Ný nöfn á banka.

Þetta voru ekki frumlegar nafngiftir sem notaðar voru þegar nýir bankar risu fyrir hvern hinna þriggja sem hrundu.

Landsbanki og nýi Landsbanki.   Algerlega óskyld fyrirtæk, eða svo á að vera. Gamli bankinn er þrotabú.  En þannig er þetta ekki í hugum fólks.  Allir tengja þetta saman enda staðsetningar útibúa óbreyttar og kappkostað  að klink þjónustan rúlli áfram.  Samt er það í raun hálfgerður plat leikur.   Stærri fyrirtæki og meðalstór fá litla sem enga þjónustu enda fjárráð takmörkuð. Hvað þá ný fyrirtæki.

Ég tel að réttast væri að stofna einn banka í staðinn fyrir þrjá.  Slíkt er alveg nóg við núverandi aðstæður og mun ódýrara fyrir núverandi eigendur sem eru við hin blönku Jón og Gunna.  Finna á þennan banka nýtt nafn alls óskylt hinum gömlu.   Látum þá Sparisjóðina sprikla með og vonandi ná þeir  að þreyja Þorrann og góuna.

Horfumst bara í augu við staðreyndir.  Hér verður ríkisbúskapur næstu árin.  Mjög takmörkuð peninga velta ef ekkert gerist varðandi erlenda fjárfestingu inn í landið.    Því er einn ríkisbanki nóg fyrir ekki fleiri sálir.

Þegar við réttum úr kútnum ætti að fjölga bönkum sé til þess vilji hjá innlendum eða erlendum fjárfestum. Einnig að selja ríkisbankann til einhvers sem hefur skynsemi og jarðsamband til að bera.