Ameríkanar.

Hér hafa dvalið síðasta hálfan mánuð tvær amerískar blómarósir tvítugar að aldri.   Þær heita Erin sem kemur frá Colorado og Margret sem býr í New York fylki nokkuð frá borginni. 

 Þetta eru skemmtilegar og klárar stelpur sem Gréta kynntist í spænskunámi i Sevilla.   Nú eru þær orðnar   Gaulverja og Íslands vinir að mér sýnist.     Að nokkru leyti endurupplifir maður eigið land þegar verið er að sýna og kynna útlendingum landið. 

Oh my god ! ! !    ; sagði Erin þegar hún fékk sviðakjammann á diskinn, en hún borðað hann allan  og það kalla ég gott.   Hún er til i að prófa allt og hefur ekki hikstað á neinu ennþá.

Margret  er hinsvegar grænmetisæta og þá þarf varla að segja meira.  Hún er hinsvegar ánægð með íslenska grænmetið og gefur því hæstu einkunn.

Kanarnir rúlla sérkennilega á errunum með sínum syngjandi hreim.    Skemmtilegur misskilningur var þegar Maggie var sagt frá   "grænmetisætunni"  sem var úti í fjósi að fangskoða kvígurnar og framkalla beiðsli.    Hún varð eitt spurningamerki í framan.   Veterinarian (dýralæknir) og Vegetarian  urðu eitthvað lík í framburði hér á bænum og þessum skemmtilega misskilningi í kjölfarið.

Erin var sagt að Stína starfaði sem "rafall".  Þótti henni það skrýtið.  En orðin "generator"  og "janitor" (húsvörður) eru  nokkuð áþekk í framburði á kanavísu.Þær eru mjög áhugasamar um matinn og úr hverju sósurnar eru sem í boði eru.    Maggie spurði um eina gerðina og Gréta sagði henni að þetta væri mayones.         Hún var nokkuð hissa á svipinn en sagði lítið.    Þegar við spurðum hana hví hún væri svona hissa svaraði hún.    "Ég skil ekki hvers vegna hún sagði "my own ass"  þegar ég spurði.           Ekki þarf að geta þess að þá  sprungum við hressilega úr hlátri við eldhúsborðið.

Athugasemdir

[Ólöf Ól. (IP-tala skráð) 18.6.2009 kl. 11:17]

þetta er bara yndislegt, lífgar svo sannarlega upp á tilveruna. Bestu kveðjur til ykkar úr Hrútó.