Vorverkin búin.?

Nei ,það er nú ekki svo gott.   Verður líklega seint þannig í kúabúskap.

Er samt ánægður með stöðuna á þessum tímapunkti 24.maí. Búinn að dreifa áburði, lífrænum og hinsegin. Einnig búinn að sá í tæplega 7 hektara spildur rýgresi, fóðurkáli og grasfræi.   Það er búið að viðra vel á þetta undanfarið.  Aldrei þessu vant verður tími til að kikka aðeins á girðingar áður en heyskapur byrjar.  Þarf að koma upp rafmagnsgirðingu hér niður í Vöðlakoti svo nóg er framundan.  Flýtti þó fyrir með því að rífa þá gömlu upp í desember í þíðu og blíðviðri.

Pumpan hefur verið að stríða mér undanfarið svo þrekið er ekki alveg eins og í gamla daga.  En það er ekki nýtt.

Þessi mynd er tekin upp við Eilífsskjól.  Þar er spilda í þurru og þægilegu mólendi sem ég er með tæpa nokkra hektara í rýgresi sem kýrnar eru sólgnar í.   Þetta er úr landi Syðri- Gegnishóla en Ari frændi minn keypt þarna 30 ha. lands og kallar þetta Birkiland.  Ég nýt góðs af en hann fær hey í hesta sína í staðinn.