Spyrja þarf alþingismenn einfaldrar spurningar.

Landsvirkjun iðar í skinninu að lagður verði sæstrengur. Það hefur ekkert farið leynt á ársfundum fyrirtækisins.

Breski fjárfestirinn segir allt klárt. Fjármögnun tryggð í streng milli Íslands og Bretlands.

Það er því fráleitt að halda því fram að slíkt sé fjarlægur möguleiki. Jafnvel þó slíkt gerist kannski ekki á morgun eða næsta ári.

Forsætisráðherrann segir enga hættu af samþykkt orkupakka 3 því neikvæðar hliðar hans virkjist eigi meðan enginn sé sæstrengurinn.   

Væri nú ekki ráð að kanna þau mál.  Auðvitað skiptir þetta öllu máli. 

Spyrjið nú þingmenn út í þetta fjölmiðlar góðir. Stefnu þeirra og flokka þeirra varðandi sæstreng punktur. Hef rökstuddan grun um að þrælmargir / mörg séu bara virkilega "svag" fyrir strengnum.

 Það er bara of seint, ákvörðunarfælni, og undir rós þetta tal um "sjálfstæða ákvörðun alþingis".     Það fylgir lóðbeint því hvort þetta stóra þingmál sé fýsilegt (eða óhætt) að samþykkja  nú.

Tengjast ekki Landsvirkjun

Fóstur - eyðing ?. Varla.

Þessi mynd er skjáskot af vefnum. Hún sýnir 22 vikna barn í móðurkviði. 

Ég er hlynntur sjálfsákvörðunarrétti kvenna og fóstureyðingu á fyrstu stigum (vikum) í neyð. 

En þessi aldursmörk eru annað og meira.  Hér er meira en fóstur, heldur líkt og sést, ótrúlega DNA líkamlega mótaður einstaklingur.

Greiða ekki atkvæði fyrr en í næstu viku

Kúba norðursins ?

Er komið að þeim tímapunkti í umræðunni?

Það var nú sagt af öðru tilefni; samþykkið eða - þá verða hér viðskiptakjörin slæm og umhverfið líkt og við værum Kúba norðursins.  Verður það aftur sagt?

Ónefnt stórt ríkjabandalag beitti töluverðum þrýstingi. Ekkert af fyrrnefndu gekk eftir, nema síður væri. 

Höfnun hafi alvarlegar afleiðingar

Fróðlegt að fylgjast með.

Þegar komin verða nokkur svæði á landinu með vindmyllugörðum eykst þrýstingur að koma orkunni í hærra verð.

Ekki finnst mér fegurð fylgja vindmyllum í byggð.  Hef heyrt orðið umhverfisáhrif af minna tilefni. En kannski er ég í æpandi minnihlutahóp.    Allt ætlar um koll að keyra ef minnst er á háspennulínur, bæði í byggð og hálendi.  Hver er munurinn?   Ég gæti vel sæst á vindmyllur a hálendinu hinsvegar. Þar eiga þær heima.

 

Þær eru vart deilumál enn sem komið er. Það er orkupakki 3 hinsvegar. 

Umræðan um orkupakkann hefur verið ágæt og þörf. Jafnvel þessa dagana í " auga stormsins". Allskyns hlutum verið velt upp með fínum rökum. Á báða vegu.

Ég er á móti, en ég frábið allar dylgjur ótrúlega margra, um annarlegar hvatir.

Svo kvartar dylgju og stimpils- fólkið um slæma umræðuhefð á Íslandi !

Suður afríski "apartheid" sjónvarpsþátturinn Silfur hjá RÚV er svo sér kapituli útaf fyrir sig.
Alltaf ein hlið, ein skoðun ,rædd í drep, skoðanabræður og systur æsa hvort annað i einu "sampeppi" , studd af stjórnandanum sem blygðunarlaust gefur í skyn að vera sömu skoðunar og handhafar eins sannleika.
Aldrei þor né vilji að hleypa inn öndverðri skoðun 50 / 50.

Þegar fagmennska ríkti hafði ég gaman af svona þáttum. En ekki lengur. Helst að Egill hitti á viðmælendur í áhugavert einkaspjall sem þora að standa utan meginstraums.

 

 

 

 

Tvö vindorkuver í matsferli

Rukka raunkostnað

WOW blómstraði á lágu eldsneytisverði.Það þeytti því á flug. Er olíuverð og flugvélabensín tók að hækka var skellt skollaeyrum.  Fargjöld hækkuðu ekki baun og voru því ekki sjálfbær. 

Kunnuglegt tilbrigði við stef átti að bjarga því öllu saman. Það fólst semsagt í stækkun og útþenslu í flestar heimsálfur. Eina sem fékkst útúr því var enn meira tap.  Mikill dómgreindarbrestur því miður.

 

 

Brást ef WOW var órekstrarhæft

Hvers vegna hingað?

Hvað var þessi ógeðslegi ( nota aldrei þetta orðalag um fólk nema nú) fjöldamorðingi að gera hingað til Íslands?

Var hann kannski byrjaður að plana glæpinn?

Fékk hann þá hugdettu að  fjöldamorðin yrðu staðsett í annars friðsælu ríki?

Stóð valið milli Íslands eða Nýja Sjálands?

Settu ströng vopnalög honum skorður að tæpast væri hægt að afkasta" hérlendis jafn hrikalega ?

Veit ekki svör við neinum af þessum spurningum en má velta þessu fyrir sér.

Sennilega er verið að kanna svipaðar spurningar og svör við rannsókn málsins.

 

„Ástandið var hræðilegt“

Lausnamiðað eða verkfallsmiðað ?

Kjarasamningar eru samningar.    Ekki viðræður þar sem hinn aðilinn á að "gjöra svo vel að verða við okkar kröfum".

Það er betri lausn fyrir báða aðila heldur en lög á verkföll. (eða önnur lausnarinngrip ríkisins til að stöðva strax vinnudeilur)

Lög á verföll eru of mikið algeng og of oft.      Stutt upprifjun í huganum eru sjómenn í fyrra og ljósmæður.   Ekki þarf nú að fara langt.

Hljómar eins og Guðbrandur hafi meira leitað lausna heldur en neyðarhemilsins - verkfalla.

„Það var ekki langt í land“

Deilt um margföldunartöfluna.

"Eyðum ekki tímanum í að rökstyðja aðferðafræði í stærðfræði, snúum okkur að kjarna málsins".

Á þessa leið orðaði Obama fyrrverandi Bandaríkjaforseti hlurtina í deilu einni. Á vel við hér satt að segja.

 

Embættið ber ekki ábyrgð á deilunni

Hvað með framsögn?

Gott og vel. 

Viska í þessu, að leshraði verður tæpast rétti mælikvarði á gæði lestrar.

En enginn til þess bær minnist á framsögn. 

Er ásættanlegt að við þurfum að texta móðurmálið í nýju íslensku sjónvarpsefni til að skilja? (Þátturinn Ófærð) 

Ég hreinlega veit ekki hvort þarna er skólakerfinu um að kenna - eða leikstjórum, hljóðmönnum ellegar kennslu í leiklistarskóla Íslands.

Börn eiga ekki að vera tilraunadýr

Brynjar hittir nú nokkuð á þetta.

Engu við þetta mál að bæta. Allt verið sagt. 

Hitti gamlan mann í dag (rammpólitískan) á förnum vegi.   Hann kvaðst hafa kosið Miðflokkinn, en ætlaði ekki að gera það næst. 

"Af hverju þurftu þeir að detta í það á þessum stað?

Af hverju gátu þeir ekki gert það heima hjá sér? Eða privat?"

Honum ofbauð. Sagði hugsanlega hefði talsmátinn nálgast þessi opinberu köll (á veitingastað vel að merkja) - við vertíðarlok sjómanna í Þorlákshöfn fyrir rúmum 60 árum. Örþreyttir sjómenn og ekki drekkandi bjór heldur brennivín og mikið af því.   En talsmátinn á Klausturbar samt verið verri.

Menn hafa sagt af sér þingmennsku á Íslandi (þrátt fyrir allt) fyrir ýmsar sakir.   En samt flogið aftur inn á Alþingi síðar.  Þessir völdu að sitja sem fastast. Þeir um það.

En líkt og Brynjar segir. Það er ekki samþingmanna að reka né ráða. Né heldur dæma ef því er að skipta.

 

 

Finnst ekki gaman einum í vinnunni