Alþingismenn standið í lappirnar.

Það þarf að leysa Icesave málið.

 Ætli séu ekki flestir sammála þessari fullyrðingu.  Óþreyjan er hinsvegar orðin svo mikil vegna þess að fólk hristir bara hausinn og telur þetta ekkert mál í stóra samhenginu eftir hrun.    Þetta er hættulegur hugsanagangur.

Nú reynir á Alþingismenn sem sjaldan áður.   Frasakliður frambjóðenda fyrir síðustu kosningar er nú  alvaran sjálf.  Semsagt sjálfstæði Alþingis gagnvart framkvæmdavaldinu.  Að samþykkja ekki allt möglunarlaust sem hrekkur af borðum ráðherra og stjórnkerfisins.  Að Alþingi sé annað en stimpilstofnun fyrir ráðuneytin.

Sigmundur Davíð var í viðtali á Rás 2.   Þó ég væri sammála honum sagði hann ekkert af viti !        Nú vil ég vita hvað er vandamálið á mannamáli, áður en þessi hálsól næstu áratuga fer í gegnum þingið.

Eða, ; hvaða fyrirvara Alþingismenn vilja setja til þess að þetta geti gegnið í gegn.

Mér er orðið skítsama þó ríkisstjórnin hafi staðið sig illa. Tæknilega sé hitt og þetta ekki í lagi og síðast en ekki síst innihald samningsins óaðgengilegt og lífsins ómögulegt fyrir fámenna þjóð að standa undir.     Allt þetta get ég kvittað undir.

Nú vil ég á umræðu stig hvað þarf að laga í samningnum.   Hvaða fyrirvara skal setja.

Alþingismönnum er engin vorkunn lengur.  Þeir eru búnir að fá tímann.  Allskyns spekinga og stofnanir með möt ýmiskonar.

Það er glatað að nota þetta mál í hefðbundið stjórnarandstöðu þras.  Slíkt er lúxus vandamál miðað við þessi ósköp.

Upp á borðið hvernig ásættanlegur samningur gæti litið út.