Að innflytja mat.

Í sjónvarpsfréttum RÚV birtist af og til Andrés Jónsson frá samtökum verslunarinnar og rekur hve ofursnöggt íslenskar  matvörubúðir  muni breytast í ódýr góðgerðarsamtök  fái verslunin sjálf að flytja inn kjötvörur.    Með dyggri aðstoð fréttamanna
RÚV breyttist hugtakið gúrkutíð í svína og kjúklingatíð. Greinilega blásið í
herlúðra með reglulegu millibili.
Það hlýtur að verða slæmt á bragðið til lengdar að tyggja sífellt sömu
tugguna um hátt verð á innlendum landbúnaðarvörum.
Að ekki sé talað um þegar því er sleppt hugsa út fyrir boxið sitt og kynna
sér málin örlítið.
           Nærtækasti mælikvarðinn hlýtur að vera;   hvaða  hlutfalli
útgjalda sinna eyða Íslendingar til matarkaupa? Samkvæmt
Eurostat (vitneskju og viskubanki ESB sjálfs ) eru það 13,05%.
Til samanburðar er ESB meðaltalið  14%. Mjög svipað á
evrusvæði.    Semsagt hærra hlutfall en hérlendis.
           Samt slá framámenn í innflutningsverslun hérlendis því stöðugt
fram að tilvinnandi sé að slátra innlendum búgreinum á altari
síns meinta frelsis , bara svo við verðum jafn " ódýr" og "
frjáls" sem allt öfundsverða fólkið erlendis. Oftast er þá miðað við stöku útsöluverð erlendis frá sem ruglar samanburð.
Angi af sama meiði er krafa um innflutning á hráu/ fersku kjöti. Á stuttri ráðstefnu fyrir skömmu kom fram að slíku fylgir alltaf
ákveðin áhætta.  Sumir eru komnir yfir mörkin þegar " vit" þeirra á þessum
málum hefur sig yfir alla sérfræðiþekkingu og ekki síður þegar döpur
reynslu fyrri áratuga og alda með skæðum sjúkdómum i búfé gleymist.
Oft er horft til Nýja-Sjálands og Ástralíu þegar kemur að útflutningi
kjötvara. Þar er rekin stóriðju landbúnaður og útflutningur sem fer víða um álfur. Færri vita hinsvegar að þessar þjóðir eru með einhver ströngustu boð og
bönn þegar kemur að innflutningi kjötvara.  Segja það með öðru vera
lykilinn að heilbrigði þeirra búfjárstofna sem er margfalt betra en i USA..

Talandi um álagningu íslenskrar verslunar heyrði ég sláandi dæmi því
tengt. Félagi minn þurfti að kaupa varahlut í bílinn sinn. Þótti hann
nokkuð dýr eða 72.000 kr. Var á leið til Þýskalands og ákvað að versla
varahlutinn frekar þar enda fór ekki mikið fyrir honum. Þar kostaði þessi
sami hlutur rúmlega 50 evrur , sem gera ríflega 7000 kr. Ísl.! Skal tekið
fram að þarna eru engir verndartollar enda bílaframleiðsla ekki hafinn enn
hérlendis. Svona eru nú sumir saklausu englabossarnir sem stunda
verslunarrekstur á Íslandi að rækja sitt fag.  Ekki trúa öllu.

  Það er auðvitað aldrei sanngjarnt að setja alla undir sama hatt.    En í
alltof mörgum tilvikum er gróflega nálægt þvi að verið sé að okra á
íslenskum neytendum.  Bara hvernig verslanir hver á fætur annari
hreinlega banna verðkannanir lýtur t.d. ekki vel út. Að ekki sé talað um  þegar verðskyn neytenda viljandi hverfur í móðu vegna síbreytileika og verðbreytinga stundum oft á dag í dagvörubúðum.

                         (Birt í Sunnlenska Fréttablaðinu  2. maí 2013.)

Kjósendur eru f...

Greining sérfræðinga á kosningaúrsltum stendur yfir á RÚV.

Niðurstaða margra er að umræðan hafi ekki verið nógu " víð". Því fór  sem fór.   

Framboðin kynntu sína stefnu.  Kjósendur kynntu sér hana.  Mikill fjöldi kjósenda ( í vafa) um allt land sagðist t.a.m. hafa kynnt sér stefnumál framboðanna á Netinu.   Sérstaklega yngra fólk.

Það er ekki sanngjarnt sjónarhorn, né vítt hjá fræðimönnum, að gera lítið úr  dómgreind hins almenna kjósenda.   Né öllum hinum sjálfstæðum möguleikum þeirra og tækifærum til að velja og hafna í alþingiskosningum án stýringar umræðu.

 Mér finnst liggja í loftinu að mörgum langi til að segja fólk er f...      Einhver veit kannski hvað ég meina.

Geta myndað stjórn með 51% fylgi

Kosningabaráttan fór vel fram.

Það verður að segja frambjóðendum til hróss, langflestum að baráttan fór vel fram.

Það var sleginn að hluta nýr tónn.  Sem virkaði hjá mörgum.  Þeir sem höfðu skýra stefnu og framtiðarsýn skoruðu mest.   Einnig þeir sem slepptu hinu gamla fortíðarstagli.   Örfáir frambjóðendur sem voru stöðugt með nefið ofan í koppum andstæðinga, þyljandi fortíðina, hnýtandi í aðra, skora ekki hátt samkvæmt skoðanakönnunum.     Sá samkvæmisleikur ræður reyndar alltof miklu i umræðunni.    Siðustu dagar fyrir kosningar ættu að vera lausir við kannanir.    

Engu var líkara að Alþingismenn væru þrasdasaðir eftir skylmingar vetrarins.     Eða þeir lásu lika flestir vilja íslenskra kjósenda rétt.   Stagl og rifrildi er nefnilega ekki að skora.

 

„Þetta verður dagur breytinga“

Virkar neikvætt.

Þessar breytingar koma sér nokkuð illa við marga.

Eitt verður forvitnilegt.  Mun koma ítarleg umfjöllun varðandi þessar umdeildu breytingar í fréttum RÚV, Fréttablaðsins, og DV fyrir kosningar?  Neikvæðar fréttir?   Neeeeeee,   Efast um það.

 Miklu frekar um viljayfirlýsingar, skóflustungur umdeildra hluta sem binda rikissjóð og valda útgjaldaauka sem nemur milljörðum fyrir ríkissjóð. 

„Greiða fyrir að halda lífi“

Velta og sala. En verð?

Þessi frétt er aðallega um veltuaukningu/minnkun  og sölu.   Hvað um verð?

Jú raftækin heldur að lækka, gott mál. 

Hvenær byrjar innflutt dagvara að lækka?    Gengið hefur styrkst á annan tug prósenta frá áramótum.   Á að láta verslanir hirða þennan mismun án þess að segja múkk?  

En.

 Afskriftir og gjaldþrot vegna verslana og þjónustugeirans fyrst eftir hrun fór í 88 milljarða.  Það tekur náttúrlega tíma að ná inn fyrir alla nýju eigendurna.    Jafnvel þó margt stórt hafi fengist á hörkuprís.

Dagvara hefur hækkað um 6,1%

Fjölmiðlar og veður

                         

Ísland er land öfga, breytileika og sveiflna.     Þar virðist eiginlega sama hvar
borið er niður og á hvaða vígstöðvum.  Náttúru, landslags,jarðskorpu,
pólitíkur,efnahagsmála, verðlags og svo ekki sé sé nú minnst á veðurfarið.

Árið 2012 fór mildilega um okkur sunnlendinga veðurfarslega.  Það væri hámarks
vanþakklæti  að kvarta yfir því.   En þá komum við að fyrrnefndum
öfgum.    Því var nefnilega þveröfugt farið norðan heiða.     Ég hitti
nokkra starfsbræður mína í bændastétt úr öðrum landshlutum fyrir stuttu.    Við að heyra
lýsingar Norðlendinga  hugsaði maður eins og Dani.  "Hold
kjeft" hvað við sluppum vel.     Kúabondi einn  í Skagafirði lýsti þessu
þannig fyrir mér að síðasta vor var óvenju þurrt.  Auk þess var nánast
enginn snjór um veturinn.    Þessvegna leysti  engan snjó
svo jarðrakann vantaði.   Enn liðu vikur og
mánuðir og  rigndi lítið sem ekkert.   Gras var því gisið og seint kom
uppúr flögum.     Þó rættist aðeins úr sprettu seint og síðarmeir.     Þá gerði víst smávegis vætu.    Grænfóðrið tók við sér og
leit orðið nokkuð vel út í lok ágúst.     Þá kom næsta áfall.   Fáheyrt
óviðri með stórhríð í byrjun september sem mörgum er í fersku minni. 
Þessi bóndi sagðist þá hafa misst undir snjó og skafla tæpa 30 hektara af
grænfóðri sem var að verða slægja.   Það var þvi tapað.     Eins og þetta
væri ekki nóg.   Nú sér þessi maður fram á alvarlegar kalskemmdir vegna
svellalaga sem legið hafa yfir nánast í allan vetur.   Við flug heim frá Egilsstöðum sást að nánast snjólaust var á Kili, en mikill snjór enn til fjalla norðan heiða.    
                  ........................................................................

Tók eftir að fréttamenn RÚV og fréttastjórar  setjast þessa dagana   í hæfilega þægilega stóla og greina okkur óbreyttum almúganum hve snjallir þeir eru í störfum sínum og hvernig þeir eigi að rækja skyldur sínar. Fréttastofan á innan sinna raða góða starfsmenn. Svosem eins og hamfara Brodda Broddason sem allir treysta og einnig fleiri. Öðrum eru mislagðar hendur.
Mér finnst vanta hjá þáttastjórnendum og mörgum fréttamönnum víðari sýn og forvitni. Vinnubrögð líkt og við sjáum hjá virtum stöðvum eins og BBC til dæmis. Staða og eignarhald okkar á miðlinum er þannig. Umdeild mál á að tækla með 360 gr. sýn þegar það er hægt ( sem er vissulega ekki alltaf). Þar rýrir ekki gildi fréttar að öndverð meginsjónarmið fái einnig pláss. Þvert á móti gera "einstefnu" fréttir lítið úr dómgreind hins almenna neytanda ( og kjósanda reyndar). Tek sem dæmi Silfrið hans Egils. Þar eru stærstu atvinnuvegir landins algjörlega "útlægir gerr", sem og verkalýðs forkólfar. Einhver uppblásin grýla í 101 Rvk. um " hagsmunaðila". En eru þeir ekki út um allt? Meiga þeir ekki tjá sig? Eða bara sumir? En það er svo merkilegt að almenningur sér í gegnum þetta allt. Sem er gott. En ekki alltaf RÚV að þakka.

(Birt í Sunnlenska Fréttablaðinu 3.april 2013)

Aðeins einn.

Hérlendis er aðeins einn til þessa, úr hópi stjórnkerfunga og pólitíkusa, sem telur rétt að staldra við í gönuhlaupi inn í ESB.      Þá meina ég fyrir utan þá stjórnmálaflokka sem lýst hafa andstöðu við aðild eða efasemdir.

Er það óbreyttur Jón Jónsson úr stjórnsýslunni?

Nei, getur varla talist.

Sjálfur Már Guðmundsson Seðlabankastjóri lýsti þessar skoðun sinni í viðtali við Jón Ársæl á Stöð 2. Vísaði hann þar til hræringa innan sambandsins og ástands á evrusvæði.  Setti stór spurningamerki við tímasetninguna.

Snýst ekki um sérmeðferð fyrir Breta

Einstakur Shane MacGowan

Ekki beint mjúkasta röddin en hæfileika tónlistarmaður.  Shane MacGowan hinn írskættaði tónlistarmaður drakk ótæpilega.  Fór ekki til tannlæknis og lifði hrjúfu lífi.   En ekki slæmur maður og dáður af mörgum fyrir lög sín og túlkun á írskum þjóðlögum og slögurum.     Þekktasta lag hans var án efa "Fairytale of New York " sem heyrist orðið um hver jól ( einnig til í íslenskri útgáfu).

Hér er hann ungur að árum.    Enn með tennurnar, en ekki lengi eftir þetta.

Við erum náskyldir Írunum.  Ég er ekki í vafa. Stórskemmtilegur flutningur hér og ég fæ gæsahúð að heyra þessa fjörugu tónlist.  Hér eru saman the Pogues  og hin þekkta sveit Dubliners.

 http://m.youtube.com/watch?feature=related&v=tHDX9qb2-BQ

Frosti er forspár.

Hinn flugmikli Framsóknarflokkur var trúlega nokkuð heppinn að ná Frosta Sigurjónssyni á framboðslista.

Sjaldgæfir yfirvegaðir menn í málflutningi og með ítarlega þekkingu á bakvið sínar fullyrðingar í pólitik .

Hann hafði sannfæringu og rök í Icesave sem eftir var tekið.   Nú síðast veðjaði hann á Framsókn sem var smáflokkur fyrir nokkrum vikum.    Framsýnn maður.

PS .    Hann reyndi að útskýra fyrir Hallgrími Thorsteinsson útvarpsmanni tillögur flokksins í morgun.  Hann komst lítið að.  Umsjónarmaðurinn var helming tímans að spyrja leiðandi spurninga í alltof mörgum orðum. 

Gleymdi sjálfum mér.

Þetta er óeigingjarnasta framboð til Alþingis sem sögur fara af.

Aldrei séð jafn ítarleg og útfærð stefnumið áður hjá nýjum flokki.  Slikt er ekki hrist fram úr erminni og hlýtur að vera ómæld vinna að baki þessu.

Svo mikil vinna að Guðmundur hefur greinilega gleymt sjálfum sér,  líkt og í Kötukvæðinu forðum.

Miklu algengara er að í fyrsta,öðru og þriðja sæti sé þingstóllinn í hyllingum.     Hinu (stefnunni)  klömbrum við saman jafn óðum.  Eða af fingrum fram.

„Þetta er auðvitað bölvað klúður“