Virkni Alþingismanna.

Það er eiginlega skylduhlustun ef einhver missti af viðtali við Eirík Tómasson lögmann í Speglinum á RÚV.  

Uppleggið í viðtalinu var um bankaleynd og lög því tilheyrandi.  Eiríkur ræddi slíkt, en samtalið þróaðist síðan í umfjöllun um störf  vinnulag og skyldur Alþingismanna.

Afskaplega áhugavert og ég er hjartanlega sammála Eiríki.

Linkurinn er hérna.  http://dagskra.ruv.is/streaming/ras1/?file=4450827

Svo virðist sem Alþingismenn séu afar óvirkir og tvístígandi um hlutverk sitt.    Þeir bíða eftir hvaða molar hrökkva af borðum framkvæmdavaldsins fram eftir þingtímabilum fyrir og eftir áramót.    Að því er virðist nánast með hendur í skauti þangað til jólafastan eða góan nálgast.      Síðan andstuttir og málglaðir yfirleitt í tímaþröng að afgreiða á færibandi eða setja lög um hin og þessi þjóðþrifamál.