Þetta er nú ekki hægt.

Þekki sláandi dæmi af fólki sem seldi fasteign sína á höfuðborgarsvæðinu í vor. Var að leita að öðru húsnæði, en tók því alveg rólega enda aðeins tvö í heimili og búslóðin geymd á góðum stað. Endurskoðandinn gaf góð ráð um geymslu og ávöxtun fjárins á meðan.

Loks  fannst fasteignin sem leitað var að. Skrifað undir. Blúbbs. Bankahrun og blaðran sprakk, allt á sama tíma. Féð fast þegar átti að nota það. Og vel að merkja viðkomandi bankastofnun sem vistaði sjóðinn ef sjóð skildi kalla fór ekki einu sinni í þrot. Þetta fé er enn fast.

Viðkomandi var órótt og marghringdi í bankann þegar víðsjár mögnuðust í umhverfinu. Svarið var alltaf. “Þið eruð alveg örugg með féð á þessum stað.”

Já , það er sannarlega hægt að hafa samúð með fólki við þessar aðstæður.