Hví eru Thorsarar ósáttir?

Þetta var hin prýðilegasta mynd.    Myndmálið og flæðið var betra en oft gerist í íslenskum myndum. Þarna var gengið nokkuð rösklega og útúrdúralaust til verks eins og vera ber í heimildarmyndum.

Sérkennilegt að frændurnir  Björgólfur Thor og Guðmundur Andri séu báðir ósáttir við útkomuna.

Mér fannst koma vel út að tengja nútíð og fortíð Thorsara í rekstri og umsvifum.     Reyndar er þar flestallt gjörólikt í aðferðum og viðskiptaháttum.  Slíkt hefur ekki allt með ofvirka útrásargosa nýliðins tíma að gera.   Svona hafa tímarnir breyst.  En áhugi  yngri kynslóðarinnar var samt greinilega meira drifinn af græðgi og gróðafíkn.   Hjá hinum eldri var ósvikinn ástríða fyrir atvinnuuppbyggingu og framleiðslu sem skilar arði og gjaldeyri. Hvergi látið bugast þrátt fyrir áföll.

En þessi beinskeytta nálgun Dananna á nútímanum lýsti ástandi síðustu ára býsna vel.   Bent hefur verið á að Forseti Íslands sást oftar í mynd heldur en nánustu aðstoðarmenn Björgólfs Thors.    Það segir ýmislegt.

Hinar gömlu svart-hvítu myndir sem mér skilst að margar hafi komið úr Thorsfjölskyldunn,i voru augnakonfekt og stórmerkar heimildir.

Nútíminn er alltaf snúnari viðfangs í mynd sem þessari.   Hvað þar er satt eða logið veit ég ekki út í hörgul.   Mér skilst að einn viðskiptafélagi Bjórgólfs  í  Rússlandi hafi aðra sögu að segja um hvernig þetta allt byrjaði.

Meira uppgjör bólu og hrunstímans bæði í mynd og sagnfræði  mun sjást á næstu árum.    Að mínu mati fer betur á að útlendingar komi þar einnig að.     Allavega sé ætlun að gera hlutlausa úttekt.    Íslendingar eru flestir ófærir um slíkt.  Þetta tímabil og afleiðingar þess tengist á einhvern hátt inn í flestar fjölskyldur landsins.   Bæði meðan á því stóð.  Og síðan í glímu við afleiðingarnar.

Ósáttur við mynd um Thorsara