Hvaða leið vildi Tryggvi Þór ?

Viðtal Sigmars í Kastljósinu við Tryggva Þór Herbertsson var mjög áhugavert.

Hann kom með alveg nýjan vinkil á skuldir þjóðarbúsins eftir hrunið og taldi þær muni lægri en bölsýnustu menn básúna.  Góð greining hjá Tryggva og hann færði sannfærandi rök fyrir sínu máli.  Vona sannarlega að sannleikurinn sé nær hans  tölum því hæstu upphæðir sem nefndar hafa verið er álíka auðveldar viðfangs og stjörnutalning á heiðum vetrarhimni.

Í lok viðtalsins komu þeir inná bankahrunið í byrjun október. Tryggvi (sem efnahagsráðgjafi) kvaðst hafa viljað fara aðrar leiðir en farin var gegn Glitni. ( Stuttu síðar hætti Tryggvi Þór sem ráðgjafi líkt og flestir vita)  Viðtalið búið.  Bless.

Hvers vegna Sigmar spurði hann ekki hvaða leið hann vildi frekar, skil ég ekki.  

 Kannski vildi hann að ríkið dældi meira fé inn í bankann.   Veit ekki.  En sú leið hefur verið farin víða hér í löndunum í kring.  Með afar litlum árangri nema skaðræðis ríkissjóðshalla um allar jarðir.     Mín skoðun er sú að bankarnir þrír hafi allir borið feigðina í sér.  Mánuðunum fyrr eða seinna.    Þar var eitraður kokteill af innlendu krosseignarugli og lánsfjárþurrð um sinn erlendis.