Dýrt að keyra í stopp.

Það sem gerir hlutina erfiða fyrir alla er trúlega fjárlagahallinn 2009 og 2010.    Enn verri seinna árið því hér er svo margt að fara í frost og atvinnuleysi.   Svo virðist sem keyra eigi okkur almenning alveg niður með kinnina í jörðina áður en upprisan hefst.

Við munum eftir þegar Davíð var að telja kjarkinn í þjóðina hér um árið og talaði um betri ár framundan eftir eina dýfuna.  Fáir trúðu honum og Sigmund settu á hann sólgleraugu sem fóru ekki af honum árum saman.    Þegar verður búið að keyra okkur alveg á botninn byrjar eflaust aftur þessi bjartsýnissöngur stjórnvalda.  Það verður fróðlegt að sjá hvort við fáum sömu peningalegu örvun og þeir í Bandaríkjunum og víða í Evrópu  nota.  Vextir jafnvel komnir niður undir 0%.

Tekjustreymið í ríkiskassann er hinsvegar lítið á meðan.   Þar streymdu  inn stórar upphæðir síðustu ár, en það var mest byggt á neysluhyggju og lánsæri. 

Framleiðsla alvöru verðmæta er því það sem skiptir máli nú. Ekki peningalegar sjónhverfingar, afleiðu og krosseignaviðskipti sem vel að merkja enginn virðist hafa skilið nema gerendur.     Fyrst nú eru yfirvöld, m.a. þeir hjá skattinum farnir að viðurkenna og tala um hvílíkt bull var hér á ferð.

En svona raus á varla rétt á sér öllu lengur.  Þjóðin þarf að gleyma þessu um sinn yfir hátíðar þó ekki væri nema til að halda geðheilbrigði.

Athugasemdir

[Diesel, 21.12.2008 kl. 12:14]

Já, dýrt verður stoppið. Þökk sé IMF þá verðum við auðlindalaus eftir u.þ.b 3-4 ár. Enginn hefur gefið sér tíma í að skoða hvað IMF hefur gert þeim löndum sem hann hefur verið að "aðstoða"

kíkið á þessa grein

[Hörður Þórðarson, 23.12.2008 kl. 22:54]

Íslendingar sögðu nei við ESB en já við IMF...