Enn og aftur krónubréfin

http://valdimarg.blog.is/blog/valdimarg/entry/715128

Færði ofangreinda  færslu inn um krónu og jöklabréfin í nóvember að mig minnir.  Ekkert hefur breyst síðan þá og margt nú að koma á daginn.

 Það verður engin sannfærandi endurræsing í íslenskum fjármálum með þetta óþolinmóða erlenda fé hér í kerfinu sem leitar út.     Vaxtahæðir hérlendis valda því að borga þarf himinháan fjölda milljarða króna útúr landinu með nokkurra vikna millibili til þeirra sem eiga þetta fé, bara í vaxtagreiðslur.

Ein leiðin væri líka að leita þessa eigendur upp og reyna samningaleið. Fá eigendur til að fjárfesta hér.  Finna út í eitt skipti fyrir öll hverjir þessir huldumenn eru.  Eru kannski kunnugleg nöfn þarna á bakvið?  Spyr sá sem ekki veit.  Kannski eru sum þeirra íslensk? En einhvern tímanna var sagt...  þetta endar alltaf á Finni Ingólfssyni!

Ekki veit ég.   En ég spyr hinsvegar.  Hvar er allt þetta erlenda fjármagn sem alltaf var verið að tala. um?   Eru það bara þessi krónu og jöklabréf sem komu hingað inn vegna lágmyntarbrasks?

Mér sýnist að þetta hafi allt verið meira og minna hringtengingar rammíslenskra braskara sem toguðu í skottið á hvor öðrum.  Og keyptu í hvor öðrum fyrir lánsfé.  Allt annað var orðum aukið.  Fáum leist á fjármála og fyrirtækja umhverfið hér og undirstöður þess í einkageiranum.  Sem engum einasta Íslendingi þykir skrýtið í dag.  En þótti það "öfund" fyrir tveim árum.   Ástæður þess var stanslaus áróður.  Að mestu knúinn áfram af fjölmiðlum sem voru í eigu þessara  sömu braskara.   Þetta var allt svo frábært.    Mörg okkar keyptum þetta.   Og flest okkar eyddu með.