Ætti ekki að þurfa leyfi eigenda.

Það er virðingarvert að eigendur sjái hið augljósa í þessu tilviki.
Hundur sem bítur barn í andlitið og afleiðingin þar er stóraðgerð, t.d. að sauma 80 spor - er réttdræpur.
Við svona aðstæður á ekki að biðja um leyfi umráðamanna hundsins.
Svona atvik ættu tvímælalaust (samkvæmt reglugerðum) að yfirtrompa vilja eigenda við svona aðstæður. En nokkuð er misjafnt hve sveitarfélög hafa sína hluti afgerandi og skýra við svona aðstæður, því miður.

Ef hundar verða uppvísir af svona hegðun ( viðbrögðum) einu sinni - gerist það aftur. Spurning einungis um hvenær.

Það eina ábyrga að lóga hundinum

Postulínið, postulínið!

Forða postulíninu ! .   Þ.e.a.s verði boltaleikir algengir innandyra á Bessastöðum :)

Guðni og Eliza í fótbolta á Bessastöðum

Vigdís Hauks Samfylkingar.

Helga Vala Helgadóttir á án efa sitt idol í pólitíkinni. 

Með öfugum formerkjum þó, þ.e. ekki samflokksmann.   Hún er að verða Vigdís Hauksdóttir á Alþingi.  Þeim svipar mjög saman sem stjórnmálamenn að mínu mati. 

Munurinn er þó sá að Helga fær að skammast og skjóta hægri vinstri. Það er merki um háttvísi stjórnarflokkanna að enginn virðist standa uppí hárinu á henni.  Vigdís var hinsvegar úthrópuð af andstæðingum á vægast sagt grárri línu.  Það teygði sig líka til fjölmiðla ríkisins og " "skeggin sem eru skyld hökunni",  þ.e. kratafjölmiðlanna sem sífellt skreyta sig með sjálfsuppsögðu hlutleysi.

Segir dómarana eflaust dæmda vanhæfa

Hjátrúarfullur einhver?

Virðist samkvæmt fréttum af búningamálum að hjátrú íþróttamanna, þjálfarateymis og stjórnanda í knattspyrnu sé á undanhaldi.

Nýr búningur liðsins fyrir EM var umdeildur eftir frumsýningu.   Þótti sumum hann skrýtinn, því vissulega var hann ólikur öðrum.   Strákarnir okkar kunnu aftur á móti strax að meta og fáheyrð úrslit og árangur var staðreynd hjá þeim íklæddir spánýjum treyjum.

Hví í ósköpunum þarf að breyta ?  Er það skylda?  Spyr sá sem ekki veit.

Allir Íslendingar kunnu að sjálfsögðu strax að meta nýjan búning og útlit drengjanna þegar sigrum var landað og óþekktum árangri smáþjóðar var náð.

Er ekki líklegra en hitt að strákarnir myndu strax komast í hárrétan keppnis- ham, klæddir heimagallanum árangursríka?

Íslenska landsliðið í doppóttu?

Eignir íþróttaþjóða.

Það heldur áfram sú þróun (hefð) að nokkrar þjóðir "eiga" sínar greinar á ólympíuleikum.

Eins og norðmenn í norrænum greinum, t.d.  skíðagöngu.    

Finnar eiga oftast spjótkastara í fremstu röð, dökkleitir bandaríkjamenn í spretthlaupum.  Afrískir langhlauparar ávallt framarlega.  Þjóðverjar og Frakkar i handbolta.

Og langleggjaðir Hollendingar í skautahlaupunum, það er ekki nýtt.

Hollendingar undirstrika yfirburðina

Elon Musk sér á báti.

Eiginlega synd þegar snöggríkir og snjallir menn leggjast í leti fyrir aldur fram. Golf í Florida eða endalaus sigling í karabíska. Slíkt verður ekki sagt um Elon Musk.
Ég var orðinn forvitinn. Hvað er eiginlega í gangi kringum þennan mann? Er að lesa æfisögu hans sem er forvitnileg. Á maðurinn þó enn þrjú ár í fimmtugt.
Ekki ríkur af braski likt og flestir auðmenn í nútímanum. Ólíkur flestum, auðugur sem afleiðing af eigin snilli í þróun, hugmyndum og umhverfisvænum tækniframförum. Frumkvöðull er of venjulegt. Hann er meira "sjáandi" á ákveðinn hátt.
Hugsanlega misstígur hann sig einhvern tímann, en það hefur ekki gerst enn.
En afrekalistinn lengist stöðugt.
Stiklað á sumu.
1. Í árdaga Nets hönnun spjallforrita. Kom einnig að þróun youtube.
2. Þróaði forrit fyrir bankaviðskipti á netinu líkt og við þekkjum þau i dag og öllum þykir sjálfsagt. Þótti í upphafi framandi hugmynd að sjálfsögðu.
3. Auðgaðist á þessu og fleiru tengdu tölvuheiminum en seldi á hárréttum tímapunkti.
4. Kvaðst vilja breyta því hvað bíll er. Rétt eins og sími væri ekki lengur tól með snúru fest á vegg. Tesla bílamerkið varð til. NB það fyrsta nýja i USA síðan Chrysler varð til árið
1925 !
5. Galdurinn með rafbílinn Tesla var ný hugsun, ný þróun á liþíum batteríum.
6. Snjallt , að fyrsta gerðin var ekki ætluð endilega fyrir almúgann. Of dýr til þess. Búinn til eftirspurn fyrir umhverfisvænum, dýrum bíl. Ekki spillti að hann er 4-5 sek i 100 km. Góð velta því strax, en málið hefur ekki verið að selja heldur hafa við að framleiða.
7. Nú er hafin sala á minni og ódýrari Teslu. 346 km á batteríi. Enn eiga gömlu bílarisarnir langt í land með samkeppni varðandi þá drægni.
8. Kynnti nýlega byltingarkennda flutningabíla. ( trukka) þeir komast 800 km á hleðslu. Komast á 95 km hraða á 20 sek, með 36 tonna farm ! Tók þó fram að allir væru útbúnir með fjarlægða skynjurum til öryggis sem draga sjálfvirkt úr hraða. ( eins gott).
9. Þróar eldflaugar sem geta skotið gervihnöttum og þyngri hlutum út í geim á ódýrari hátt en áður.
10. Hyggst hefja smíði á rafhlöðu ( eða orð sem hentar). Stærstu í heimi. Hún á að rúma ein 100 megawött ! Hljómar ómögulega, en svo hefur einnig verið um margt hjá Musk (fyrirfram).
Svona má endalaust telja og nýjum hugmyndum eldhugans lýst stöðugt niður.
 Allt fyrrgreint hefur ekki sprottið af sjálfu sér. Þeir hafa lent í allskyns basli og brasi. En knúið fram af fádæma elju.

Sportbíll Musks stefnir á Mars

Sorry strákar.

Ég hélt í síðari hálfleik að strákarnir væru að missa þetta niður.    Heyrði ekki allt vegna vinnu en sælt var að heyra úrslitin að lokum.      Var nánast búinn að missa trúna, viðurkenni það.

Auðvitað skilja tvö klassa lið sjaldnast hitt eftir ( í endaúrslitum)  með yfirburðum í svona keppni.  

Slíkt gerist kannski á HM eða OL.      Gegn Ghana  eða Súdan.   Sjaldnast milli jafnra evrópuþjóða.  En frábær sigur fyrir öllu.

Sögulegur sigur á Svíum í fyrsta leik EM

Frábær Ólafia en synd með eldhúskollinn.

Ólafía svo sannarlega vel að þessu komin með stórkostlegri frammistöðu í golfinu síðasta (síðustu) ár.

En að veita í verðlaun gamlan eldhúskoll á hvolfi er bara ekki sæmandi.

Endilega að viðurkenna hversu misheppnaður þessi verðlaunagripur er.  Og gera nýjan frá grunni.    Ekki misheppnaða smækkun á þeim síðasta sem engin réð við nema kannski kraftlyftingamenn.

Geri mér hins vegar ljóst, að fyrir okkar afreksfólk skiptir heiðurinn mun meira máli en gripurinn sjálfur.   En gripurinn nær bara ekki nokkurri átt.

„Ég set markið hátt“

Samræmi.

Þetta er voða fín og flott viðbót við sundlaugina að sjá, sem var vígð í dag.

En yfirleitt þarf nútíminn að minna á sig í viðbyggingum við eldri og jafnvel friðuð mannvirki.

Alltof sjaldan er spáð í samræmi og virðingu fyrir eldri stíl.

Þessi nokkurra ára hugmynd frá Bolla Kristinssyni um útilaug var bysna góð og i fullu samræmi, en önnur útfærsla varð ofaná.    

Ívar Örn Guðmundsson útfærði þessa hugmynd.

 

 

Ný útilaug við Sundhöllina vígð

Alþingis frétta - tímasprengurinn.

Það styttist í jólin.   Þá vitum við hvað verður aðalfréttaefni næstu vikur. 

"Groundhog day"     Sumt breytist ekkert.

Enn frekar nú en nokkru sinni (nema jú kannski fyrir ári síðan).

Ég er að meina sprengurinn að  ljúka störfum Alþingis og afgreiðslu helstu mála fyrir jól og áramót. 

Hversu oft hefur nú ekki Jóhanna Vigdís fréttakona RÚV gert þetta að máli málanna?  Verða að segja að mér hefur stundum þótt nóg um.  

Nú voru alþingiskosningar seint sem og fyrir ári.  En það hefur síður en svo þurft til, oft á tíðum síðustu áratugi.

Er kannski allt gjörbreytt nú.   Málefnaleg stjórnarandstaða og svo framvegis? 

„Við erum ekki hér í sagnfræði“