Kynslóðaskipti og meiðsli.

Nú reynir á.
Frábært lið. Allir eldri og reyndari jaxlarnir kunna og vita nákvæmlega af eigin reynslu hvað þarf til að ná alla leið á hæsta topp.

Óvissan nú er þessi.;

1. Hvernig höndlar nýr þjálfari blautur á bakvið eyrun, pressuna , kominn eins langt og nokkur kemst, fyrir tilverknað síðasta þjálfarateymis.? Gangi honum sem allra best.

2. Hvernig gengur yngri og nýrri landsliðsmönnum að keyra þetta hraða og flotta lið á fullum dampi þegar skipta þarf og hvíla lykil menn? Gangi þeim líka vel. Minni þó á að þegar okkur hefur vantað oggulítið uppá að fara allra efst, hefur vöntun á breidd verið kennt um.

Ljóst er að endir síðustu olympíuleika situr aðeins í leikmönnum eðlilega. Það mun líklega geta þá enn einbeittari og ákveðnari í leik sínum. Sem er plús hér og nú.

En málið er ekki flókið. Allt getur gerst.

Aron valdi 17 leikmenn

Er Sigurður Líndal marktækur gagnrýnandi?

Ég hallast að því já.  Það má segja Sigurði til hróss að hann hefur lítt orðið uppvís að draga taum eins né neins valdhafa.

Þeir finnast vart hér á landi sem hafa deilt jafn ákveðið og með rökum bæði gegn ríkisstjórn Davíðs Oddssonar og nú Jóhönnu Sigurðardóttur.   Slíkt segir mér að hann sé heill í afstöðu sinni.

Stjórnlagahópurinn er farinn að líta á sig sem nánast Guðs útvalinn.    Þá í viðbót við að geta lesið hug 70 - 80%  kjósenda þessa lands.

Þjóðarvilji.  Skil ei hví Steingrímur notaði ekki orðið þjóðvilji.

Efnislega um vinnubrögðin við frágang þessa máls.;   Ja, sjálfur formaður stjórnlagaráðs átelur þau harðlega og með fullum rökum.

Þarf að segja meira?

Rangt að þjóðarvilji hafi birst

Gleðiríkt nýtt ár.

 

Gleðilegt ár 2013.

Takk fyrir öll innlitin á bloggsíðuna.  Lifið heil.

Gamaldags öryggistæki nauðsynleg.

Við að heyra fregnir af óveðri og afleiðingum þess er eitt víst.    Það hafa örugglega ekki öll heimili tvö nauðsynleg öryggistæki.  Það er  gamaldags snúrusími  og  útvarp með batteríum.

Hvorugt er allavega til á þessu heimili.   Gamla snúrusímanum var ( skífu ) snúið í ræmur  og nýtist nú aðeins sem framandi leikfang fyrir barnabörnin.

Sé landlína til staðar sem er nú á langflestum heimilum , gagnast hun nákvæmlega ekki neitt með fína þráðlausa símanum  ef rafmagnið fer.     Snúrusíminn  virkar oftast þó straumur rofni.

Eins er með GSM  samband.    Endurvarpar eru misjafnir og virðast eiga það til mjög oft, að detta út í verstu illviðrum.       Þú getur þvi ekki alltaf  treyst á slíkt í staðinn.

Gátlisti  allra heimila.;               Er samt enginn sérfræðingur tek það fram.

1.   Reykskynjari.

2.   Snúru sími.

3.   Batterísútvarp með langbylgju.

  

Enn rýming í gildi á 15 stöðum

Íslensk gestrisni og ró til sveita.

Öllum er létt. Það var í sjálfu sér gott að uppgjöf fangans færi fram í þessu umhverfi. Þó ábúendum væri eðlilega brugðið áttu þeir greinilega sinn þátt í hversu yfirvegað lok alls þessa gengu.

Ég þekki lönd þar sem heimsókn sem þessari hefði verið svarað jafnvel með haglabyssu.
Róleg og óögrandi viðbrögð ábúenda voru vel í anda jólanna.

Vitorðsmenn ekki útilokaðir

Eru tölvuleikir hlutaskýring?

 

Í Speglinum á Rás 1 var í kvöld fréttaritarinn í Noregi að bera saman fjöldamorðin í Útey   og nú síðast í Sandy Hook grunnskólanum í Connecticut.     Margt reyndar  sem við vitum ekki enn um þennan síðasta atburð.     

Mig langar að vita;  var morðinginn háður tölvuleikjum ?      Breivik iðkaði slíkt  og æfði sig þar að salla niður fólk.   Svo virðist sem fjöldamorðinginn í Sandy Hook hafi haft svipuð gjörsamlega  köld og morðóð handtök.    Hver einstaklingur var  skotinn   mörgum skotum  og eins margir sem mögulegt var.

Verð að viðurkenna þá skoðun mína að ofbeldistölvuleikir  eru margir ógeðslegir í  hæsta máta.   Fullvopnaður  getur þú  sallað niður manneskjur með öllum fullkomnustu hríðskotarifflum sem fást. Takmarkið oftast að ná sem flestum.   

Ekki er nokkur vafi að einstaklingar tæpir á geði  sem ánetjast  fyrrgreindri tómstundaiðju  eru áhættuhópur.   Í Noregi  var  sérlunduð pólitísk  þráhyggja  ofan á  ískalda grimmd Breivik, sem á vélrænan hátt  hélt gikk vopnanna samfellt opnum.

Í  Bandaríkjunum þurfa einstaklingar tæpir á geði greinilega ekki slíkt til að framkvæma gjörning sem þennan.  Byssukultúrinn og skefjalaust ofbeldi í kvikmyndum og tölvuleikjum  virðist duga eitt og sér.

 

Skólastarf hafið á ný

Samfylking margóma.

Það eru fleiri en óbreyttir utan Samfylkingar sem þykir nóg um vinnubrögðin hjá ríkisstjórninni í sumum málum.

Hér er annar viðmælandinn Samfylkingarmaður og fyrrverandi þingmaður flokksins.

http://visir.is/section/MEDIA98&fileid=CLP15841

Verð að viðurkenna ég var býsna sammála Lúðvík Bergvinssyni í spjalli þessu sem var á Bylgjunni í morgun.

Það eru því fleiri en  Gylfi Arnbjörnsson, Gunnar Helgi Kristinsson og fleiri kratar sem kvitta fráleitt uppá allt sem borið er á borð  þessa dagana.

Samstarf stærri og minni.

Ég hef aldrei skilið vandræðaganginn sem stundum brýst fram hjá kjörnum fulltrúum Selfyssinga gagnvart samstarfi við nágranna sína.    Enda er það illskýranlegt.

Sem óbreyttur fótgönguliði í félagsmálum og fyrrum setu í sveitarstjórn til 20 ára varð maður oftar en einu sinni var við þetta.

Svo ég verði ekki misskilinn.  Selfoss er frábært bæjarfélag, sérstaklega hvað alla þjónustu varðar.  Sá stóri hópur fólks sem býr og sækir í að búa þar getur ekki haft rangt fyrir sér.       Atvinnustóriðja  Selfoss er þjónusta.  Fjöldi fólks hefur atvinnu af því að þjónusta íbúa héraðsins.  Allt uppí vellaunuð störf sem eru eftisóknarverð hverju bæjarfélagi. Þetta er búsetu og atvinnu blanda sem gengur upp.        Margt  þessu tengt er eins og allir vita staðreynd einmitt vegna samstarfs sunnlenskra sveitarfélaga í bráð og lengd.  Og Selfyssingar hafa sinnt sinni ábyrgð vel.

Atvinnnusvæðið hér  austan fjalls er stórt þó radiusinn sé vissulega alltaf með þolmörk.  Hver  krossar línur sveitarfélaga hægri vinstri við að sækja sína vinnu og lifibrauð.      En af óskiljanlegum ástæðum telja hinir stóru og fjölmennu  sig með reglulegu millibili  á einhvern hátt afskipta  eða bera skarðan hlut í samstarfi sunnlendinga.  Það voru reyndar Vestmanneyingar sem gengu lengst.  Þeir fóru.  En komu líka aftur.

Þetta ekki einsdæmi.  Heyrði frá kollegum þá í sveitarstjórnum á höfuðborgarsvæðinu  um svipaðar uppákomur og tilfinningasveiflur hjá stóra bróður (Reykjavík) . Sem þar líkt og hér fóru reyndar sjaldnast á bókunarstig.  Kannski er þetta því meira sálfræðistúdía en nokkuð annað.

 Ég kynntist þessu  einnig á vettvangi HSK.   Svona aðeins núningur á tímabili, sem jafnvel opinberaðist í ræðustól.   Í  sem stystu máli þannig að við erum svo fjölmenn og stór að í raun þurfum við ekkert á ykkur að halda.  Við borgum svo mikið í púkkið að við þurfum meira í staðinn.   Þetta lýsti sér svipað inná borðum SASS.     Oftast varð svona titringur kringum stjórnarkjör.  Síðast í nútímanum náði þetta hvað lengst með alllangri skjálftahrinu kringum Skólaskrifstofu Suðurlands, sem kannski stendur enn.  Þekki það ekki.   Samt man ég ekki eftir  stórum deilum um kostnaðarskiptingu.   Enda er slíkt  ekki meitlað í berg á hverjum tíma.

                        Auðvitað snýr svona lagað aldrei að neinum einum.  Stundum var grunnt á metingi stærri þorpa hér   gagnvart þeirrri staðreynd  að flestallar  samstarfssstofnanir gamlar og nýjar eru staðsettar á Selfossi höfuðstað Suðurlands.  Husgsanlega komu einstaka þversumstellingar annara  útfrá þeirri staðreynd.
            Í sem stystu máli.  Mér finnst óþarfi að láta svona.  Heilt yfir hefur samstarfið innan SASS að sjálfsögðu gengið vel.     Í viðbót við “að sameinaðir stöndum vér... “ þá er vistun flestallra verkefnanna  og allt sem því tilheyrir  ekki lítils virði fyrir sveitarfélagið Árborg.

 

(Birt í Sunnlenska Fréttablaðinu 22. nóvember 2012)

  

Afburða fréttamennska hjá Jóni Björgvinssyni

Þeir eru fáir stjörnublaðamenn sem Íslendingar geta státað af.     Flestir innlendu reynsluboltarnir hætta langt fyrir aldur fram og koma sér frekar fyrir í bómull ráðgjafavinnu eða málpípu-hlutverki hjá stórfyrirtækjum.

Þó gagnrýni sé haldið fram með réttu varðandi hlutlausan fréttaflutning á fréttastofu RÚV eru undantekningar.

Get þar nefnt fréttamenn eins og Sigrúnu Davíðsdóttur og ekki síst Jón Björgvinsson í Sviss.  Hann er allsstaðar á jarðarkúlunni staddur í miðju atburðanna og rækir starf sitt af öryggi og fagmennsku.

Hér er dæmi um afburða góða úttekt í umdeildu máli. Þetta er engin stórfrétt.  Fjallar um samskipti Sviss við ESB  og tengslin við bandalagið síðustu áratug.     En hárfínt skautar Jón á upplýsandi hátt og fræðir um þau mál.    Ekki hallar á neinn.  Hefði einhver af fastastarfsmönnum Spegilsins í hljóðstofu reynt umfjöllun á viðlíka nótum hefði sú sama frétt verið lituð  og með slagsíðu hallandi beint að umræddu bandalagi.  Þegar kemur að innlendri umfjöllun virðist sú stefna mörkuð   að sjónarmið og rök þeirra sem gagnrýna ESB  séu ekki þess virði að segja frá.  Hagsmunaðilar í sjávarútvegi og landbúnaði eru sem dæmi  algjörlega frystir.

 Hér má heyra umfjöllun Jóns.    Hann kemur inn í þáttinn   á tímanum  18.00 ca. http://www.ruv.is/sarpurinn/spegillinn/06122012-1

 Jón kann þetta.

Rolling Stones. Engum líkir.

Deildi herbergi með eldri bróður mínum í æsku. Undir súð sunnan megin í gomlu upprunalega norsku timburhúsi sem var byggt fyrir þarsíðustu aldamót.

 Herbergið var meira á lengdina en breiddina. Haukur Guðjónsso svaf við eina gluggann, austanmeginn. Hann keypti sér veglegar Dual steríógræjur alveg í árdaga þessháttar fyrirbæra eftir vetrarvertíð eina.
Og þær voru notaðar. Daginn og kvöldin út

er verið var inni frá verkum.

14 árum yngri sem ég er,deildi ég á þessum árum ekki alveg sama áhuga á Rolling Stones og bróðir sæll. En ég var ekkert spurður að því. Ef ég vildi endilega (eða þyrfti) vera með honum í herbergi þá fylgdi þetta með. Hann keypti allar plöturnar. Og þær voru leiknar. Við sofnuðum útfrá "paint it black"'"sympathy for the devil", "brown sugar", "who wants yesterdays papers","oh doctor" , og svo má lengi telja.
Ekki beið ég af þessu neinn skaða enda sá ég aldrei þessa "viltu"töffara sem hristu upp í lífi ungdómsins nema á stöku ljósmyndum. Sjónvarpið kom ekki í gamla bæinn fyrr en 1968 og ráðvandir stjórnendur sýndu ekkert myndir af síðhærðum breskum hljómsveitargaurum.
Allir mótast af uppvexti sínum. Mörg frábærra laga Stones síuðust inn og skipa sérstakan sess hérna megin síðan uppi á lofti í Hauksherbergi.
Það var hrein unun að horfa og hlýða á heimildarmyndina um Rollingana á RÚV nú fyrir nokkrum dögum.
Hvað sem má um þessa krumpuðu kalla segja þá leynast þarna perlur. Hefðu þeir hætt jafn snögglega og óvænt og Bítlarnir á toppnum, væru sum lögin jafnmikil klassik. En þeir hættu aldrei. Eru enn að þó ótrúlegt sé.