Keltar frændur okkar.

Keltar og keltnesk áhrif.

Það er í raun merkilegt hve enn í dag er mikil lokun á  umræðu  og
lítil fróðleiksfýsn virtra fræðimanna um  keltnesk áhrif á Íslandi. Fræðasamfélagið setur hreinlega á sig eyrnatappana og leppinn fyrir augun. Ótalmargt styður  samt þetta.   Þó ekki væri nema beinar erfðarannsóknir 
sem benda til yfir 63%  genaskyldleika íslenskra kvenna til
Bretlandseyja eða Kelta.

Landnám á Íslandi hófst löngu fyrir 870. Þetta eru lokaniðurstöður
umfangsmikillar rannsóknar Páls Theodórssonar eðlisfræðings við
Raunvísindastofnun Háskóla Íslands.

Páll ber saman fjölda rannsókna og aldursgreiningar sem hann segir að
sýni óvéfengjanlega að landnám hafi hafist löngu fyrir 870 eða lágmark 100
til 200 árum fyrr. Páll hefur um árabil unnið að þróun aðferða til
aldursgreiningar kolefnis sem geta skilað um tvöfalt meiri nákvæmni en
áður. Nýjustu rannsóknir í Færeyjum sýna t.d. að landnám þar hófst á
árunum 400 til 500 eftir Krist en ekki um 820 eins og talið hefur verið.
 Hann fullyrðir að í ljósi þeirra sé mikilvægt  að
endurskoða sögu landnáms á Íslandi.    Hefur varla heyrst hósti né stuna um þessa fróðlegu rannsókn sem kynnt var sl. sumar.

Þorvaldur Friðriksson fréttamaður
hjá RUV flutti nokkur fróðleg erindi um Kelta og keltnesk áhrif á Íslandi hjá Fræðslunetinu..    Þorvaldur hefur m.a. stúderað mannanöfn, staðarheiti, bæjarheiti og
örnefni í íslensku landslagi.  Hann nefndi fjölda  dæma   og gat bent á
skyldleika   úr gelísku eða írsku.

 

Hér á Íslandi notum við fjölda orða sem hvorki finnast í dönsku, norsku
eða sænsku.  Samt eru málin talin náskyld. Vissulega skyld, en fráleitt jafnmikið og hin.    

Dæmi um orð sem ekki þekkjast á norðurlandamálum.

Gemlingur -   geml þýðir vetur á gelísku   (gemlingur er veturgömul
kind)

Skyr - þýðir ostur á gelísku.

Plokk (fiskur) -  þýðir kássa á gelísku

Hann gat um nokkur stórbýli  á Íslandi sem heita Saurbær.     Taldi mjög
ólíklegt að þau væru kennd við saur.
Saur -  þýðir stór á gelísku.

Súg -  þýðir alda á gelísku.   (Súgandafjörður)

Glíma -  þýðir bardagi á írsku, en þekkist ekki á norðurlandamálum.


Á þessa tengingu var greinilega klippt fyrir margt löngu.  Hún lögð í
þagnargildi.     En þetta er algjör óþarfi að láta svona enn í dag.  Sem speglast í
áhugaleysi íslensks fræðasamfélags (aðallega fornleifarannsókna)  og allt að því þöggun.

Einhversstaðar á leiðinni  urðu okkar "kære nordiske vender"  öðrum æðri.
Ég segi þetta ekki vegna minna álits á skandinavískum frændum okkar,
frænkum  og forfeðrum.- Og margvíslegum leyfum eftir þeirra búsetu hér.
Tek það fram.


Kímnigáfa tel ég víst að sé hluti arfgerðar þjóða. Fyrir utan að vera rauðhærður sjálfur velti ég því stundum fyrir mér
hvers vegna breskur húmor fellur margfalt betur að mínum smekk en sá
skandinavíski.    Satt best að segja tengi ég ekki alltaf við  grín
nágranna okkar þó þeir séu eflaust fjarskyldir frændur. 

 

Að lokum eitt.  Sagnaritun var þróaðri meðal Kelta en þeirra norrænu.   Eigum við kannski  þessum skyldleika  að þakka okkar  mestu metnaðarhnoss?   Á ég þar við handritin.

 

Valdimar Guðjónsson.

(Birt í Sunnlenska Fréttablaðinu 18. desember 2013)

Athugasemdir

[Óskar Helgi Helgason (IP-tala skráð) 4.1.2014 kl. 14:22]

Heill og sæll Valdimar æfinlega - og þakka þér liðnu árin öll!

Lítt - ættu Íslendingar sem ýmsir Frakka og Spánverja til dæmis að guma af skyldleikanum við Kelta (Íra/Skota t.d.).

Keltnesku þjóðirnar Írar og Skotar - líkt þeim Baltnesku (Litháum / Lettum og Eistlendingum) eru einhver dyggustu þý Merkel kerlingarinnar Þýzku - og þeirra Barrosó´s hins Portúgalska suður á Brussel völlum einskonar kjölturakkar þeirra - og síðan hafa Írar og Skotar hvergi dregið af sér í hælbíta hættinum gagnvart sjálfsögðum Makrílveiðum Færeyinga og Íslendinga að undanförnu - hinni Grísku Damanki til mikillar ánægju.

Þannig að - fólk sem hefir bundið sitt trúss órofa við Fjórða ríki skrifræðis Nazistanna (ESB) er nú ekkert í neinu sérstöku afhaldi / eða uppáhaldi hjá mér Valdimar - þér að segja.

Hvort - kenna megi um afleiðingum Þjóðflutninga 4. - 6. alda og síðar skal ég ekki segja Valdimar - en Keltar og Baltar eru einhverjar snubbóttustu þjóðir nágranna álfu okkar austur í Evrópu sýnist mér - og engin ástæða fyrir Íslend inga frekar en aðrar Norður- Ameríkuþjóðir að binda frekara trúss við þetta lið - gæti gefið Þjóðverjum / höfuðfjendum okkar austan hafs misvísandi skilaboð í grímulausri eftir sókn þeirra eftir náttúruauðæfum hérlendum - sem annarrs staðar.

Með beztu kveðjum sem jafnan - austur yfir fljót /

[Óskar Helgi Helgason (IP-tala skráð) 4.1.2014 kl. 15:59]

Damanaki - átti að standa þar. Afsakið - fljótfærni mína á lyklaborðinu að nokkru.

ÓHH

[P.Valdimar Guðjónsson, 7.1.2014 kl. 16:59]

Sæll Óskar. Með ósk um ánægjuríkt nýtt ár.

Nútíma deiglumál þurfa nú ekkert að beygla fortíðina eða sveigja. Hvaða skoðun sem við höfum á nútíma samböndum eða krossferðum.

Þeir eru Eyverjar líkt og við á Bretlandseyjaklasanum, alveg með þokkalega sjálfstæðan vilja. Þar má nefna allskyns sérviskur sem eru bara fínar fyrir sinn hatt, svosem eins og gjaldmiðilinn pund, þyngdareininginn pund, vinstri handar umferð omfl. Margar aðrar þjóðir flatari fyrir Merkel.

Voru hinsvegar orðnir með uppí kok af stríðum við nágranna. Það var trúlega aðalástæðan fyrir inngöngu i "sæluna". ( með álftarlöppum)

[P.Valdimar Guðjónsson, 7.1.2014 kl. 17:03]

En þeir ásælast ennþá fisk og fiskimið okkar. Það er alveg rétt og ekkert annað í stöðunni en varnarbarátta áfram.

[Óskar Helgi Helgason (IP-tala skráð) 11.1.2014 kl. 22:19]

Heill á ný - Valdimar !

Vart - munum við verða alls kostar sammála þarna en þakka þér fyrir drengileg andsvörin sem við var að búast af þinni hálfu.

Jú - jú Normanna-Saxneska sérvizkan og hefðin hjá Englendingum varðandi vinstri umferðina mun verða þeim og öðrum óbrotgjarn minnisvarði um Burtreiðar Lensuriddara Miðalda Valdimar.

Skáka þeim fáir - þar.

Með ekki síðri kveðjum - en öðrum og fyrri /