Fólkið er gott. Fíklar eru vandmálið.

Besta og versta uppgötvunin í mannheimum var líklega þegar við þessi með "stærsta" heilann fórum að fikta með jurtir.  Síðar efni ýmiskonar.  Tókum til við að  þróa áfram örvandi og létandi lyf.   Veit ekki alveg hvort kom fyrst.   Nautnin við að  anda að sér reyk plöntu,  éta hana.    Eða leitin að lækninga jurtum.

Allavega leið ekki á löngu eftir að einhver forvitinn fiktarinn fann á sjálfum sér líkn við verkjum, tilþrifa ofskynjun eða góðglöð þægilegheita hughrif...           Að fyrsti fíkillinn varð til.

En þetta er afmarkað vandamál sem vissulega er stórt og víða harmleikur.

Síðan höfum við þessi "vitru" í mannheimum  nokkurn veginn náð að misnota allt sem við höfum sjálf búið til.  Eða náttúran fært okkur.       Samt vel að merkja aðeins hluti okkar.   Ekki öll.

En þegar fíklar  eru komnir í hluti sem skipta okkur öll máli í nútíma samfélagi, þá sitjum við öll líkt og flugurnar í sömu súpunni í sömu skálinni.       Nokkurn veginn þannig er komið fyrir íslensku þjóðinni nú í fjármálum

Gróða og græðgifíklar reyndust þegar allt kom til alls hættulegastir.      En við eltum efnasjúklingana og handtökum þá alla daga.    Og setjum Lalla Johns á Litla-Hraun fyrir að hringja á leigubíl.   (Gerði reyndar húsráðanda bilt við skiljanlega)

Ég held að hægt sé að mis og ofnota nokkurn veginn allt.   Neftóbak, bíla, hús,báta,peninga,ímynd,útlit,lyf, brennivín, vín,sígarettur og svo áfram meðan hugarflug er til.

Vonandi lærum við samt það núna af þessu öllu saman að engin takmörk eru fyrir því sem hægt er að misnota og ofnota.    "Greed is good", var sagt í frægri bíómynd fyrir uþb. 25 árum.   Af snobbskap og oftrú á markaðinn var þessu sjónarmiði með "gæði"græðginnar í fjármálum haldið á lofti.  Jafnvel lofað alltof lengi.

Fólk er samt gott.   Fíkn er brenglun.  Hliðrun við normið  sem enginn læknar nema fíkillinn viðurkenni sinn veikleika.

Græðgin er líka ein af erfðasyndunum svo að snemma áttuðu menn sig á göllum og stundum skelfilegum afleiðingum hennar.