Forvitnin skiljanleg, óvarkárni galin.

Q.    Von að svona sjónarspil trekki að.   Þetta er sýn sem enginn gleymir á sinni ævi.  Fór sjálfur á svipaðar slóðir í Heklugosi árið 1970, þá 9 ára gamall.  Nokkur nálægð við áframveltandi úfið glóandi hraun.   Vel fast í minni síðan þá.

En óvarkárni og ó- raunsæi forvitinna í þessum aðstæðum er stórhættuleg.  Galið að hætta sér of nálægt gígnum / uppstreyminu þar sem getur hrunið úr, eða opnast ný  upprás úr neðra.

Forvitnilegt hvort næst að fylla þennan Geldingadal af hrauni.  Frændi minn fjáreigandi í Grindavík, sagði í gamansömum tón að illt væri að hraun rynni yfir einn einn af fáum grasi grónum beitarhögum á þessu svæði.

Hef sundum horft horft of mikið í kringum mig ( uppá umferðaröryggi)  þegar ekin eru Þrengslin eða yfir Hellisheiði.   Jarðfræðinám í menntaskóla opnaði  örlitið augu mín fyrir jarð og hraunmyndun okkar lands.    

Fyrir ofan Litlu - Kaffistofuna er Svínahraunsbruni en angi þess nær suður í Þrengslin.  Er þú horfir   á fjöllin sést hve þau eru nokkur sérkennilega "lág".    Vel er hægt að sjá að mörg þeirra hafi verið mun hærri, en úfið þykkt hraunið fyllt hressilega uppí dali og víðfeðm svæði.  Rétt eins og þjóðin verður nú vitni að í smágosinu við Geldingadal á Reykjanesi.

Snjóbolti sem yrði fljótt stjórnlaus