Að vera grímulaust á móti lýðræði.

Útskýringar hjá þeim fylkingum og persónum sem fóru halloka hjá Sósíalistaflokkunum eru grátbroslegar.

Viljinn var greinilega til þess að allt gengi smurt og liðugt hjá núverandi og ráðandi i flokknum.  Hér væri aðeins formsatriði til að hespa af.

Ég veit ekkert um þessar fylkingar og hef litinn áhuga.

En. Ansans ári sem þetta lýðræði getur nú verið dyntótt.

Hallarbylting: Gunnari Smára bolað út, Sanna ósátt

Vantar bara betra bíó.

Ástæðan er einföld að mínu mati.  Það vantar betri bíómyndir. Gæðamyndir með "meira kjöt á beinunum" . 

Bransinn er breyttur.  Sjónvarpið og efnisveitur hafa nánast tekið yfir.  Þar eru stóru leikara nöfnin og öflugir framleiðendur í dag. 

Að sumu leyti er það miður og synd,   Auðvitað eru sjónvörp og skerpa heima í stofu margfalt betri en í gömlu túbusjónvörpunum. 

En upplifun á spennu og stórmyndum í fullum bíósal, fær ekkert toppað. 

500 milljón færri miðar seldir

Fyrst og fremst sorglegt.

Hver bendir á annan og enginn á neinn. 

Ending nýrra bygginga á Íslandi (án fáránlega mikils viðhalds) er að verða á pari við endingu torfbæja fyrr á öldum. Hættið að gera grín að þeim. 
Samt er ekkert til sparað í rándýrum byggingarefnum á okkar allsnægta  tímum.

Allur samanburður er auðvitað hlægilegur - en samt ekki. Maður er orðlaus yfir fúski í hönnun og frágangi í dag. 
Dapurlegur vitnisburður.  Þetta er líka þannig að rónarnir koma óorði á vínið.  Til eru enn

sem betur fer  - örfá verktakafyrirtæki með flekklausn feril i nýbyggingum.

Morgunljóst að þetta þarf ekki að vera svona.  Að setja almennileg þök (með halla) á húsin í upphafi væri góð byrjun.

Skólahúsnæðið entist aðeins í 22 ár

Megas

Ég var eitt sinn bílstjóri með vinum og endað var í skemmtistaðnum Klúbbnum í Reykjavík. Fjör og gleðin teyguð þar allt til að lokað var - með glas af vodka í kók, kláravín eða Bommerlunder í hönd. ( Nafninu á þessu þýska brennivíni var yfirleitt breytt í “ Félagslunder” í höfðið á besta félagsheimilinu).

Enn langt í að saklausari drykkur en fyrrgreindir spíra miðir væru til sölu á knæpum eða í Ríki. Bjór semsagt ófáanlegur.

Ég settist útí bíl, hinkraði eftir félögunum og kveikti á Rás 1. Viti menn hún var enn í gangi þó komið væri fram yfir miðnætti ! Var ekki Stefán Jón Hafstein byrjaður með nýjan þátt, “ Næturvaktin”. Algjört nýnæmi.
Á þessum tíma kvölds gast þú bara hlustað á Radio Luxemburg, BBC, eða Kanann ( á Keflavík herstöð) værir þú staddur í borginni.

Stefán skellti Megas undir nálina. Mig minnir kringum tímabilið “Drög að sjálfsmorði” . Ég fór einmitt á þá mögnuðu stórtónleika í hátíðarsal MH.
Það var ferlega erfitt að skilja skáldið á þessum árum. Hann eiginlega hálf hrækti orðunum útúr sér í sumum lögunum.
Stefán Jón kunni ráð við því;

Þetta var bálkur mikill og mörg erindi. Að hverju þeirra loknu kippti hann upp nálinni og stöðvaði flutninginn á laginu. Las síðan sjálfur textann (Megasar) með sinni háu skýru röddu. Lét síðan nálina rólega síga niður og áfram koll af kolli. Svínvirkaði.
Auðvitað kom þá í ljós ( þegar allt fór að skiljast) að jafnvel Jónas Hallgrímsson hefði verið fullsæmdur af stöku hendingum. Flutningur söngvaskáldsins var hinsvegar villtari en flest sem var villt á þessum árum. Það átti þó eftir að snarbatna hjá honum síðar á ferlinum.

Hann Megas náði því að verða áttræður í dag. Magnaður alveg, tímalínan og sum æfiskeiðin voru nefnilega ekki alltaf heilsusamleg. Mörg kveiktu á hæfileikum hans, en ekki öll. Einn af þeim var Kristján Eldjárn Þorgeirsson fyrrum bóndi í Skógsnesi. Fullorðinn og kominn úr allt annari deild sá Stjáni fljótt margt gott í hann spunnið og heillaðist mest af skáldinu og textasmiðnum Megasi. Hans kynslóð þótti nú yfirleitt ekki mikið til koma hjá þessum “krökkum” . Sbr. gríntexta Flosa Ólafs. ´”Það er svo geggjað að geta hneggjað. “

Megas er ekki allra , en margra.

Gefa allar upplýsingar.

Likt og tíðkaðist forðum hjá "frjálsum" miðlum á Íslandi. 

Gefa upp öll nöfn þeirra sem koma að vafasömum viðskiptum og framkvæmdum. 

Hvar er sómakennd fjárfesta,  verktaka, eftirlitsaðila (sem eru reyndar engir) , framkvæmdaðila ( sem eru eftirlitsaðilar ! Eins skrýtið og það er), hönnuða, æðstu aðila í borginni ? 

Allt upp á borðið.  Segið frá og teljið upp nöfn þeirra sem bera ábyrgð.  Til að forða saklausu fólki ( í húsnæðisleit) frá frekari viðskiptum við alla þessa aðila.

Lekavandamál í sex ára gömlu húsi

Róa sig.

Væri nú ekki i lagi að sjá hvernig þetta gengur fyrst ? 

slaka - róa sig.   Sjáið fyrst hvort og hvernig þetta virkar allt saman. 
Àður en byrjað er að stækka eitthvað sem ekki er farið af stað ! 
Vonandi að lánastofnanir - sem í sumum tilvikum eru lífeyrissjóðir okkar.  Geri ríkar og 

strangar kröfur um áreiðanleika og ígrundaðar fjárfestingar.

En gangi þeim vel.

Hér má sjá aðila úr biðröðinni eftir meira fjármagni

Sækja um stækkun á laxeldi í Eyjum

Ómetanlegur fréttaflutningur.

Viðtöl sem þessi færa okkur í friðsælu umhverfi-  innsýn til þess harmleiks og viðbjóðar sem hvert stríð er í augum saklausra borgara. 

Frásögn Lídíu á viðhorfum frændfólks í  Rússlandi til stríðsins ( innrásar) og upphafs segir sína sögu um hvernig tekst að snúa sannleikanum á hvolf í styrjöld.    

Semsagt dagur eitt ( innrás Rússa í Úkraínu) er markvisst þurrkaður út um allt Rússland.  Það tekst vegna þess að öll umfjöllun er stýrð frá Kreml.    Síðan þegar hermenn Putíns byrja að stráfalla fer allt á sjálfstýringu.  Harmur og hefnd er komin í spilið. 

Fréttir án Reuters eða gamla "Tass"  , líkt og þessi - milliliðalaust - skipta máli

„Þær komu eins og flugnager“

Hinar skuldlausu eilífðarvélar.

Nákvæmlega.

Þetta er rétt hjá forstjóra Landsvirkjunar.   Hinar eldri virkjanir Íslendinga, (líka RARIK) og Landsvirkjunar eru dýrmætar eignir (skuldlausar):    Enginn annar  á en  þjóðin sjálf.  Ekkert flækjustig á því sem betur fer.

Málið er einfalt.  Besta "arðgreiðsla" til almennings (eigenda) er ódýrt rafmagn áfram.  Verð til íbúa hefur verið með því ódýrasta sem þekkist á byggðum bólum.  Almenningur á sinn rétt á að svo verði áfram. 

Heimilin njóta gríðarlegra fríðinda og kjarabóta með lágu orkuverði.   Gerir Ísland enn byggilegra land.  Nú  nær það (í vaxandi mæli )  ekki einungis til þess að knýja hrærivélina og þvottavélina  - heldur einnig farartæki heimilisins.

Rétt eins og sólarrafhlöður í Arizona er hlunnindi að knýja ökutæki og heimili.   Þá eru vatnsaflsvirkjanir í landi með gnægð af vatni ómetanlegir  orku "demantar". 

Skuldlausar eilífðarvélar besti arfurinn

Ógeðslegur tími framundan á vígvelli.

Rússar eru þekktir fyrir "subbulegheit" á vígvöllum sínum. "It is going to get messy" , sagði vanur stríðsfréttamaður á Sky fréttastöðunni í upphafi innrásar Rússa í Úkraínu.    Það hefur heldur betur komið á daginn síðustu 3 ár , hvorki meira né minna. 

Fyrirsögnin þessa pistils vísar til þess tímapunkts i innrásar og landvinninga stríðum þegar einhvers konar lok eða endapunktur er hugsanlega í augsýn.  Rússar misreiknuðu flest og þetta stríð gekk fráleitt að þeirra ítrustu  vonum. 

Af þeim sökum munu þeir nú reyna að rústa enn meira en orðið er - flestu á svæðum sem þeir sjá ekki fram á að ná undir sig ásamt fleiru.    Dróna árás á kjarnorkuverið í Tsjernobyl er merki um hve langt þeir geta seilst á næstunni. Útbýjuð svæði af jarðsprengjum er klassískt dæmi um viðskilnað á ótal mörgum stríðssvæðum. 

Þarna er þó algjör kyrrstaða rofin í einhverju sem gæti hyllt undir  lok þessa mannskæða stríðsbrölts Putins.  Áhyggjuefnið er þó að nálgun Trumps verði alltof mikið nær forsendum/ óskalista Putins.

Ekkert var hinsvegar að frétta frá leiðtogum ESB, EES, eða USA - um neina nálgun til lausnar síðustu 3 árin.  Fráleitt frumkvæði, en þess í stað barnaleg nálgun um að Rússar myndu einn góðan veðurdag gefast upp og labba aftur heim með  hendur uppi. Þórdís Reykfjörð viðraði oft slíku líkt  í viðtölum ásamt fleiri kollegum.  

Kjarnorkuveldi -  þó það yrði  króað út í horn í landhernaði myndi varla (á þeim tímapunkti ) láta endavopnið sitt ónotað.  

Á einhverjum tímapunkti þarf og þurfti að semja á einhvern hátt. 

„Þungur og mikill skuggi yfir Evrópu“

Um það snúast kjarasamningar.

Öll / Allir aðilar að kjarasamningum hæfilega ósátt ! 

Um það snýst löndun á erfiðum samningum. 

Stífni og óeftirgefanleiki þýðir yfirleitt lög frá Alþingi.  Mér finnst sérstakt hversu oft aðilar sjá ekki það samhengi. 

Segir alla hundfúla yfir tillögunni