Ekki gild ávísun.

Við hamfara aðstæður sem ríktu frá 10. desember.    Rafmagnsleysi - símasambandsleysi þegar verst lét.     Þá vísar almannaútvarpið RÚV ekki á vef sinn og internet !    Það er ekki í boði fyrir íbúa.

Þess í stað er eina ráðið að rjúfa hefðbundna dagskrá á rás 1 eða rás 2.  Tilkynningum komið stöðugt þar á framfæri.  Eina tenging við heiminn er hugsanlega bara batterís tæki.

Blessað fólkið hefur ekkert lært síðan í suðurlandsskjálftanum þegar fótboltaleikurinn var meira áríðandi en að koma neyðarupplýsingum á framfæri.

RÚV bregst við umræðu vegna fréttaflutnings

Slakir spámenn á RÚV.

Verð niðurstöður nálægt útgönguspám.

Jæja. Nú þarf að setja nýja plötu á fóninn.  Sigrún Davíðsdóttir, Baldur Þórhallsson, Egill Helgason í blogginu sínu og hann Bogi Ágústsson.   Boris Johnson hefur nú eiginlega verið útmálaður af þeim sem stórskrýtinn fýr.  Á leið með Breta í kaos og villta óvissu.   

En skyldi þó ekki vera að hann þyki bara maður með skýra sýn.  Að kosningasigur komi til af því.  ESB sinnar hafa nært samviskusamlega óvissuna og endalausan vandræðaganginn kringum Brexit.   Breskum kjósendum þyki komið nóg.     Krónísk frestunarátta breska þingsins var orðin pínleg.

Allir eiga rétt á sinni skoðun.   Samt ekki fréttamenn og álitsgjafar finnst mér. Þeir verða allavega að þykjast meta hæfni leiðtoga af hlutleysi.

Lítið hógvært mótmæla skilti þótti mér segja allt sem þarf.  Sennilega er meirihluti kjósenda sama sinnis.    "We voted leave."  

Corbyn ekki sætt ef útgönguspár rætast

Lengingarafturför í tíma.

Gefum okkur lok og læs á Reykjavíkurflugvelli.

Þegar þú verður lengri tíma að keyra á flugvöllinn ( eða í sjúkrabíl) - en flugtíminn er (Til Akureyrar) -  Dettur nokkrum heilvita manni í hug að innanlandsflugið eigi framtíð fyrir sér?

Hvassahraun ekki arðbært

Margaret Thatcher missti af tækifæri.

Það  rifjast upp, þessu tengt.  Íbúar í Hong Kong voru aldrei spenntir að fara undan stjórn Breta og yfir til Kínverja. 

Á sinum tíma þegar samingar voru nánast í höfn um borgina og svæðið, urðu hinir grimmilegu og hræðilegu atburðir á " torgi hins himneska friðar" í Peking, nánar tiltekið árið 1989.  Ungt fólk vildi lýðræðis- umbætur.   Myndskotið þar sem djarfur ungur maður stendur fyrir framan byssukjaft skriðdreka og mótmælir með hástöfum - er eflaust enn mörgum í fersku minni.

Það endaði eins og margir óttuðust - skelfilega.  Fjöldi stúdenta létu lífið og hreinsanir urðu nánast, á svæðinu. Fáir sáu þó, því fjölmiðlar voru gerðir burtrækir, áður en látið var til skarar skríða.

Mótmælt var víða um heim.   En ég skildi aldrei hvers vegna Margret Thatcher forsætisráðherra  og breska ríkisstjórnin afturkölluðu ekki samningana um Hong Kong, sem gerðir voru nákvæmlega á þessum tíma við Kínverja.

Kína er mögnuð þjóð og flest til lista lagt.   En ég vona að ráðamenn leysi ekki málin nú líkt og þarna um árið.

Umsátursástand í Hong Kong

Loftslagið okkar

 

"Getur valdið gróðurhúsaloftegundum..." Þetta er orðin ein hryllilegasta setning í heimi. (jarðsprengjusvæði, ég veit það).
Óttaslegið fólk mætir í settið hjá Gísla Marteini til dæmis og blessuð börnin skrópa í skólanum.
En er þetta svona? Já hitt og þetta tengt jarðlífinu veldur þessu. Og vel að merkja.. Flest allt sem unga fólkið mótmælir og bendir á er rétt. T.d. linnulaust flug og mengunar bensín puðr í allar áttir, lengst út í buskann, er ekki til bóta. Plastmengun og hvað veit ég. Krónískur sóðaskapur víða. Allt þetta og fleira mætti minnka.

EN. Samkvæmt Brian Cox hinum frábæra vísindamanni og sjónvarpsfræðara. (einnig annara vísindamanna, hann er nú með þætti á RÚV) -  Þá væri meðal hitastig um allan hnöttinn uppá -18 gráðu frost, ef gróðurhúsaloftegunda nyti ekki við ! Kaldhæðnin er sú m.ö.o að þetta fyrirbæri ásamt öðru, er undirstaða lífs á jörðinni.

Hækkandi hitastig á jörðinni þessa áratugina. Ekki deili ég við neinn um það. En vitið þið hvað væri verra? Jú, snarlækkandi hitastig og frost. Þannig af tvennu illu þá vel ég hækkun. Hvað þá búandi á Íslandi.

Ég hef einnig mína prívat kenningu í öllum óttanum og vonleysinu. Hækkandi hitastig gæti jafnvel orðið kostur í stórum náttúruhamförum, til dæmis eldgosum. Góður félagi minn sem er jarðfræðingur keypti þetta nú ekki um leið hjá mér. En andmælti ekki alveg :-)
En stórgos á kuldaskeiði geta verið skelfileg. Það sannaðist í Skaftáreldum. Það var á all svölu tímabili hér. Uppskerubrestur varð í Evrópu vegna móðunnar og jafnvel er gosið talið hafa haft áhrif á hrísgrjónauppskeru í Japan fyrst á eftir . Fyrir utan síðan allskyns afleiðingar t.d. frönsku byltinguna sem kom í kjölfarið. (sem var nú ekki alslæmt).

Ef til þessa kæmi (kólnun), í kjölfar stórra eldgosa eða sambærilegs - þá yrði meiri lágmörkun skaða að hlýrra væri en nú. Sem stefnir í , er manni sagt.

Nei ég hef meiri áhyggjur af kjarnorkunni og þau viðbjóðslegu stríðstól sem henni fylgja. En enginn nýtur lífsins í stöðugu vonleysi. Miklu betra að temja sér þakklæti fyrir gæðin sem við höfum.

Afstaða til lagningar sæstrengs ?????????????

Eitt eru allir sammála um.  Virðist ekki deiluefni.     Neikvæðar hliðar orkupakkans virkjast ef við tengjumst inn í orkunet Evrópu. 

Þess vegna fer ég fram á að fjölmiðlar spyrji þingmenn og forráðamenn  í atvinnulífinu um afstöðu til sæstrengs. 

Hefur enginn tekið eftir ærandi þögninni?   Landsvirkjun t.d. og þeirra sem ólmir bæði vilja virkja og fóru til skamms tíma ekkert leynt  með áhuga sinn að tengjast til meginlandsins. Allir þessir aðilar halda sig undir yfirborðinu þessa dagana.   Kafbátasiglingin hentar þar til orkupakki 3 er örugglega í höfn. 

Hærra orkuverð til almennings dugir mér fullkomlega til andstöðu við væntanlegan gjörning.  Mér er slétt sama um Miðflokk, líf þessarar annars prýðilegu ríkisstjórnar, eða annað í stjórnkerfinu.

Sakaði Miðflokkinn um útúrsnúninga

Samt óhagnaðardrifið?

Er nema von að illa gangi að byggja ódýrt húsnæði, eða á viðráðanlegu verði.  Alltsvo á höfuðborgarsvæðinu. 

Hátt gangverð fasteigna er ekki fasti.  Það sveiflast eins og allir vita, yfir mislöng tímabil.  Sé það rétt að kostnaður verktaka hafi staðist er málið dautt og allir ættu að vera sáttir.    

Þetta " meinta" tap er samkvæmt þessu aðeins tilbúin tala í kollinum á fólki.

Verktakinn aldrei lent í öðru eins

Steinveggir Alþingis eru þykkir.

Það er rétt hjá nágrannasveitunga (núna) Elliða.  Ákefð og ógagnrýni Viðreisnar, Samfó og Pírata gagnvart O3 ætti að klingja bjöllum.

Jákvætt í alla staði að andrými næst til að taka stöðuna. Gallinn sá að þjóðfélagið hálf sefur  mærðarlega í sól og sumarfríum þessa dagana. 

Þrieykið (fyrrnefnda) hafði óbeint bent á að Sjálfstæðisflokkurinn þyrfti bara að "taka til" í baklandinu. Ég rétt vona að ráðherrar og stjórn x-d sé ekki sammála því.  Þar þarf þvert á móti að hlusta og ræða álitamál sem ristir dýpra en stjórnarþingmenn héldu  innan þykkra steinveggja Alþingis á snemmkomnu mildu vori. Á þá sótti óþol.    Málið snérist orðið um að "koma vitinu fyrir" andmælendur, eða "leiðrétta misskilning" .   Slíkt kann ekki góðri lukku að stýra. 

Viðmið andstöðu í stórum málum má ekki vera mannfjöldatal á Austurvelli eða rúða með brotnu eggi á Alþingishúsinu.

Mér þykir tillaga / hugmynd Haraldar alþingismanns Sjálfstæðisflokksins góð viðleitni til að hlusta á og viðurkenna þær gagnrýnis og efasemdararaddir sem margar eru studdar með góðum rökum.  (snýst um þjóðaratkvæði ef einhver aðili æskir lagningar sæstrengs).

Tækifæri til að „leiðrétta kúrsinn“

Hverjum er ekki sama?

Er það virkilega stöðugt fréttaefni hvenær fólk á ákveðnum vinnustað við Austurvöll fær sumar eða jólafrí ?

Uuuuuu,-  nei.

"Samsekir" íslenskir fjölmiðlar halda það hinsvegar.  Þingmenn vorkenna sér stöðugt að komast ekki í þetta eða hitt fríið.-  Frétta og blaðamenn kynda síðan undir síbyljunni um starfslok þingsins.

Sem er ekki málið heldur málefnin.

„Komast einhvern tímann út í sumarið“

Lýðræðislegi viljinn já.

Ef að hægt verður nú að samþykkja á Alþingi Orkupakka 3 gegn vilja meirihluta þjóðarinnar, (og þykir mörgum sjálfsagt).

-Þá verður leikur einn að samþykkja sæstreng líka gegn vilja sama meirihluta þjóðarinnar.

Hvað sem hin annars ágæta Áslaug Arna segir.

 

 

Valdið hjá Alþingi óháð fyrirvörunum