Fréttamenn RUV. Val á viðmælendum.

Mér þykja fréttamenn RUV ekki alltaf vanda val á viðmælendum. Þegar kemur að efnahagsmálum og við þær aðstæður sem við lifum í dag þurfa menn að vita sæmilega hvað þeir eru að tala um.

Þetta með efnahagsástandið.  Mér blöskrar sumt sem menntaðir hagfræðingar segja.

Haft var eftir einum sprenglærðum, (skiptir ekki öllu máli hvað hann heitir) við virtan háskóla að skattleggja ætti almenning á Íslandi eigi síðar en strax um 2000 milljarða !     Nota ætti síðan féð í að styrkja gjaldeyrisforðann.

Góðan daginn...    Hvurslags er.? Þetta eru öll greidd laun vinnandi fólks á Íslandi um langt tímabil ! Það er ekki hægt að bera hvaða vitleysu sem er á borð fyrir okkur.   Enda hef ég ekki heyrt nokkurn mann taka undir þetta síðan.

Í samdrætti og kreppu eru risa skattahækkanir varla málið.  Þá þarf örvun sem er þá frekar í formi skattalækkana.    

Hinsvegar var einn kunningi minn með ágæta tillögu;    Gengið væri einfaldlega tengt viðskiptahallanum.   Þannig að ef almenningur hagaði sér eins og vitleysingar í fjárfestingum biti það beint í skottið aftur.  Örugglega margar hugmyndir "beturvitringa"  verri en þessi nú um stundir.