Tungumálið spænska.

Að læra tungumál er eins og að hjóla.   Þetta virðist vera þarna í heilaberkinum vistað einhversstaðar. 

Ég er hissa hvað tókst að bjarga sér í borginni Barcelona á máli innfæddra. Sumt hélt ég að væri löngu horfið. Við leigubílstjórinn  á leiðinni á hótelið af flugvellinum gátum spjallað töluvert.    Sagði honum frá stúdíu þessa tungumáls fyrir tæpum 30 árum.   Honum fannst það athyglisvert.  Og auðvitað líka er ég sagði honum að ég væri frá Íslandi.   "Hace frío , no?   Ég gat ekki neitað því að stundum væri kalt.  "Bueno economía,no?  Ég játaði því bara líka, að efnahagsástandið væri nokkuð gott, hvar sem hann hafði nú frétt það.

Þetta var svolítið ryðgað af stað, en liðkaðist furðanlega þess fáu daga.   Maður kom stundum frá sér nokkuð réttri setningu, en þá héldu Spánverjarnir eflaust að maður kynni meira en raunin var því þeir svöruðu þá alveg eins og hríðskotabyssur. Töluðu hratt og komu inná ýmislegt.  Þá vandaðist nú stundum  málið með skilninginn.

Stúderaði frönsku og spænsku á sínum tíma. Fjóra vetur.    Þetta eru um margt lík mál, enda rómönsk bæði, en framburðurinn gjörólíkur.  Manni hættir stundum til að rugla saman stöku orðum.  Afgreiðslustúlkan í lobbýi hótelsins skyldi mig samt alveg.   Hún sagðist koma frá Haíti. Þar sagði hún töluð spænska og franska jöfnum höndum.  Katalónskan á Spáni er nær frönskunni að hennar sögn.  Mörg orð nánast alveg eins.

Ranna systir heilsaði innfæddum eitthvert skiptið með Buon giorno! (góðan daginn)  uppá ítölsku.  Kvaðst hafa fengið vandlætingar augnagráð.    Eflaust komið upp í Spánverjunum hrepparígurinn.  Tala spænsku hér. (eða heimsmálið ensku)