Glöggt gests augað Mats.

Hinum lífsreynda Mats Josefson er farið að blöskra stjórnarfarið á Íslandi.

Enn sem komið er virkar þessi ríkisstjórn ákvarðanafælin.  Hún er lafhrædd við viðbrögð almennings og þrýstihópa við óhjákvæmilegum niðurskurði í ríkiskerfinu.

Jóhanna Sigurðardóttir vill ekkert af fjármálum landsins vita að því er virðist.  Einu tillögurnar sem liggja frammi eru um að allt sem lýtur að efnahagsmálum landsins fari úr hennar höndum.  Yfir í spánýtt ráðuneyti efnahagsmála.  Ég hef efasemdir um slíkt.   Sá eða sú sem stýrir þjóðarskútunni í hvert sinn verður að hafa tilfinningu fyrir rekstri.  Útgjöldum og innkomu.   Jóhanna er án efa hin mætasta kona.   En hún er greinilega lítill verkstjóri og hefur takmarkað innsæi.  Grípur á lofti það sem rætt er í dægurumræðu í það og það skiptið.    Sumt getur verið þarft, en örugglega fæst mál.  

Jóhanna er ráðherra félagsþjónustu og ber umhyggju fyrir okkar minnstu bræðrum og systrum fyrir brjósti.  Það er göfugt.     En alls ekki nægjanlegt þegar horfa þarf í allar áttir og hafa 360 gráðu sýn við að rétta kúrs þjóðarskútunnar.       Sú víðsýni er ekki fyrir hendi enn sem komið er.

Mats þessi ku lífsreyndur.  Hefur komið að mörgum bankakreppum.  Var hinsvegar á leið á eftirlaun þegar hann lét tilleiðast að leiðbeina ráðvilltri fyrrum ríkustu þjóð heims.  Sem er með timburmenn eftir fyllerí.   Afleiðingar stór fyllerís sem aðeins örfá prósent landsmanna datt í .