Áróðursmaðurinn Ögmundur.

Hann Ögmundur Jónasson heilbrigðisráðherra er lúmskur áróðursmaður.  Sem ráðherra geta menn og konur nokkuð stýrt umræðu.  Til þeirra sem ráða horfa fjölmiðlar og miðla stundum ómelt til almennings flestu sem ráðherrar láta útúr sér og skoðunum þeirra.

Hinn beiski bikar að höndla gífurlegan niðurskurð í ríkisfjármálum vefst hinsvegar greinilega fyrir Ögmundi og fleirum.    Þess í stað er sökudólgurinn fundinn.  Jú það er Alþjóða gjaldeyrissjóðurinn og kröfur hans!  

Sennilega er þetta orðið þannig þegar menn hafa þurft að vera lengi í stjórnarandstöðu.  Það er orðinn kækur  að benda á vonda kallinn.   Stundum með réttu að sjálfsögðu.        En hann er greinilega staðráðinn í að verða ekki þessi fyrrnefndi kall sjálfur.   Það er snúið verkefni sem heilbrigðisráðherra að verða viðhlæjandi flestra. Hvað þá á þessum tímum.