Brauðið dýra.

Bónus verslanir spruttu uppúr atvinnuleysi.  Svo kannski felast "tækifæri" í því ástandi.    Jóhannesi var sagt upp hjá SS sem þá stóð í verslanarekstri.  Stóð uppi atvinnulaus og stofnaði fyrstu búðina.

Í einhverjum tilvikum náðu þeir niður vöruverð. Stundum til hagsbóta fyrir neytendur, en oft með því að stíga á tær og "tábrjóta aðra".

Það þarf sterk bein til að höndla mikla veltu.   Voðalega fáir Íslendingar hafa haft slíkt í sér til þessa dags.   Hver um annan þveran létu athafnamenn græðgina bera sig ofurliði síðustu árin.

Á einhverjum tímapunkti voru þeir Bónus feðgar ef til vill á við kjarabót í kjarasamningum.    En ef gjaldþrot Baugs endar á þann veginn að tugi til hundruð milljarða króna þarf að afskrifa á kostnað almennings í þessu landi.    Ja, þá verður brauðið orðið dýrt þegar upp er staðið.