Hinir “smærri” alltaf rændir.

Íslenska knattspyrnu landsliðið hefur ekki skorað hátt síðustu ár. 

Af þeim ástæðum þ.e. vegna "stóra sviðsins" og stórliðsins Frakka voru þeir rændir jafntefli. Nákvæmlega sama staða kom upp hjá Körfubolta landsliðinu fyrir nokkrum dögum.  Af því þeir voru minni spámenn í augum einhverra voru þeir hugsanlega rændir sigri með óskiljanlegum dómum. Þar höfðu þeir m.a.s komist yfir gegn stórliði Póllands. 

Þjóðverjar fjalla um ákvörðun dómarans í París

Glergýmaldið

Fyrir íbúa í blokkunum þarna við hliðina var þessi bygging nokkuð á pari við " græna gýmaldið" í Mjóddinni. 

Fasteigna sali á nýrri íbúð þarna i rúmlega armslengdar fjarlægð var þráspurður "verður nokkuð byggt á þessum litla bletti? ".  Svarið var nei. 

Ekki leið á löngu.  Grænn blettur upplagður fyrir garðbekk og kannski rólu - hvarf sem og útsýni á nokkrum hæðum.

Heimar ræða við leigutaka

Tryggvi Snær Hlinason átti sigurinn skilið.

Frammistaða Tryggva Snæs Hlinasonar var algjörlega á heimsmælikvarða.  Grátlegt miðað við hvað hann lagði til af mörkum (körfum )  í sókn og vörn  - að sigurinn skildi ekki nást .  Renna úr greipum undir lokin því miður.

 

Burtséð frá hinum í liðinu, sem og íslensku þjóðinni - meirihlutinn tók þátt og lifði sig inn í spennuleik.    Vinna, sviti, útsjónarsemi og pepp voru allt hlutir sem drengurinn úr Bárðardalnum lagði  fram - og meira til.       Grátlegt vegna hans frammistöðu að sigur yrði ekki staðreynd.  Hans vegna.

Grátlega nálægt fyrsta EM-sigrinum

Að gera ekkert - varla valkostur.

 

Enn eitt hræðilegt slys á þessum magnaða, en stórhættulega stað - meirihluta ársins. 

Íslendingar hafa fyrir löngu móttekið skilaboðin um hættuna þarna. Vandamálið er að koma þessu áleiðis til ( hluta) einbeittra erlenda ferðamanna sem virða í engu aðvaranir. 

Hafi landeigendur áfram opið á svæðinu ( erfitt að sporna gegn því á eftirsóttum stað  sem er ofarlega á heimslistum túrista) -  hlýtur að vera framundan verkefni hönnuða og verkfræðinga.    Til dæmis útsýnispallur í ákveðinni nálægð ( eða hæð)  yfir öldunni fyrir þá sem vilja sjá og komast nálægt þeim kröftum sem þarna eru.   Fjaran hreinlega  girt af þar á milli. 

Allt er þetta þó hægara sagt en gert og aðstæður krefjandi. 

Banaslysið við Reynisfjöru: Níu ára stúlka frá Þýskalandi

Vantar lempni og lagni hjá meirihluta.

Þrjóska og fall á fyrsta prófi er staðreynd á Alþingi.   Það sést með hverjum degi þessarar störukeppni að nokkuð vantar uppá lagni, frumkvæði og stjórnun hjá þingforseta og forsætisráðherra. 

Þingforseti á hverjum tíma er í vinnu fyrir þingheim, en ekki eingöngu hjú meirihlutans. Afköstin og vilji til (eðlilegra og óhjákvæmilegra) sátta um afgreiðslu mála er nauðsynleg.

Samkvæmt lýsingum er forsætisráðherrann föst við sinn keip.  Afhverju til dæmis - telst það eftirgjöf að dreifa innleiðingu hærra gjalds á útgerðir t.d. yfir 1 til 2 ár.?

Þessar upphæðir - þó gert sé mikið úr þeim - eru hálfgerð grjón í heildarsummu fjárlaga, ef út í það er farið.

Að því sögðu er ég alveg sammála þessari skattahækkun á þá sem græða mikið.  Endilega finnið miklu fleiri matarholur !   Mörgum fyrirtækjum og atvinnugreinum er hreint engin vorkun að greiða meira til samfélagsins.    

Kannanir um vilja þjóðarinnar ættu engum að koma á óvart.  Hver vill ekki að Jón Jónsson stórgrósser borgi meira , ef ég sjálfur slepp alveg ?

Ég vorkenni hinsvegar alþingismönnum ekki baun.   Þeir fengu heldur betur gott vetrarfrí. Hættið þessu væli.

Hanna fái aðgang að „jafnaðargeðsnámskeiði“

Lifeyrissjóðir. Komið nóg tap þar.

Fullreynt.

Hvenær skildi vörslufólk peninga almennings átta sig á þeirri augljósu staðreynd að mokstur fjár í sí - endurstofnuð flugfélög á Ísland er slæm hugmynd. ???

Sagan er að verða löng. Til dæmis er væntalegur (ef tóri) Lífeyrissjóður bænda laskaður vegna “ spilafíknar” með annara fé og slaka fjárfestingar dómgreind í upphafi greiðslna okkar hjóna í sjóðinn fyrir mikið mörgum árum.

Hef ekki tölu á hversu mörg hafa geispað golunni með miklu peninga foki útum gluggann, en í þessu tilviki var hvorki um að ræða wow,primera eða iceland express ( fóru öll í gjaldþrot). Nýjum stjórnendum sjóðsins þótti góð hugmynd að kaupa í Arnarflugi. Þó voru fréttir um erfiðan rekstur. Ekki var það ígrundað með vitið í þverpokum því nokkrum vikum seinna varð það líka gjaldþrota.

Sem dæmi um seinheppni má geta þess að líka bauðst að kaupa í Air Atlanta sem enn er með starfsemi og ágætan rekstur í yfir 40 ár. Allan tímann hefði það nú verið betri kostur, til dæmis.

Lausbeisluð fjárfestingarstefna lífeyrissjóða (á stundum) er aldrei rædd. Vegna gífurlegra eigna er auðvelt að láta suma hluti “týnast”.

Að vera grímulaust á móti lýðræði.

Útskýringar hjá þeim fylkingum og persónum sem fóru halloka hjá Sósíalistaflokkunum eru grátbroslegar.

Viljinn var greinilega til þess að allt gengi smurt og liðugt hjá núverandi og ráðandi i flokknum.  Hér væri aðeins formsatriði til að hespa af.

Ég veit ekkert um þessar fylkingar og hef litinn áhuga.

En. Ansans ári sem þetta lýðræði getur nú verið dyntótt.

Hallarbylting: Gunnari Smára bolað út, Sanna ósátt

Vantar bara betra bíó.

Ástæðan er einföld að mínu mati.  Það vantar betri bíómyndir. Gæðamyndir með "meira kjöt á beinunum" . 

Bransinn er breyttur.  Sjónvarpið og efnisveitur hafa nánast tekið yfir.  Þar eru stóru leikara nöfnin og öflugir framleiðendur í dag. 

Að sumu leyti er það miður og synd,   Auðvitað eru sjónvörp og skerpa heima í stofu margfalt betri en í gömlu túbusjónvörpunum. 

En upplifun á spennu og stórmyndum í fullum bíósal, fær ekkert toppað. 

500 milljón færri miðar seldir

Fyrst og fremst sorglegt.

Hver bendir á annan og enginn á neinn. 

Ending nýrra bygginga á Íslandi (án fáránlega mikils viðhalds) er að verða á pari við endingu torfbæja fyrr á öldum. Hættið að gera grín að þeim. 
Samt er ekkert til sparað í rándýrum byggingarefnum á okkar allsnægta  tímum.

Allur samanburður er auðvitað hlægilegur - en samt ekki. Maður er orðlaus yfir fúski í hönnun og frágangi í dag. 
Dapurlegur vitnisburður.  Þetta er líka þannig að rónarnir koma óorði á vínið.  Til eru enn

sem betur fer  - örfá verktakafyrirtæki með flekklausn feril i nýbyggingum.

Morgunljóst að þetta þarf ekki að vera svona.  Að setja almennileg þök (með halla) á húsin í upphafi væri góð byrjun.

Skólahúsnæðið entist aðeins í 22 ár

Megas

Ég var eitt sinn bílstjóri með vinum og endað var í skemmtistaðnum Klúbbnum í Reykjavík. Fjör og gleðin teyguð þar allt til að lokað var - með glas af vodka í kók, kláravín eða Bommerlunder í hönd. ( Nafninu á þessu þýska brennivíni var yfirleitt breytt í “ Félagslunder” í höfðið á besta félagsheimilinu).

Enn langt í að saklausari drykkur en fyrrgreindir spíra miðir væru til sölu á knæpum eða í Ríki. Bjór semsagt ófáanlegur.

Ég settist útí bíl, hinkraði eftir félögunum og kveikti á Rás 1. Viti menn hún var enn í gangi þó komið væri fram yfir miðnætti ! Var ekki Stefán Jón Hafstein byrjaður með nýjan þátt, “ Næturvaktin”. Algjört nýnæmi.
Á þessum tíma kvölds gast þú bara hlustað á Radio Luxemburg, BBC, eða Kanann ( á Keflavík herstöð) værir þú staddur í borginni.

Stefán skellti Megas undir nálina. Mig minnir kringum tímabilið “Drög að sjálfsmorði” . Ég fór einmitt á þá mögnuðu stórtónleika í hátíðarsal MH.
Það var ferlega erfitt að skilja skáldið á þessum árum. Hann eiginlega hálf hrækti orðunum útúr sér í sumum lögunum.
Stefán Jón kunni ráð við því;

Þetta var bálkur mikill og mörg erindi. Að hverju þeirra loknu kippti hann upp nálinni og stöðvaði flutninginn á laginu. Las síðan sjálfur textann (Megasar) með sinni háu skýru röddu. Lét síðan nálina rólega síga niður og áfram koll af kolli. Svínvirkaði.
Auðvitað kom þá í ljós ( þegar allt fór að skiljast) að jafnvel Jónas Hallgrímsson hefði verið fullsæmdur af stöku hendingum. Flutningur söngvaskáldsins var hinsvegar villtari en flest sem var villt á þessum árum. Það átti þó eftir að snarbatna hjá honum síðar á ferlinum.

Hann Megas náði því að verða áttræður í dag. Magnaður alveg, tímalínan og sum æfiskeiðin voru nefnilega ekki alltaf heilsusamleg. Mörg kveiktu á hæfileikum hans, en ekki öll. Einn af þeim var Kristján Eldjárn Þorgeirsson fyrrum bóndi í Skógsnesi. Fullorðinn og kominn úr allt annari deild sá Stjáni fljótt margt gott í hann spunnið og heillaðist mest af skáldinu og textasmiðnum Megasi. Hans kynslóð þótti nú yfirleitt ekki mikið til koma hjá þessum “krökkum” . Sbr. gríntexta Flosa Ólafs. ´”Það er svo geggjað að geta hneggjað. “

Megas er ekki allra , en margra.