Jólatréð.

Við höfum alltaf verið frekar nægjusöm hér hvað varða jólatré.    Vorum lengi vel með lítið gervitré frá foreldrum mínum sem ég ólst upp með.    Keyptum síðar aðeins stærra tré sem var orðið líkara grenitré svo varla má greina muninn úr fjarlægð.

Mér hefur alltaf þótt umhverfisvænna að notast við "endurvinnanlegt" jólatré en ég geri mér ljóst að margir eru mér ósammála.

Dagný yngsta dóttirin vann þetta forláta íslenska stafafurutré á Bingói nú fyrir jólin svo það er útlit fyrir alvöru lifandi tré á þriðja meter þetta árið til tilbreytingar.

 Eitt sagðist Dagný samt þurfa að gera.     Það er að taka upp gamla tréð úr kassanum og  teyga plastlyktina af því !  Það finnst henni tilheyra á Þorláksmessu.

Svona verða hefðirnar til.