Barcelona

Það var þokkaleg heyskapartíð í Barcelona.   

Reyndar gerði skúri á nóttunni fyrstu tvær næturnar, en létti vel til seinni partinn.  Síðasta daginn 30 maí var síðan brakandi þurrkur og stefndi í hellings hita er við flugum heim kl.14.30

Það voru engir gosbrunnar pissandi vegna vatnsskorts sem verið hefur í borginni síðustu mánuði.

Þetta er skemmtileg borg og falleg.  Mjög snyrtileg.  Ég segi kannski ekki að að varla hafi sést rusl, en t.d. ekki gangstétta tyggjóslummurnar líkt og hér.    Spánverjar eru ágætir hönnuðir og arkitektar.   Það er samræmi í hlutunum, ekki sama kaos  og tískubylgju áráttan og hérlendis.

Og hugsað stórt.  Kirkjan Sagrada Familia er orðið fyrirbæri með sjálfstætt líf.   Hvílík stærð, hæð og lögun.   Bygging hennar hófst árið   1882 og er enn á fullu.     Það hefur eflaust tekið í á þessu tímabili en varla lengur.  Það er þvílíkur straumur ferðafólks að skoða ósköpin að það ku standa undir byggingakostnaði en tekið talsvert gjald fyrir.

Einnig fórum við uppí fjöllin að hinu mikla klaustri Monteserat.   Bygging þess hófst uppúr árinu 790 svo þessar byggingar hafa ekki allar verið hristar framúr erminni á fáum árum.

Athugasemdir

[Lýður Pálsson, 31.5.2008 kl. 20:00]

Já, Barcelona er engri lík.