Ekki sjálfstæð í bili.

Vaxtahækkun Seðlabankans  var algjört kjaftshögg! 

En svona var greinilega díllinn við Alþjóða gjaldeyrissjóðinn í bland.  Sitjum upp með að vera ekki fullkomlega sjálfstæð í peningamálum næstu árin.    Ég ætla rétt að  vona að þessi gjörningur styrki gengið, en það var víst hugsunin með þessu.       Allavega ekki að slá á þenslu lengur. Svo mikið er víst.

Lóa Pind Aldísardóttir fréttamaður á Stöð 2 er einn sá litaðasti á landinu.    Þó einhverjum sé illa við Davíð Oddsson er ekkert við því að gera.   Hann hefur alltaf verið óvæginn og afstaða til hans litast af því.   Hve Davíð fer mikið í taugarnar  á þessu fréttamanni er hinsvegar varla fyndið lengur.

 Grein Einar Más skálds í Morgunblaðinu  28.október var mjög beitt og upplýsandi með háði í bland.   Hann kom víða við í greiningu  útrásar og rugls fyrrverandi óskabarna þjóðarinnar.     Einar kom hinsvegar inná hve  persónuhlutgerving þeirra vandamála sem við stöndum frammi fyrir ruglar alla umræðu.    Einnig minntist hann á það illa hlutskipti  að vera nauðbeygður að greiða  skuldir fjárglæframanna.       Ég man að annar kall minntist einnig á þetta sama um daginn.