Mótmælendur.

Það verður aðeins að skilgreina betur mótmæli almennings gegn "ástandinu" í þjóðfélaginu og stjórnvöldum.

Friðsöm mótmæli og ofbeldisfull mótmæli.   Það er verulegur munur þar á.    Ég fullyrði að þetta síðarnefnda á lítinn hljómgrunn meðal almennings.      Lögreglan hefur staðið sig vel í mótmælum eftir bankahrun.    Þeim voru aðeins mislagðar hendur þegar laganna verðir áttu við vörubílstjórana á bensínstöðinni á vordögum.    Þar var eitthvað klúður í gangi. 

En er hægt að álasa þessum ungmennum með klúta um munninn.    Það er nánast hvatt til mótmæla og flestu formælt í kerfinu.  Er nema von að óharðnað og ómótað fólk með smá uppreisnaranda láti til skarar skríða?     Varla.    En við verðum að beina aðfinnslum og mótmælum í réttan farveg.  Með sama áframhaldi endar þetta með slysum eða þaðan af verra.    Skiljanlegri óánægju og réttlátri reiði  almennings má hinsvegar vel koma til skila án  ofbeldis.    Það meiga "leikstjórarnir" alveg benda á, og þessvegna fordæma ef gengið er of langt.

Mér fannst nú að Forsetinn hefði alveg mátt benda á þetta í ávarpi sínu.  En nú ætlar hann greinilega að koma sér í mjúkinn hjá mótmælendum.   Ég get ekki skilið orð hans öðruvísi. Hentar ekki alveg í augnablikinu að koma sér í mjúkinn hjá bankamönnum og "viðskipta víkingum".