Prófkjörin í kjörklefann.

Varla er hægt að mæla með því að kosið verði núna strax. Næg er nú lausungin  þessa dagana. 

Þegar að því kemur  kallar fólk víða á að geta kosið einstaklinga í staðinn fyrir flokka. 

  Þetta er eflaust að hluta til fylgisfiskur þeirrar ólgu sem ríkir þessa dagana í allri efnahagsóvissunni.  Og patinu. Og þverrandi trausti til núverandi valdhafa.

 Það er kannski fullmikil breyting á okkar kosningakerfi og fyrirkomulagi.  Eins benti Ólafur Þ.Harðarson stjórnmálafræðingur á það í viðtali nýlega að slíkt virkaði hvergi alveg í praxis að henda flokkunum.

Einu getum við þó breytt og væri löngu kominn tími til.      Slíkt kerfi ku vera komið í Svíþjóð og Finnlandi.

Þú velur í kjörklefanum röð frambjóðenda.    Þetta er mikill áfangi í auknu lýðræði.    Helstu kostir eru þessir;

1.    Fokdýr prófkjörsbarátta úr sögunni.

.2.  Opnar á hæfileika frekar en "fjárhagslega" burði eða bakland.

3.    Virkasta lýðræði sem völ er á miðað við okkar kerfi.

4.    Í raun tvíþætt lýðræði.   Þú velur sjálf/ur  í kjörklefanum flokk+ þinn mann eða konu.

Að vísu þurfa flokkarnir líklega áfram að velja hverjir fara í framboð, en kostirnir eru samt margir að mínu mati að minnka  klíkumyndun og innanflokksflokkadrætti sem er fylgifiskur uppröðunar.