Tíðindi frá Dubai ?

Frétt RUV í dag um afleita skuldastöðu hjá olíufurstunum í Dubai er ekki traustvekjandi.

Þeir hafa fjárfest í helber flottheit og klikkun austur þar.  Þá hafa nú frændur vorir Norðmenn  verið hófstilltari og varkárari með sinn olíuauð.

 Sendi eftirfarandi í blogg um þetta málefni;  

"Nú verður Obama og co að gjöra svo vel að slá í klárinn. Setja enn aukinn kraft í framleiðslu annarra orkugjafa. Olían á stutt eftir í að klárast í þessum heimshluta og það er ekki eftir neinu að bíða. Breyting ökutækja og framleiðsla t.d. nýrra rafgeyma getur stutt við jákvæðan efnahagsbata standi þessi heimshluti framarlega í framleiðslu. Allavega galið að bíða nánast með hendur í skauti eftir síðasta olíudropanum austanað með efnahagskerfi heimsins samtengt olíuverði líkt og við öndunarvél. Jafnvel þó annað sé í boði.

Þessir olíufurstar hafa eytt eins og fábjánar margir hverjir í bruðl. Kann ekki góðri lukku að stýra."

Því miður eru olíulindir ekki eins og vatnsaflsvirkjanir sem enginn veit enn hve geta dugað lengi.  Flestar eru nefnilega enn í notkun þó sumar séu komnar á eða nálgist aðra öldina í aldri.      Nei olíulindir tæmast.  Svo einfalt er það.