Traust og persónur.

Við svona aðstæður snýst Þetta alltaf í enda dagsins um persónur og traust. Allir þessir þrír formenn hafa sýnt ábyrgð og skynsemi við störf sín á Alþingi sem og í ráðuneytum.

M. ö.o. fólk með reynslu.   Skyldi það nú ekki skipta einhverju máli líkt og á öllum öðrum vinnustöðum?

Að því sögðu á bakland Vinstri-grænna, Framsóknar og Sjálfstæðisflokks síðasta orðið.  Margt skilur á milli og áherslur misjafnar.  Úrslit kosninga gefa augljóslega visbendingu um málamiðlanir, ekki annað í boði með 8 flokka inni.   Einstrengings "attitude" sumra flokksformanna (t.d. Samfylkingar) setja þá sjálfa útí horn.

Fúkyrðaflaumur úr sama ranni t.d. málsmetandi rithöfunda og grúskara gera lítið annað en kynda undir mykjudreifingu verstu nettrölla sem eru sumir ofvirkir í athugasemdum.

 

„Mér finnst þið sýna hressandi kjark“

Mikill greiði við Stund.

Slitabú Glitnis er að gera fjölmiðlinum Stundin og rekstri hans mikinn greiða með þessum gjörningi.

Trúlega bærist undir ofurlágt "jessss"  hjá stjórnendum.    Þau fá athygli, píslarvotta og frelsisstöðu í íslenskri fjölmiðlun. 

 

Að því sögðu hef ég ekki hugmynd um hvort hér var gríðarleg tímamótafrétt í vinnslu. Kannski er svo. 

Fram að þessu komið mér fyrir sjónir sem 9 ára rýr uppsláttur um brask og brall með fjármuni í bönkum sem fréttir þess tíma bentu til komnir væru í krísu.

Bjarni Ben hefur lagt sín spil á borð fyrir löngu síðan. 

En hvi í ósköpunum þessi tímasetning hjá Stundinni.?  Hvers vegna dúkkar þeirra gríðarlegu áherslur á þessi löngu liðnu viðskipti upp nákvæmlega núna.  Maður spyr sig.

Þetta fræga korter fyrir kosningar á sér margar hliðar.

„Finnum fyrir miklum stuðningi“

Hvenær fær Heimir stóra hrósið?

Það var látið mikið með Lars Lagerback er hann stjórnaði landsliðinu.   Minna fór fyrir Heimi.

Lars vann virkilega til þess og átti allt gott skilið.  Dálítið sérstakt að svo er eiginlega enn.    Álitsgjafar ekkert verið að hífa Heimi mikið uppá stall í hrósi þrátt fyrir frábæran árangur.    Ég þykist vita að honum sjálfum sé slétt sama, enda hógvær og lætur verkin tala heldur betur.

Kannski breytist þetta allt í kvöld hver veit.

 

En hér og nú. Fyrir leikinn við Kosovo, vil ég óska honum til hamingju með frábær tök á starfi sínu og stjórn liðsins.   Hvernig sem fer.

Er sjálfur aðeins lítilsháttar áhorfandi þegar ég get, starfs míns vegna.  Og gæsahúðar hríslandi yfir hve liðið er orðið " massíft" í sínum leik og hve þjálfarinn hefur sitt algjörlega á hreinu.  

Ísland gæti slegið heimsmet í kvöld

Dómarinn ?

Óttast að þessi leikur gæti hugsanlega snúist um dómarann.   

Í þeim hávaða og látum sem fylgja tyrkneskum áhorfendum þarf sterk bein til að þola pressu og fallast ekki á sveif með heimamönnum í umdeildum atvikum. 

Líkt og dæmin sanna eru því miður ekki allir "solid" þegar kemur að slíku.

Fáir Íslendingar í látunum í Tyrklandi

Enn pínu bitur kallgreyið.

Það háir enn greiningum Össurar,  að vel má greina í gegn biturð eftir útreið Samfylkingarinnar síðustu tvær alþingiskosningar.  Er nema von hann dáist að Loga Akureyringi og formanni.    Hefði hann ekki boðið fram krafta sína væri Samfylkingin með öllu horfin af yfirborði jarðar og geymd ofan í skúffu.    Atkvæðin hans fyrir norðan björguðu að uppbótar þingmenn rétt skriðu inn fyrir þröskuldinn á Austurvelli.   Eins fáir og þeir mögulega verða.

Katrín og Bjarni eru myndugir formenn og lausir við meinhorn í síðum andstæðinga. Og of algenga rætni.   M.ö.o málefnaleg.

Hinsvegar, þegar kemur að fabúleringum Össurar þá held ég að aftursætisbílstjórar Katrinar ráði meiru en litla Samfó.   Þar eru gamlir eðal kommar eða allaballar sem rykkja í stýrið.  Kata virðist láta það yfir sig ganga, en einnig sú staðreynd hún treystir ekki öllum forsvarsmönnum í öllu smáflokkamýinu, þá og nú.

Segir dómgreind Katrínar hafa brjálast

Breyta lögum.

Er umdeilt að breyta lögum um uppreist æru?

Mér heyrist ekki. Af hverju vindur þingið sér þá ekki í verkefnið.? Slíkt væri mögulegt á stuttum tíma.

Þeir eiga þakkir skyldar sem vöktu athygli á fáránleika þessa lagaákvæðis í nútímanum (hvort sem það voru fórnarlömb glæpa, aðstandendur eða ráðherrar.) Allir , öll hver sem er.

Lagaákvæðis , sem er svo séríslenskt að ógjörningur er að þýða beint á erlendar tungur.
Fréttamiðlar um allan heim eru þvi eitt spurningamerki og útskýringar misviturra íslenskra fréttaritara og álitsgjafa á aðalatriðum og þessarar lagahefðar fara fyrir ofan og neðan garðinn víða um heim.

En nei. Þrátt fyrir vilja að líkindum nær allra þingmanna og 95% almennings verður svo tæpast.

Miklu betra að hafa eitthvað áþreifanlegt til að fjargviðrast um í kosningabaráttu og nota loforð um lausn sem beitu fyrir kjósendur í komandi kosningabaráttu.

Ráðherrum heimilt að kynna sér gögnin

Proppé eflaust feginn.

Fáir ráðherrar sloppið jafn auðveldlega frá Heilbrigðisráðuneytinu.  

Sleppur við fjárlagafrumvarpið og sjálfvirka óánægju þingmanna  með fjárveitingar til málaflokksins.   Hefði vart verið honum auðvelt.      

Reyndar hefur hann af ráðherra þessa málaflokks fengið sérmeðferð þessa heilu 9 mánuði.  Af hinu kratíska RÚV  verið strokið nánast á kollinn miðað við beitta gagnrýni á fyrri málsvara þessa málaflokks síðustu ár og kjörtímabil. 

 

Ráðuneytin verði ekki „höfuðlaus“

Svona sjónahorn viljum við sjá.

Ægilegir kraftar þarna á ferð og fáheyrðir atburðir í veðurfræðinni.

Fjöldi Íslendinga búa á þessu svæði og einhverjir ferðamenn að líkindum innlyksa þó fjöldi hafi hætt við eða forðað sér frá Florida.

Lýsing Jóns Eggerts á þessum gífurlegu fólksflutningum um vegi og þjóðbrautir er sláandi.

Nú eru flestir með heila sjónvarpsstöð í vasanum ef svo má segja.   Þú tekur digital myndband eða hágæða ljósmyndir og getur síðan sent þær út í "kosmos" , eða hvert sem er.

Hliðaráhrif svona hamfara er líka fréttaefni.   Af hverju er ekki ( var ekki)  talað við einhvern af þessum 12 milljónum gegnum myndsímann?  Láta einhvern taka stöðuna á staðnum og miðla með símanum.   Rúv, mbl, visir eða einhver?

Taugatrekkjandi 50 tíma bílferð

Allt misskilningur.

Að svitna og puða öll þessi ár við að ganga þarna upp.     Algjör óþarfi.   Og jafnvel hreykja sér af afrekinu.  

  Kemur nú í ljós.  Fólk kemst þarna upp á jeppunum sínum eftir allt saman !

Hægt að byrja á þartil gerðum jeppaslóðum frá  stríðsárunum.

Þetta hefur bara verið klaufaskapur í restina að festa bílinn. 

Eigandi jeppans á Esjunni fundinn

Ekki fagna fyrirfram.

Það hefur aldrei fram að þessu gefist vel hjá íslensku íþróttafólki að fagna of fljótt, eða gera ráð fyrir borðleggjandi sigrum.     Ætli séu nokkrir nema Þjóðverjar sem geta leyft sér slíkt i sögulegu samhengi.

Að þvi sögðu voru stelpurnar ótrúlega sterkar og öruggar i riðlakeppninni fyrir mótið.  

En fögnum á réttum tímapunktum.

Því lélegri sem þær halda okkur því betra