Lausnir í kreppunni?

Það var hreinlega hálf vandræðaleg umræða í  Kastljósi í gærkvöldi.   Bjarni Ben og Ögmundur Vinstri Grænn voru í spjalli hjá Sigmari.

Ég er engu nær.  Setti að manni hálfgerðan aulahroll líkt og þegar Ingibjörg Sólrún ræddi þessi mál um daginn. Að öllu eðlilegu hefði eitthvað örlítið vitrænt átt að koma út þegar fulltrúar Þessara andstæðu póla í íslenskum stjórnmálum setjast að spjalli.   Þeir töluðu báðir í hringi. Vildu hvorugur opna eða loka á neitt (m.a.s Ögmundur)       Niðurstaðan;  Stjórnmálamenn eru ráðalausir.Hvar sem þeir annars standa.  Punktur.

Það er í raun afleitt því það elur af sér lausung, misvitrir spekingar í öllum hornum spretta fram og þykjast vita best.

Vandamálið hér er ekki þessi alþjóðlega kreppa meira en annarsstaðar.    Hringinn um þessa jarðarkringlu okkar er verið að blóta okur olíuverði, hækkun lífsnauðsynja og matvæla.  Slíkt er sameiginleg krísa í heimsþorpinu.

Málið hér eru fráleitir vextir og peningamálastefnan.  Þetta er ekki í lagi. Afneitun er engum til góðs. Bankarnar hér eru ekki í neinum vanda heldur raka til sín gróða.