Partí endir.

Sigrún Davíðsdóttir fréttaritari  RUV í London er skemmtilegur og glöggur penni.

Hún var að rifja upp í kvöldfréttunum hvenær fór að halla undan í góðæri hins vestræna heims og dagsetti það fyrir á að giska ári síðan nú.     Allir voru samt í afneitun lengi framan af og bankar þvertóku fyrir að nokkur slaki væri framundan.

Sigrún orðaði síðan samlíkingu skemmtilega.    " Þetta var eins og í unglingapartýi sem er að ná hámarki í gleðinni og allir fríka út.  Nirðirnir (Nördarnir)  eru samt alltaf að segja að foreldrarnir geti komið heim hvenær sem er og þá sé partýið búið!  En enginn hlustar.

Þannig var það líka þegar gleðin og fjárfestingaræðið stóð sem hæst.  Margir vöruðu við að þetta gæti ekki gengið endalaust.