Segið sannleikann fyrir kosningar.

Kosningar voru ekki það sem Íslendingar þurftu mest á að halda í dag.   Glöggt er líka gests augað hjá fulltrúum AGS fyrir sem hér dvelja.   Greiðslum í ríkissjóð var frestað vegna óvissu í stjórnmálum og vegna þess að ekkert er að gerast og ekkert er ákveðið hvernig brúa skala fjárlagagatið næstu árin.

Stjórnmálamenn og konur.   Segið okkur hvernig dæmið lýtur út næstu árin.   Ég veit að það er ekki glæsilegt.    Ég veit líka að þeir sem höfðu tærnar inni á Alþingi fyrir fall bankanna (og vita best)  skirrast við að segja óþægilegan sannleikann.   Fyrir kosningar.

Eftir helgina mun þetta allt breytast.   Þá fyrst , þegar þingsætið er tryggt, mun verða talað út.     Og það verður ekkert fagnaðarerindi.

En nú er allt hefðbundið sem frá flokkunum kemur. Rykið er dustað af gömlum loforðarullum.  Það gerir fólk ráðvillt í afstöðu sinni vegna þess að almenningur finnur nú þegar á eigin skinni að fátt er eins og  það var.

Kannski er maður svona ferlega neikvæður, en vandamálið nú er að allt tekjufall ríkissjóðs er eftir.  Bæði í neyslusköttum og skatttekjum.  

Sannleikurinn mun koma í ljós.   En ekki fyrir þessa kosningahelgi. Það er ljóst.