Mikið var.

Voðalega tók þetta langan tíma, en betra seint en aldrei.

Þarna er dæmi um mál sem alþingismenn áttu allir sem einn að setja ný lög um strax eftir hrun.  Allt hefur þetta tafið endurreisn því enginn vill byggja áfram á þeim opna laga-óskapnaði sem setti hér allt í kalda kol.

Galopnar lánveitingar gegn gölnum veðum áttu þar stóran þátt í hruni fjármálakerfis.

Bann við láni með veði í eigin bréfum

Athugasemdir

[Vendetta, 12.6.2010 kl. 13:23]

Nei, að setja þessi lög eftir hrun hefði verið of seint og það er svo sannarlega allt of seint núna. Þetta hefði átt að gera árið 2002 áður en bankarnir voru seldir. Ef það hefði verið gert, hefðu þeir aldrei hrunið því það hefði ekki verið hægt að ræna þá innan frá. Lög sem þessi hafa verið i gildi á hinum Norðurlöndunum í áratugi.

Þetta sýnir að íslenzkir þingmenn (stjórnarliðar) hafa alveg frá stofnun lýðveldisins verið og eru enn handónytir dugleysingjar. 

[Hrólfur Þ Hraundal, 12.6.2010 kl. 14:36]

Væntanlega lærist okkur nokkuð af þessum vandræðum og finnum kunnáttu og samviskusamara fólk til starfa á alþingi. 

Það er gott að vera eftirá forvitur og er það kannski  þess vegna sem  Vendetta þagði þar til nú.

[Vendetta, 12.6.2010 kl. 14:49]

Nei, ég sá þetta fyrir og þagði ekki. En þá var ég ekki kominn með bloggsíðu. Og þar eð ég var ekki blaðamaður eða í stöðu þar sem hlustað var á mig, skipti það engu máli hvað ég sagði. Ath. að ég bjó erlendis þegar bankarnir voru einkavæddir og vissi ekkert um það.

Ef ég hefði verið alþingismaður árið 2002, hefði ég vissulega reynt að koma með þingsályktunartillögu um þetta. Og það þarf víst ekki nema meðalgreind til að sjá þetta fyrir. En mér vitandi voru það aðeins þingmenn VG sem reyndi að gera eitthvað í málunum þá. Aðrir á þingi voru annað hvort með hafragraut í hausnum og/eða þeir eygðu persónulega gróðamöguleika í þessu, þegar fjármálasirkusinn væri kominn á skrið. 

[P.Valdimar Guðjónsson, 12.6.2010 kl. 17:22]

Jú rétt Vendetta í besta heimi afturábak hefði þetta verið gert um síðustu aldamót.

Það er fullt  af fólki sem getur sagt "I told you so" líkt og Vendetta.  Venjuleg vinnandi Jón og  Gunna hristu hausinn mörg hver yfir öllu bullinu. Þó ekki færi það allt hátt. En þetta smitaðist því miður um allt þjóðfélagið og þar bera bankarnir mesta ábyrgð. Alltof margir létu ginnast af sjódælingu erlends lánsfjár um allt.

Ég man ekki eftir mörgum sem töluðu um nauðsyn á vönduðu  regluverki kringum banka og fjármálastofnanir .  Ég man hinsvegar eftir þónokkrum sem voru alfarið á móti einkavæðingu.  það er annað mál.

[Óskar Arnórsson, 12.6.2010 kl. 18:23]

Það átti að banna þetta í upphafi þegar bankar voeru stofnaðir. Einnig að alþingismenn sitji í stjórn fyrirtækja og séu í allskonar braski ásamt þingstörfum. Af hverju hafa allar tillögur um það verið felldar? Jú, lög verða bara sett þegar þess er krafist af skrílnum...af hverju þurfa Íslendingar að vera í því að "finna upp hjólið" í öllum peningamálum? Tilhvers að hafa einkarekna banka yfirleitt?