Kvótakerfið lestir og kostir.

Það spannst umræða um kvótakerfið í sjávarútvegnum og fýsileika þess að stíga inn í ESB klúbbaríkjabandalagið.

Skyldi eftir þetta á blogginu hjá Halldóri Jónssyni.;

 

 

Já, en hvaða stefnu á að "presentera"færum við inn í sæluríkið ESB...?

Er það stefnan sem hefur  ríkt í sjávarútvegnum síðustu rúma tvo áratugi.?   Með þeim árangri að æðstukoppar þar innan ríkis horfa vonaraugum á íslenska kerfið og árangurinn við stjórnun fiskveiða.

Eða er það óljósar og lítt ígrundaðar hugmyndir þeirrra sem klifa á því að fyrrgreint stjórnkerfi fiskveiða sé handónýtt.

Þar stangast eitt sérkennilega á annars horn. Jú, fyrrgreint stjórnkerfi að sögn  handónýtt og hefur engum árangri skilað við verndun fiskistofna.   Samt er því haldi fram að nóg sé til af  þorski í sjónum og að hægt sé að auka veiðar í þeim stofni um allt að 100 þús. tonn !  (ein af kosningahugmyndum Frjálslyndaflokksins).

Ef fyrrgreint kerfi er að skila okkur árangri, jafnvel með stækkun fiskistofna.  Gott ef satt er.  Já ef svo er; þarf enginn að halda að við getum haldið þeim stofnum útaf fyrir okkur si svona á galopnum innri markaði værum við komin inn í ESB.

2.

 

 

Guðbjörn.    Ég er sammála þér með þessa vankanta á kerfinu sem þú bendir á.  Að geta leigt sinn rétt og haft það "næs" á meðan var frá upphafi bull.    Jú, jú útvaldir fengu í upphafi.   En þá var þetta skerðing en ekki hlunnindi.  Byggt á veiðireynslu sem þá var, ef ég man rétt.   Hvernig svosem startið hefði verið framkvæmt, hefði það alltaf verið umdeilt. Hagkvæmnin felst í því að þeir veiða sem kunna og framkvæma á hagkvæman hátt.     Það hefði hinsvegar mátt gera hærra undir höfði byggða kvóta og framkvæmd veiðileyfagjalds af hálfu stjórnvalda.

Þrátt fyrir allt dómsdagsrausið og stóryrðin um handónýtt kerfi, þá er aðallega tvennt sem ESB horfir til hér með öfundaraugum..

Þokkalega góð staða fiskistofna þrátt fyrir allt.    Reyndar miklu betri en í því stjórnkerfi sem notað er meðal ESB þjóða.

Stærð fiskiskipaflotans á Íslandi.   Hún er miklu "réttara stillt" hér heldur en hjá ESB.

Ég endurtek að þetta er ekki gallalaust hjá okkur. Það einfaldlega verður það aldrei meðan þarf að takmarka sókn.

Það er rétt hjá Haraldi að hagsmunir fiskseljenda og fiskkaupenda við samningaborð ESB eru mjög öndverðir.  (Þar eru Íslendingar í afskaplega "stórum" minnihluta)