Stjórnarmyndun.

Umræður að loknum kosningum með forsvarsmönnum flokkanna var illskiljanleg.

Hún fjallaði um ESB en ekki efnahagsmál.  Þær fjölluðu ekki um þá ótrúlegu stöðu sem fjármál ríkis,bankakerfis og heimila þessa lands eru stödd í. 

Framlenging næstu ríkisstjórnar hlýtur að snúast um hvernig á að framfylgja plani Alþjóða Gjaldeyrissjóðsins.    Glöggir hafa bent á  að sænska kreppan fyrir rúmum 15 árum var hjóm í samanburði við ástandið á Íslandi.         Að ná halla fjárlaga niður á þrem árum er risavaxið verkefni.  Stórþjóðirnar leggja ekki í það á jafn skömmum tíma, en örþjóð skuldum vafin er ætlað slíkt blóðugt verkefni.

Hlaup kattanna kringum heita grautinn eru óskiljanleg í núverandi stöðu.    Það er núna vissulega þetta spennu / spennufall sem fylgir í kjölfar kosninga.     En ég hélt að í dag færu menn að opna augun og ræða vandann.  

Gestur Egils í Silfrinu tæklaði málið frábærlega í fáum orðum, en gallinn var sá að alla setti hljóða.  Stjórnmálamenn geta ekki rætt svo alvarleg mál að þá setji hljóða.   Það kemur illa við flugmælska kjaftaska.