Nefnd um fjölda nefnda.

Ég legg til að stofnuð verði nefnd.

Verkefni nefndarinnar er að taka saman fjölda nefnda í opinberri stjórnsýslu á Íslandi.  Nefndin taki saman ástæður þess hversvegna nefndir eru jafn margar og raun ber vitni. Nefndin geri tillögu til stjórnvalda um hvernig gera megi vinnubrögð nefnda markvissari.      Einnig taki störf nefndarinnar til þess að athugun verði gerð á því hvernig fækka megi nefndum.

Til að flýta  störfum  nefndarinnar er lagt til að stofnuð verði undirnefnd sem geti verið í beinu nefndarsamstarfi við aðrar nefndir og undirnefndir.     

Einnig er nefndinni falið að gera kostnaðarathugun á nefndum og greiddum nefndarlaunum í stjórnsýslunni undanfarin fimm ár.  Nefndin skipi að lokum fjárhagsnefnd sem ákvarði nefndarlaun til nefndarmanna og undirnefndar.