Vantar erlent fjármagn.

Geri ráð fyrir að þeir hæfustu séu eftir og hafi verið metnir þannig að þeir hafi allir fjárhagslega burði.

Ég velti fyrir mér hvort ekki sé nú meiri þörf en nokkru sinni að leyfa erlendum aðilum að koma hér inn með fjárfestingu og fjármagn. "Ómengað" fjármagn. Hvort Ástralinn sé hinsvegar leppur einhvers hér innanlands veit ég ekkert um.    Suma grunar það.   En að líkindum þurfa þessir tveir innlendu aðilar að skrapa eftir peningum hér á skerina. Vandamálið er að hér er lítið  til að skrapa.

En sem áðurtengdur Morgunblaðinu um 20 ára skeið er mér alls ekki sama um blaðið.   Né að manni heyrist um tugþúsundir áskrifenda.  

Allavega ánægjulegt að hægt sé að velja úr tilboðum.

 

Þrjú tilboð bárust í Árvakur

Athugasemdir

[Friðrik Hansen Guðmundsson, 20.2.2009 kl. 20:15]

Hvaða erlendu aðilar hafa áhuga á að kaupa gjaldþrota dagblað á hinu gjaldþrota landi, Íslandi? Svarið er einfalt. Engir erlendir aðilar áhuga á því.

Það liggur fyrir að á bak við þetta erlenda tilboð og tilboðið sem Óskar er að kynna er íslenskt fjármagn. Væntanlega fjármagn sem nú liggur í erlendum skattaskjólum. Þeir sem vilja kaupa gjaldþrota Morgunblaðið eru bara þeir sem vilja hafa áhrif á skoðunarmyndun hér heima. Einhverjir sem vilja taka óbeint þátt í íslenskri pólitík.

Í mínum huga á ekki að selja Morgunblaðið Íslenskum fjárfestum sem þurfa að fela sig á bak við útlendinga eða innlenda lögmenn. Burt með spillingarliðið hljómaði einhvertíma hér á Moggablogginu þó svo ég hafi aldrei tekið undir það. Nú reynir hins vegar á. Ætla menn að láta íslenskt fjármagn sem kemur úr erlendum skattaskjólum eignast Moggann?

[P.Valdimar Guðjónsson, 20.2.2009 kl. 21:44]

Sæll Friðrik.

Sá bara viðtalið við Cosser en veit ekkert meira. En ég tel víst að úr þessu snúist þetta einungis grjóthart um mestu peningana og lítið annað.     Sammála þér að þarna færi góður biti í hundskjaft ef Mogginn hlyti sömu örlög og auglýsinga/skoðana bæklingurinn Fréttablaðið.     Að verða málpípa þeirra sem næstu árin munu eiga undir högg að sækja.  Nákvæmlega eins og Fréttablaðið var nýtt í Baugsmálinu.

Já, þú segir nokkuð.  En etv. er til maður (Cosser ? ) sem finnst þessi hálfskrýtna og öfgakenda þjóð áhugaverð. Sem sveiflast frá því að vera ein af ríkustu þjóðum heims til að verða ein sú blankasta. Á augabragði.  Samt rík af menningu, upplýsingu, menntun, tækifærum og rótgrónu dagblaði með mikla sögu.