefur svosem gerst áður.Nefna má lækkun tryggingagjalds og fleira mætti minnast á.

Mál málanna.

Húsnæðismál á Íslandi eru ekki sæmandi.    Umorðað. Ítarlegar.   Aðgengi að fyrstu kaupum og leiguverð er nánast manngerður múr fyrir venjulegt fólk.

Stóri gallinn og mismununin felst í því að þetta á ekkert við alla.

í dag er meirihlutinn i þokkalega góðum málum.  Á islandi er efnahagslegur stöðugleiki þó fæstir trúi því og óttist svikalogn.  Eignamyndun á sér stað hægt og bítandi hjá þeim sem geta borgað af sinni eign.

Þetta er hinsvegar langstærsta eftirhruns málið. Slegin, tætt og ringluð eftir ruglið og glórulaust bólu-fylleríið er kominn tími til að snúa við blaðinu.   Á engu tímabili hefur verið fortíð, hversu slæm sem hún var,í boði,- heldur framtíð.    Það eru liðin bráðum 10 ár síðan mest gekk á.

Hleypum unga fólkinu aftur inn í húsnæðiskerfið. Það hefur nógu lengi verið læst úti. Og eldri borgurum lika.

Hækkuðu húsaleigu níræðs manns um 40%

Algjör synd

Já algjör synd þegar dómarar eru gæðum talið (þeir eru jú óumdeilanlega mis færir) mun lakari í "standard"en bestu lið heims.   

Íþróttin líður fyrir þetta.  Við áhorfendur verðum oft af snilldar töktum og gull- spili.   Þar má nefna leik Íslands og Frakklands.  Dómarar flauta of fljótt. Leyfa ekki leiknum að fljóta í sókn og aðgerð að ljúka (þó dæmt sé á mótherjann) að ekki sé minnst á brottrekstra fyrir litlar sakir.

Góður leikur varð ekki alveg frábær í tilþrifum leikmanna vegna dómaranna. Öll efni stóðu þó til þess.

Algjörlega búnir að tapa sér

Hvað ef?

Velti fyrir mér hvernig ; RÚV ( í öllu formi), Kastljós, Fréttablaðið, Sprengisandur, DV og allir hinir hefðu látið ef yfirmaður (t.d. æðsti yfirmaður borgarinnar) - væri Framsóknarmaður?  Eða Sjálfstæðismaður?

Allavega verið rætt um öxlun ábyrgðar af minna tilefni.

Ferðaþjónustan verði endurskoðuð

Að "íslenska" ástandið.

Það er ótal marga hliðar á þessum verknaði.    Aðal málið,aðal fréttin hér og nú er að Parísarbúar og Frakkar verða fyrir þessum viðurstyggilega atburði. 

Því er að mínu mati sá staður, sú stund, það fólk, fórnarlömbin í þessu máli. Af því, af andrúmsloftinu, af stemningunni, af viðbrögðunum, af hugsun óbreyttra borgara, af viðbrögðum stjórnvalda - VILJUM VIÐ FÁ FRÉTTIR.

 

Af sjálfhverfu Íslendinga og íslenskra fjölmiðla verður hinsvegar ekki logið. 

Í fljótheitum var jú greint frá hvað gerðist, en síðan varla söguna meir.  Ég alhæfi vissulega  að nokkru leyti og Morgunblaðið er að gera þessu góð skil. Tek það fram.

Aðrir hafa síðan rembst sem rjúpan við staurinn, og tekist,  að snúa þessu að íslenskum veruleika að einhverju leyti.     Mér finnst það bara ekki koma þessu máli nokkurn skapaðan hlut við.   

Aðal málið er þessi viðburður. Við svona atburð viljum við heyra meira í Íslendingum búsettum i París. Frökkum hér á landi. Einnig að virkja fréttaritara betur, splæsa í ódýra flugmiða hjá Wow air og hreinlega senda blaðamenn á staðinn.  Það getur ekki sett alla íslenska fjölmiðla á hliðina.

Til viðbótar eiga fréttamenn erlendra frétta á hinu stærri fjölmiðlum að eiga sviðið.  Þeir þurfa að setja sig ítarlega inn í svona atburð og þekkja margar hliðar hans fyrir Frakka á þessum tímapunkti.   Þeir eiga að fá meira rúm en tveggja minútna andstutt lýsing á atburðum.

 

 

Unglingurinn sem var grunaður

Tími til að spá í.

Ein lykilsetning í þessari athyglisverðu frétt, "framfarir í rafhlöðutækni".     Þar er ekkert annað en tæknibylting í gangi þessi árin sem fer furðu hljótt.      Við verðum þess vör í tölvum, bílum og ýmsum verkfærum og áhöldum í iðnaði ýmisskonar.

 

Það er ekki seinna vænna að spá í þessa eyðsluseggi á bensín sem þungar farþegaþotur eru. Svo ekki sé minnst á mengun sem blastar beint út í andrúmsloftið.  Öfugt við mörg önnur vélknúin tæki sem eru búin síauknum, margvíslegum búnaði til mengunarvarna.      Eitt má nefna, nefnilega að nú áramótin skulu millilandaskipin veskú hætta að brenna svartolíu til að bæta loftgæðin skv. reglugerð.

 

Flugið er þægilegt, hentugt, fljótlegt  og allsráðandi á lengri ferðaleiðum um allan heim.  Hugsanlega hefur það af þeim sökum verið innan sviga fram að þessu þegar kemur að orkusparnaði og mengunarvörnum.    En það hefur mörg byltingarkennd þróun átt sér stað síðustu árin, hér á jörðu niðri. 

Vonandi stöðvar tímabundin, ánægjuleg útsala varðandi olíuverð ekki þessa þróun.

 

Blendingsflugvélar mögulegar

Ferðamenn og fæðan.

Mikið var nú gott að tókst að bjarga jólunum. Á Alþingi. Þar er hluti af ritúalinu fyrir jól og fyrir sumarfrí orðaskylmingar. Með og alveg á móti, gírinn. Nú er allavega spánýjast tekist á um svokallaðan náttúrupassa. Ég hef sjálfur ekkert sérstaka skoðun á því fyrirbæri per se, en lít aðeins á það sem löngu nauðsynlega aðgerð í þeim tilgangi að afla fjármagns til bættrar aðstöðu á og við okkar átroðnu nátturgersemar.
‹Við enga er að sakast úr fortíðinni. Höfum alltaf talið okkur frekar gestrisna Íslendingar. Þessum nokkur þúsundum erlendra ferðamanna var velkomið að kíkja og skoða djásnin frítt. En í fleiri hundruðum þúsunda samankomna – og nú innan skamms talið í milljónavís, þar setjum við mörkin. Við erum jú bara hrjóstrug eyja og fámenn. Til samanburðar er aldrei fagurt að troða stóru hrossastóði á lítinn blett.
‹Eina sem ég sé að þessu er hvað við erum brennd. Skattheimta í ákveðin málefni hefur án undantekninga alltaf verið hrifsuð af hluta til, í annað og óskylt. Sama hver hefur verið við völd.
‹Það er ánægjuleg sú þróun að Íslendingar og fyrrgreindir ferðamenn þar á meðal, vilja neyta íslenskrar alvöru náttúrufæðu og landbúnaðarafurða. Þá meina ég til dæmis fitu í stað transfitu og smjörs í stað smjörlíkis. Má eiginlega segja það stórskrýtið tímabil í matargerð og hráefnavinnslu þegar maðurinn taldi sig guð. “Of” hugmyndarikir einstaklingar hugsuðu í raun ; “ég get gert betur en Guð”. Dæmi: Óhollustu hinnar manngerðu transfitu er nú öllum ljós og víða bönnuð. Smjör selst sem aldrei fyrr, núorðið mjög í stað smjörlíkis sem er í raun furðuleg afurð manna sem líkt og fyrr greinir töldu sig ofar sköpunarverkinu eða öllu heldur náttúrunni. Einnig voru þessar vörur “líki” þetta og “líki” hitt, afurðir tilkomnar vegna margra áratuga áróðurs gegn fituríkum afurðum og talað um skaðsemi þess á hjarta, æðakerfi sem og heilsufar almennt. Flest hefur þetta nú verið hrakið og þekktir læknar og álitsgjafar hafa opinberlega beðist afsökunar á orðum sínum í ljósi nýrra rannsókna og reynslu. Enda seljast mjólkurafurðir vel, þar fer saman gott verð þeirrar vöru sem stenst allan samanburð við nágrannalöndin og hollustan.
‹ Reyndar er það svo að fáar þjóðir neyta meira af fjölbreyttum mjólkurvörum en Íslendingar. Við hin sömu innfæddu hér á klakanum getum í samabanburðartölfræði vænst þess að verða allra kerlinga og karla elst í sama heimi. Tilviljun ? Ég segi nei.