Sparifjáreigendur forréttindahópurinn.

Kreppan kreppir að mörgum í þessu þjóðfélagi.    Nokkuð sem flestir vita.

Einn hópur fólks er þó verndaður. Það eru sparifjáreigendur.  Af einhverjum ástæðum er talið nauðsynlegt að baktryggja þá lukkunnar pamfíla.   

 Öll mál hafa tvær hliðar og færa má fyrir því sterk rök að slíkt sé nauðsynlegt.  Að líkindum færi þessi hópur í fjármagnsheftu landi líkt og Íslandi, þá í að kaupa gull í stórum stíl.   Og grafa í jörðu.   Eða að gjaldeyrisbrask yrði þjóðaríþrótt.

En hvers vegna mulið er undir þann hóp, en ekki aðra, er vandskilið. 

Trúlega fara þeir sem skulda hóflega verst útúr ástandinu.  Úrræði eru fyrir þá sem sjá fram á vanskil með lán sín.     Hjá hinum hækka lánin og byrðin.

Mulið er hinsvegar undir sparifjáreigendur á hverjum degi með þessum óbreyttu okurvöxtum.  Enda er það trúlega hópurinn sem verslar hjólhýsi og fellihýsi í stórum stíl þessa dagana.

Athugasemdir

[Quo Vadis (IP-tala skráð) 11.8.2009 kl. 10:43]

Eitthvað hefur þú fengið þetta um bakfótinn eins og sagt er. Sparifjáreigendur (t.d. eldri borgarar) fá nú 4-5 % vexti á innistæðu p.a.
Verðbólga er nú 11-12 % p.a.
Sem sagt innistæður á sparireikningum minnka um 7% að verðgildi p.a.
Ég á hvorki hjólhýsi eða fellihýsi og það er búið að lækka lífeyrisgreiðslur til mín um 20%.
Reiknaðu betur.

[P.Valdimar Guðjónsson, 11.8.2009 kl. 23:05]

Ég skal viðurkenna það herra/frú Vadis að varasamt er að alhæfa.  Aðstæður eru misjafnar.

Þessi hópur er samt varinn.  Þannig að þið eruð heppin að því leyti.   Um það snýst náttúrulega Icesave m.a.    

Er ekki verðbólgan að lækka, svo er þessi íslenska uppfinning verðtrygging ennþá til staðar.