Ryðguð möstur á Hellisheiði.

Ég átti leið um Hellisheiðina fyrir stuttu í mjög sólriku og fallegu veðri.  Þá tók ég eftir hve fallið hefur hressilega á raflínu möstrin sem krossa heiðina í allar áttir.

Þetta hefur greinilega snarversnað við nýju Hellisheiðarvirkjunina. Þar fær gufan og brennisteinsvetnið að blása óhamið út í buskann svo vel finnst fyrir vitum.      Reyndar er þetta svo mikið að fyrir íbúa í efstu hverfum Reykjavíkur verður meiri vinna en áður, að pússa silfrið fyrir jólin.

En það er líka greinilegt að möstrin þurfa viðhald innan ekki langs tíma því ryð getur skekkt burðarþol.     

Hljóðið í forsvarsmönnum Orkuveitunnar er hinsvegar þannig að gufan frá næstu orkuverum verður  hreinsuð og síuð svo nemur rúmum 90%.    Enda yrði annars vart fært akandi yfir heiðina nema með súrefnisgrímu.  Svo þétt munu næstu virkjanir standa.

En þessar áætlanir Orkuveitunnar gjörbreyta umhverfisvænleika virkjananna. Mistök að mínu mati að sleppa þessu óbeisluðu út sem fer í dag.    Þannig munu Hvergerðingar vart finna mikið fyrir Bitru virkjun ef hreinsun verður á þessum skala.

Vona hinsvegar að jarðfræðingarnir séu með á hreinu að ferskvatn spillist ekki þegar þessu djúpvatni er dælt aftur niður í jarðlögin.

 

Athugasemdir

[Ómar Bjarki Smárason, 6.12.2009 kl. 18:42]

Það er reyndar brennisteinsvetni en ekki ammóníak sem er að stríða okkur þarna og lyktar illa í nefi þegar ekið er um Hellisheiðina. En það er hörmung að sjá hvernig möstrin hafa verið og einhver hlýtur að bera ábyrgð á skemmdum mastranna....

[P.Valdimar Guðjónsson, 7.12.2009 kl. 11:17]

Rétt Ómar Bjarki, betra að hafa efnafræðina á hreinu.  En lyktin er svipuð frá mínu nefi fundið.