17.8.2008 | 00:19
Dramaleikrit Dana.
Ég hélt nú að Kóreumenn væru verri en Danir í sviðsleik. En svei mér þá, hvílíkir vælukjóar og dramaleikarar frændur okkar reyndust vera.
Fáránlegt að láta Svía dæma leik sem þennan. Enda höndluðu þeir það engan veginn. Dómgæslan á köflum út í hött. Síðan ekkert samræmi milli liða. Enda hafa þeir trúlega sjálfir vitað upp á sig skömmina. Reynt síðan að bæta það upp í restina á leiknum.
En jafntefli var fyllilega sanngjörn úrslit. Enga hafði ég samúð með danska þjálfaranum í restina sem lét eins og kjáni.
Enn hefur íslenska liðið ekki sýnt slakan leik. Sem er eiginlega meiri stöðugleiki en áður hefur sést. Allt getur auðvitað gerst ennþá á þessum Ólympíuleikum í Kína, en viljinn og krafturinn er frábær.
Þeir koma alltaf til baka hvernig sem staðan er og gefast ekki upp.
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.