Ný fréttaþjónusta mbl og skjá eins.

Þetta er ekki í fyrsta sinn sem eigendur Morgunblaðsins hafa velt fyrir sér útvíkkun. Faglega og fyrir vandaða fjölmiðlun er skaði að slíkt komst ekki í framkvæmd fyrr.  Þá set ég rekstrar og peningalega þáttinn alveg fyrir utan sviga.  Enginn veit hvernig úr slíku hefði spilast.  Ástæður þess að ekki var farið inn í Stöð 2 eða í aðra miðla við nokkur tækifæri síðustu tvo áratugi var að líkindum varfærni í rekstri. Eða að ekki var boðið nógu hátt.

Byggingarævintýrin síðustu árin og undirboð (láns) undirboð samkeppnisaðila eru síðan annar kapítuli.

En fyrir vandaða fréttaumfjöllun má etv. segja; betra seint en aldrei.   Ég segi þetta vegna þess að á blaðinu var gífurlegur mannauður, innsæi, tengsl við heimildarmenn, fréttanef og þekking.   Eftirá hefði verið kostur að geta nýtt þetta enn betur.

Margir góðir starfskraftar eru þar samt horfnir á braut.

En ekki veitir af vandaðri fréttaumfjöllun svo vonandi gengur samstarfið.