Nú? Láta blaðamenn stjórnast af eigendum.

Heyrði merkilega umræðu í Speglinum á Rás 1 nú í kvöld.

Birgir Guðmundsson  og Þóra Kristín Ásgeirsdóttir voru fyrir svörum.   Umsjónarmaður birti tvö dæmi um efnistök fréttamanna, annars vegar á STÖÐ 2 og Sjónvarpinu hinsvegar.  Fréttin fjallaði um uppsagnir starfsmanna á Skjá Einum fyrir nokkru og mismun á því hvernig fréttamenn þessara stöðva "tækluðu" þessa frétt og á hvern hátt þeir fjölluðu um hana.

Kom skemmtilega á óvart hve inngangur fréttamanns í þessari umfjöllun var vandaður.  Það voru síðan tekin raunveruleg dæmi með hljóðupptöku af gamalli frétt.    Frétt "einka" miðilsins lagði áherslu á samúð með  stöðu "frjálsa" vinarins og hve þeir stæðu í skugganum af stóru bróður með afnotagjöldin og allan þann pakka. 

 Hinir ágætu en misgóðu pistlahöfundar Spegilsins láta sér yfirleitt nægja að "fabúlera" um hlutina en birta ekkert alltaf konkret dæmi þegar þeir fjalla um viðkvæm mál.

Það sem vakti samt mesta athygli mína var að Birgir og Kristín viðurkenndu bæði að fjölmiðlamenn og blaðamenn drægju stundum dám af eigendum sínu í fréttaumfjöllun.    Ef ekki meðvitað þá ómeðvitað oft á tíðum.

Þegar fjölmiðlalögin frægu voru í brennidepli hér um árið var þrætt fyrir þetta  trekk i trekk.  Fjölda blaða og fréttamanna þótti að sér vegið og starfsheiðri sínum.   Sérstaklega voru og eru starfsmenn 365 miðlanna viðkvæmir fyrir þessu.

Nú er þetta greinilega breytt.