Eiga sviðið.

Mesta vandamálið að mínu mati er hvar dregin sé línan.  Að fólkið "á gólfinu"  í bönkunum sé ekki að ósekju ákært eða dæmt.

En hvernig sem menn hlykkjast sem álar og sverja af sér sakir  hlýtur ábyrgðin að vera eigenda og stjórnenda bankanna hvernig fór.    Ekki bara það, heldur hvernig bankarnir voru reknir.   Þar var ekki um að ræða margra alda atvinnugrein sem kallast á enskunni "banking".   Þarna réð för gegndarlaust útstreymi fjármagns í pappírsfyrirtæki með absúrd nöfnum og meðvirkni í bull - bólu ástandi.

Eitt skil ég ekki.   Ákærðu eiga allt sviðið í öllum fjölmiðlum kringum þetta mál.  Í þessari frétt snýst allt um Sigurjón:   Af hverju er ekki tekið saman ca.  50 / 50   hvað ákærandinn er að segja í þessum réttarhöldum og málflutningi (á móti hinum ákærða).      Þetta er alveg eins upp sett á visir.is

Annað hvort er það í  tveim línum neðst, eða vísað í ákærudoðrant neðst líkt og í þessari frétt.

Ekki fær ákært ónefnt fyrirtæki sömu uppsetningu fréttamiðla þessa dagana. Þar er þessu þveröfugt farið.    Nei, þar  á ákærandinn sviðið.

„Eins og froskur í potti“

Athugasemdir

[Jón Logi Þorsteinsson, 8.10.2014 kl. 19:42]

Svoleiðis sammála. Aumingja drottningin Sigurjón......

[Grímur (IP-tala skráð) 8.10.2014 kl. 20:56]

Það hefði verið farsælt fyrir íslenska þjóð ef Davíð og Geir hefðu haft manndóm í sér til  "sprengja" þessa banka fyrr.

Sigurjón var ekki froskur heldurr einn af skipstjórunum og þeir æptu allir hástöfum fulla ferð áfram eins hratt og hægt er.

ENGINN þeirra vildi draga úr ferðinni og vonandi er slíkt ekki löglegt. 

[P.Valdimar Guðjónsson, 8.10.2014 kl. 21:13]

Mest óttast maður að löggjöfin á þessum tima ( og kannski enn) sé og hafi verið svo götótt og rúm að þeir sleppi flestir með stjörnulögfræðingana sína við störf.

[Halldór Egill Guðnason, 8.10.2014 kl. 21:48]

Nánast allur fréttaflutningur af þessum réttarhöldum hefur verið mjög einsleitur, svo ekki sé fastar að orði kveðið. Engu líkara en tekin hafi verin staða með sakborningum hjá fjölmiðlum, en ákæruvaldið gert tortryggilegt við hvert tækifæri sem gefst. Illþefjandi fréttaflutningur á fjölmiðlum, sem eru í eigu hverra?

Góðar stundir, með kveðju að sunnan.