Sigling næstu árin.

Sendi eftirfarandi línu á spjallsvæði;

Get nefnt dæmi um fyrirtæki og stofnanir á Íslandi sem standa af sér ósköpin. Sparisjóður norður í Þingeyjarsýslu og Kaupfélag í Skagafirði. Hljómar eflaust hallærislega. Ástæðan? Stóðu fyrir utan bóluna. Munaði víst tæpu ári að Borgfirðingar kæmu líkt sterkir út. Hvað klikkaði? Ungir hvítflibbabankadrengir freistuðust að eyða í bréf.

Hvernig siglum við í gegnum alþjóðakreppu næstu árin? Með því að treysta á íslensk gildi og þær auðlindir sem við höfum. Gleymum ekki að margar af okkar auðlindum eru ágætlega virkjaðar nú þegar og á hagkvæman hátt. Fiskimiðin, landið með öflugum landbúnaði, fallvötn og gufuafl. Þetta er semsagt til staðar og getur framfleitt þjóðinni harðni enn á dal. Orkan veitir tækifæri og auðvitað eru þau ekkert múlbundin við ál.

Harðni þessi alþjóðakreppa er ekkert annað í stöðunni en rekstur þjóðarbúsins líkt og hjá Þingeyingum og Skagfirðingum. Hversu hallærislegt sem það hljómar. Semsagt treysta á þá sjálfbærni sem möguleg er.